DCS-Mirror-parfait-ayanou_dic_gal_text

Bhɔ̃lèda 3

¹ Galati badaglouhouagni,inon gnèagni gouh? Daidani Jésus Chrissi bîoula dablassou yri ni ôh kpata lêh sanili paliôlagni ! ² icabagni mlogbi bobidoukou lini yibélé.Ani dréma loboli ̀wougôha anni pôtètèa èhanoula ni? ³ Aléssa badaglouhouan ? Abôlè wougôni sa akassi ôplè yèkèni bialèlè. ⁴ Cluî biassiagni dalèliniza sèko,dallèlia néba bèlé? ⁵ sokodou,ôh gnêlagni wougôh ni ôh nolagni nédi loboli kadi,djréma ah loboli zah ôh nèyi anni pôtètèa ènoukui pouliza? ⁶ Abrahamou tèlèla Lagôh plèco zah ya nouawlèa gnèliô, ⁷ anou daiza gba liah lalayi tchri walé Abrahamou ôh wouho. ⁸ Ziolia ziôh gba Lagôh yi wah mlila palozô pôtètèani titi pliôlè.Dinania siôha séh Abrahamou:"mliaboha yimon gnouni paliôlè." ⁹ Eza,liah kala pôtètè paliôh gnou ya Abrahmou kahala pôtètè. ¹⁰ Watèlèla djréma loboli plèco,kpilili kohwa koh,massè izio gba:"Kpilili gnéni ôh nila iziola djréma bôgohani zaco,ni ôh nola iboa." ¹¹ Oplèni ikoh kpata gba Lagôh plialè gnokpô titi djrémani,masse,̀"Nouwlè gnon yé koh pôtètèa zah." ¹² Djréma wlolè pôtètèni,ma dèza,"ôyéla dalèbani zah djrèma nicolèni yi djrémahouan nih kolè." ¹³ Chrissi flolèagni kpili djrémani daih ôléléla agnabini kpilili,massè izio,"Kpilili gnéni ôh gliôlèla souyri gbana." ¹⁴ Izôléba gba gnoupalè cohala Abrahamou koh caba wamlila palozô kognéni Jésus Chrissi ni,sa aca mino sèh aca kplôkplô wougô ni pôtètèani. ¹⁵ Nowlihouagni,ilopili yalini. Côtra ziôla saco,mlougbi zaha dacoussa anni ôh kaya bètoutoutou zoh. ¹⁶ Ôplèni iziôla ni igniôla Abrahamou côh ya wa wloulèlôni.Ini lopiou gba:"wa wloulèlôni"ifaliôla kpoutoukpa loh,ma dèza,mlogbi zah,"na wloulèhouanni,"ilila Chrssi ! ¹⁷ Ôplèni ilopi lini.Mènoun ziôlèla Lagôh nih zada siôh djréma yilila yroubô bagui glou îh tchimonna ya gloh ya kougba nédi. ¹⁸ Massè djalili cah djrémani yili,zassi ikahala yiha ni yili,ma Lagôh gnêh sèko Abrahamou dja côh ilila iziôlani. ¹⁹ Enèza djréma cobassida? Agbiôda cluibiôza,toun Abrahamou ôh yidani liôh iziôla niôla,ni djréma siôlè bladrihouani cluîh élila ôh walialani. ²⁰ Ma waliagnôa zièda gnokpôblo ônélanano,dèdani Lagôh léh ôyikô bloh. ²¹ Eza,djréma mlilèssé îh Lagôh zolada loh? Sêh inico! Massè djréma bloh gnèla popo kaba gniô koba ni,titi pliali zaba dâlè djrémani yili. ²² Ma dèza,ziéliha moumolè gnégninico.Eza,lîh Lagôh kala namli sa ikalagni gbounissa Jésus Chrissi pôtètèani gniôh watèlèla plèco. ²³ Ma fion sèh Chrissi nilè pôrètea kayini,apiôssi paloni niaclouliouhassi djrémani koh toun pôtètèa èyokounilini. ²⁴ Ni djréma léli agna clui kolibê toun Chrissi ôh yiyi tagnini sêh aka mino aka pôtètèani titipliôlè. ²⁵ Ôplèni dèh pôtètèa cossiladani,anéssi clui kolignon ôh djoli couko. ²⁶ Massè agniboa léh Lagôh ôh wouho pôtètèani ilila Chrissi Jéjus ni. ²⁷ Agnihoua boh zoliôla Chrissi ni gnouwli,apliôle clouh Chrissi ninî. ²⁸ Joufougnon ani Grèki gnon niko,ani gbôglèlignon,ani sèkoulè gnokpô,ani gnokpô,ani wlon,massè agniboa léh bloh,Chrissi Jésus ni. ²⁹ Aka Chrissi ônoa léh,alé dèza Abrahamou ôni wloulèhoua,djalihouan sah ikala yiha gbala.