¹ ŋ nui xoxo be tinɔȡutɔ ȡévi yɔ,ŋdé tóvo né amɛ xluéxluéo, énú nyɔ nɔ wokpatá nyi étɔ, ² vɔ éȡola bɔbɔ yé ȡékui ȡo gɔnmɛ nɔ yio kplɔtɔwo kudó yio axuénugawo tsi kesinɔnu xɔnwó kan káká sɔ na gaxɔnmɛ yi va nyɔn nɔ étɔlɔ. ³ Miɔ tsán, gayimɛ mi nyi ȡévi lɔ, mi lé xixémɛ wó nuwawa wó mɛ. ⁴ Vɔ gaxoxo tsiwo kpɔ emɛ vava yi Mawu dɔ viɛ, tsi nyɔnuȡé dji, tsi wo dji lé éséɛ mɛ. ⁵ Né yava ȡé amɔwo djó lé éséɛ gɔnmɛ, né mia ȡó núkpɔkpɔ djésiwó sgbé évi néné. ⁶ Enu tsi ŋtsilɔ, mi nyí éviwó, Mawu sɔ éviɛ wó gbɔngbɔn sɔ dó mia djiwó mɛ, donɔ axuá, "Abba, Etɔ." ⁷ Le ehuɛdjɔdjɔ xɔn mɛ lɔ, mi ŋdé gbe nyi amɛ xluéxluéo, vɔ mi nyi évi, né mi nyi évi lɔ, ké mi nyi tsinɔȡutɔ sɔ tó Mawu djí. ⁸ Sán xoxo, gayimɛ mi ŋdé kpɔ djéshi Mawuo lɔ, mi nyi amɛ ne mawuwó tsi ŋdé yi mawu tutu o. ⁹ Vɔ tsi mi le Mawu djesiɔ fifiɛ, alo Mawu djesi mi fifiɛ, ŋɖé djɔ mi la gbé trɔ yi enu tsi yi ŋɖé ɖo ŋsɛn o, enu gbalo, énu vɔɛnȡi gbɔ? mi gbé lé djidjiɔ bé ye wa yi amɛxluéxlué kéa? ¹⁰ Mi lé ŋkuno ŋkékéwo dji, wétriwo dji, énu dodo wo gamɛwo dji éxuéwo dji. ¹¹ ŋlé vɔnvɔn sugbɔ ȡo mia ŋtsi; ŋvɔn bé ŋ wa éȡɔ gbalo nɔn mi. ¹² ŋȡé kuku nɔn mi, nɔviwo, mi trɔ sigbé lé tsi ŋléa nɛnɛ, énu tsi ŋtsi lɔ nyɛn tsan ŋtrɔ sigbé lé tsi mia so tsan mi lé nɛnɛ. Mi ŋȡé wa enubaȡaȡé kuŋ o, ¹³ mi nyan bé ŋtsila yo gbɔdjɔ gbɔdjɔ ŋtsi ŋvɔ to mawunyɔn kɔkɔɛ nɔn mi tutugbɔn tɔ. ¹⁴ tsi nyi dodokpɔ nɔn mi lé axun gbazamɛ, mi ŋȡé gbéo alo sɔdankpɛn o, bohuŋ, mi xɔm sigbé mawu dɔla alo kristo yesu nɛnnɛn. ¹⁵ Fiȡé mio djidjɔ kpɔkpɔ lé viɛ? Nu tsiŋtsi lɔ, na teŋ ȡé nukafu nɔn mj bé, nɛ émɔn ȡéȡé lé lɔ, miȡé mio nu kpɔkpɔ lé xɔn nɛ mia trɔva gbɔnyɛn. ¹⁶ Lé xɔn fifiɛ, ŋtrɔzun miwo kétɔ ȡolɔ ŋlé nyawo toɔ nɔn mia? ¹⁷ Amɛȡéo lé djinɔn ŋkɔgbé nyi nyj nɔn mi, vɔ ŋdé nyi mio nyɔna ŋtsi yɔ. Wodi bé yéwa ȡémi djolé ŋtsinyin nɛ mi trɔ kpasa wo do. ¹⁸ E nyɔn bé nɛ mia wa énunyui gasiagamɛ, ŋȡé gatimɛ ŋlé mia mɛ kɛŋ gbɔxué o. ¹⁹ ŋ kpɔtɔ lé vévé séɔ bé mi gbé lé vifɛn mɛ, kaka kristo va tu yéȡokui ȡo lé mia mɛ! ²⁰ ŋ dji la nɔ xɔn kú mi fifiɛ ne ma ȡȡɔli égbe tsinyɛn ȡɔa axun susu trɔ le mia ŋtsi. ²¹ Mi tó nuŋ, miawo tsi dji be yeo anɔ gɔnmɛ nɔ éséa mi ŋdé sé énutsi nuwɔ ésɛ léɔ? ²² Ðó wo ŋlui dɛȡɛ bé Abraham ȡó évi amɛve, ȡéká nyi amɛxluéxlué wo vi ȡéká nyi ŋgbedovi. ²³ Gakéa, amexluéxlué via yi wo dji le ŋtsilan mɛ, vɔ agɔsɔ nyɔnua wo vi yi wodji so ŋgbedodo mɛ. ²⁴ Yi ényɔ xɔnwo wo tɛŋ nyi élododowó. Nuyiŋtsi nyɔnu ameve xɔnwo le sigbé énubabla ameve nene; ȡéká só étó Sinai tsi nyi amɛxluéxlué yio djɔsoxué, tsi nyi Agar. ²⁵ Fifiɛ Agar nyi étó Sinai tɔ le Arabi yi dó djesi Yerusalem fifiɛ tɔ, ȡoá éle amɛxluéxlué yio kadodomɛ kúdó éviɛwo. ²⁶ Vɔ Yerusalem tsi le edjí lɔ, ŋtsi vo ni yi enyi mianɔn. ²⁷ Nuyiŋtsi wo ŋlui daȡé bé:"nyɔnu ékonɔ édji né djɔ, éwo tsi ŋdé ȡó éviȡéo, ȡó édji djɔ amɛ tsi wo xá, éwo tsi ŋdé sé évidjidji yio vévéo nutsiŋtsi lɔ, konɔn wó viwó sugbɔ wu amɛ tsi ȡéasu wó viwo. ²⁸ Fifiɛ, mia nɔvinɔwo sigbe Isaak nenea, mi nyi ŋgbedovio. ²⁹ Sigbe letsi élé sán nene, mɛ tsi wo dji le ŋtsilan mɛ lɔ, éȡóla ȡéfu nɔ amɛtsi wódji le gbɔgbɔ mɛ, le xɔn lɔ nene ké yi le égbɛ nea? ³⁰ Enyɔn ŋdé lé ŋluiŋluin tó:"Nya nyɔnu améxluéxlué kuú viɛ kpo, nuyiŋtsi lɔ amexluéxlué wó vi ŋda tɛŋ ma kesinɔnu kúdó agɔsɔ nyɔnu wóvio." ³¹ Fifiɛ nɔvvinyɛnwó, mi ŋdé nyi amexluéxlué wó viwó vɔlɔ ŋgbedóviwó minyi.