¹⁷ Ké améȡékpokpui ŋgbe léŋ ȡadɔmɛo, ȡoá ŋ ȡó Yesu wó djéshi ȡó ŋtsi. ¹⁸ Nɔvinyewo, Yesu wó amenuvévé ne nɔ kudó mia gbɔngbɔnwó.Ami. ¹ Nɔvi nyɛnwo, ne wole amɛȡé le nu vuon méa, mia mɛ tsiwoé nyi gbɔngbɔnmétɔwóa, mi trɔdjɔɛ kudo gbɔngbɔn blɛwuȡé. Mi nɔ ŋzɔn le mia ȡékiwo mé né wo ŋgbé témikpɔ. ² Mi ma mia gbanwo ȡékáȡéká ne mia wa ȡo Kristo wó séɛ dji. ³ Né amɛȡé susui be ye nyi nuȡéa, ŋdé nyi ŋȡéo, ele ye ȡéki béwɔ. ⁴ Ke amɛshiamɛ né do yio dɔwawawo kpɔ, gaxɔnmɛ né ya do djéshi ŋȡé le yi ȡékimé asɔ nɔ eglo wawɔ, né ŋgbe sɔ yi ȡéki sɔkudo amɛȡéo. ⁵ Ðolɔ, amɛshiamɛ la dro yiŋtɔ wó gban. ⁶ Amɛ tsi wo fia nyɔlɔ ȡo la ma nunyui ȡékpokpui kudó nufiatɔlɔ. ⁷ Mi ŋgbé blé miȡékuiwó, wo ŋdé konɔ Mawuo. Enu tsiwo kpata yi amegbetɔ la dóa, ela ȡé. ⁸ Ðólɔ, amétsi donú nɔ yiŋtɔ wó ŋtsilan lɔ, ela ȡé yetɔ wó ŋtsilan, (la kɔruption). Vɔlɔ, ametsi donu ne gbɔngbɔn la kpɔ agbemavɔ tó gbɔgbɔnme. ⁹ Mi ŋgbé tɔshi nunyui wawa, ȡó gamɛ nuitɔ, mila ȡé nuku, né miŋdé tsi mɔta. ¹⁰ Kéxɔn tsi mi ȡó mɔnukpɔkpɔa, mi wa nunyui ne amɛshiamɛ, ne amɛ tsiwó le xɔsé mɛ kudó mi. ¹¹ Mi kpɔ lɛta gangna yɛwó tsi ŋ ŋlɔn ne mi kudó axin lɔ. ¹² Amɛ tsiwoé djinɔ bé yewa ȡé yewó ȡéki fia, zinɔ miadji bé miné so vo, né wo ŋgbe va so kodjó nɔwó so atsisoga ȡéȡé kpo. ¹³ Ðoa amɛtsiwo so vo ŋtɔtsán wo ŋdé lé éséɛ ȡashí. Vɔlɔ, wo djibé woa so vo nɔ mi ne woa kpéŋtsia yigo lé mia ŋtsilanwó mɛ. ¹⁴ ŋgbé bamɛ nuŋ gbéȡé bé ma yigo, né ŋdé nyi mia xuétɔ Yesu Kristo wó tsisoga ȡéká ŋtsio. Tó yɛ dji yi xixéɛ yi atsisoga ŋtsi nuŋ yi nyetsán ŋ yi ŋtsí nɔ xixéɛ. ¹⁵ Ðoa evososo tsán kudo évomasotán ŋdé hian vɔ nutsi lé veveȡé yi nyi nuwawa yéyéɛlɔ. ¹⁶ ŋtsifafa kudó adɔmenyui wawa nɔ améshiamé tsi nɔ agbe leȡoȡó nyui yɛ mé, kudó Mawu wó Israɛli djí. ¹⁷ Ké améȡékpokpui ŋgbe léŋ ȡadɔmɛo, ȡoá ŋ ȡó Yesu wó djéshi ȡó ŋtsi. ¹⁸ Nɔvinyewo, Yesu wó amenuvévé ne nɔ kudó mia gbɔngbɔnwó. Ami.