¹ Ablɔȡé ŋtsi Kristo wa mi ablɔȡévio ȡó, yiŋtsia mi nɔtésésɛnȡé yi mi ŋgbe na woaȡé lé amɛ hluéhluɛn, kú agban kpinkpinwo kɔ. ² Kpɔȡá, enyɛn, Pɔlu ŋ lé tótówɔ nɔ mi bé:''né enyi bé miman wo so vo nɔ mi lɔ, Kristo ŋgbe nyi núȡé wanú nɔmio. ³ Sɔkpé xɔn lɔ, ŋ ȡékunu nɔ amɛshiamɛ tsi na wo so vo ni lé dandan mɛ bé ya wa ȡo éséɛ wó kéŋkéŋ djí. ⁴ Mi klán lé Kristo ŋtsí, miɔwó tsiwóé bé yewóa nyí amɛ djɔdjɔɛ tó éséɛ mé, mi klán lé aménúvévéɛmɛ. ⁵ Ðólɔ, lé gbɔngbɔnmɛ yio xɔsé méa, mi nɔtékpɔ djɔdjɔényinyi, lé mɔkpɔkpɔmɛ. ⁶ Lé Kristo Yesu mɛ lɔ, évo soso aló évo maso ŋdé xɔashio, Fifiɛ bohún lɔ, xɔsé ȡékɛ yi wadɔ tó lɔnlɔn mɛ. ⁷ Mi lé du lɔ nuiȡé. Mɛȡé ȡóté mi, mɛȡé tó nɔ mi bé mi ŋgbe xɔsé ȡó ényaxɔnwo djio? ⁸ Kánkánȡódjí asɔ wa nú tsi ŋdé só amɛ tsi nyɔ mi gbɔ. ⁹ Yóvówɔ tsiké viȡé yi tɛnɔ aman. ¹⁰ Nyin ŋkándó mia djí lé Axuétɔlɔ mɛ bé nye ŋdé lé énú bu susuwɔ. Amɛ tsi tsáká susu nɔmi, ȡékpokpui tsi nyilɔ, ehuɛdódó nye ŋtɔ tɔ la nɔdjí. ¹¹ Nɔviwó, ne ŋ gbe lé gbefán ȡéwɔ só évososo ŋtsi lɔ, ŋdé ŋtsi wó gbe le yonyemɛ tsiwoɔ ȡó? Afɔklinú atsisoga tɔ ŋdá gbe leo. ¹² ŋ djí bé mɛtsiwóé lé énúgbégblé wawɔ né tó le mimɛ. ¹³ Ðóa, nɔvinyéwó, Mawú yɔmi vá vovokpɔkpɔ gbɔ. wVovo kpɔkpɔ miatɔwó ŋgbe nyi édjro ŋtsilanmɛ tɔ wó, vɔ mi subɔ mia ȡékiwó tó lɔnlɔn mɛ. ¹⁴ Ðólɔ, éséɛwó kpátá nyi tsántsánkpé le ȡóȡó ȡéká pɛ mɛ, sɔ só xɔn ŋtsilɔ,"lɔn nɔviwo shigbe wo ŋtó néné". ¹⁵ Vɔ né mi lé mia ȡékiwó ȡuwɔ yi milé mia ȡékiwó drɛwɔ lɔ, mi kpɔ nyuiȡé bé mi ŋgbe va tsrɔn mi ȡékiwó. ¹⁶ ŋ tó né mi bé mizɔn lé gbɔngbɔn mɛ, yi mi ŋgbe wa ȡó édjro ŋtsilanmɛ tɔwó djíó. ¹⁷ Ðólɔ, édjró ŋtsilantɔwó sité ȡó édjró gbɔngbɔntɔ ŋtsi, ȡólɔ, wo sité ȡó wo ȡékiwó ŋtsi bé nɔ mi ŋgbe wa énú tsi tútú mi djró. ¹⁸ Vɔ, né gbɔngbɔnlɔ le mia kpɔwɔ lɔ, mi ŋdé gbe lé éséɛ gɔnmɛo. ¹⁹ Fifiɛlɔ, ŋtsilan dɔwawawó nyi ȡéȡéfia. Wo yi nyi hashi wawa, makɔmakɔ, agbe baȡa, nɔnɔmɛ baȡa, ²⁰ vodu sɛnsɛn, azé, éké wasa, adjre sawa, nuxuánwó, dɔmɛzinwó, ²¹ Klánklánwó, akɔwawawó, ŋbian, ahamúmú, agɔȡuȡu kúdó énú tsiwó ȡi núxɔnwó yi ŋgbe nɔ mi lɔ, sigbe tsiwó ŋtsi ŋ xo núxó só nɔ mia, amétsiwóé wanɔ nene wó núwó lɔ, wo ŋdá téŋ yi fiaȡuȡu Mawu tɔ méo. ²² Vɔlɔ, ŋsɛn gbɔngbɔntɔlɔ wó lɔnlɔn yɔ, djidjoɛ, vovo, djigbɔnȡɛ, ²³ enyui wawa,yayra, xɔsé, víví, amɛȡékidjiȡuȡu, éséɛ ŋdé gbe nuxɔnwó. ²⁴ Mɛ tsiwoé nyí Yesu Kristo tɔlɔ, wo kán gbaza wotɔwó kúdó wó djrówó kú édjró baȡawó. ²⁵ Nɔn mi le agbe le gbɔngbɔn mɛ lɔ,mia zɔn tó gbɔngbɔn mɛ. ²⁶ Mi ŋgbe nyí enúgbalówó, anɔ egé djiwo yi anɔ ŋbianwo lé mia nɔnuiwó ŋtsio.