¹ Galati énumagnátɔwó, mɛȡé ȡu aze nɔmi? Tso gankéa ȡéȡéfia nyui ényi ne ɔkristo tsi wo kán ȡo atsisoga ŋtsia yi va ȡé yéȡéki fia mí. ² ŋ djíbé masé ényɔ kpom le gbɔ.Mi xɔ gbɔngbɔn kɔkɔɛ tó éséȡéwo wawawo mɛ aló tó nya tsiwo mi sé yi mi xɔdjisé? ³ Mi nyi énúmanyatɔ nene tɔa? Yi mi tɔdji le gbɔngbɔn mɛ la va wunu le ŋtsilan mɛa? ⁴ Mi ȡu aya le enutéxué kpɔkpɔ wawawó mé gbalo, nɛn nya wótɔ ényi nugbaló? ⁵ See bé amɛtsi na mi gbɔngbɔn kɔkɔɛ yi wa dɔganwó le mia domɛa, ŋdé wa ȡo ésé wó ȡoȡowo dji alo énya tsiwo ésé yi wa dji sé ŋtsi? ⁶ Tsi Abraham "ȡotó Mawu wó gbe yi wo sɔ wa ame djɔdjɔɛ''. ⁷ Mi sé gɔnme bé amɛ tsiwoé ȡó xɔsé woé nyi évi ne Abraham. ⁸ Wó ŋluin ȡɛ bé Mawu la so kodjó ne amɛtsiwó ŋdé trɔ djiméo le wó xɔséwó nu. Wo tó nyɔ nyuiɛ lɔ nɔ Abraham djéŋkɔ:"Sɔ tó djio lɔ, dukɔnwó kpata lakpɔ yrayra. ⁹ Tó Abraham wó tó ȡóȡó Mawu dji amɛtsiwo trɔ djimɛwo kpɔ yrayra. ¹⁰ Amɛ tsiwoé kán ȡó ésé wawa djilɔwó lé énuvɔn mɛ, énu tsi ŋtsi lɔ, wo ŋluin daȡɛ bé"Finxodo né nyi amɛ tsi ŋdé le agbé nɔwɔ ȡó ényɔlɔ wó sé nuo." Yi migbe sɔ nya kéŋkéŋ sɔ dó édɔwawa mɛ. ¹¹ Fifiɛ émé kɔ bé Mawu ŋdé bunɔ mi amɛkɔkɔɛ le ésé mɛo, enu tsi ŋtsilɔ, amɛ kɔkɔɛ nɔnɔ agbe le xɔsé mɛ. ¹² Esé ŋdé sónɔ xɔsé mɛo, vɔ bohún "amɛ tsi wanú ȡó ésé dji lɔ enɔnɔ agbe ne éséwó. ¹³ Kristo xlué mi só finxodó mɛ kudó ésé le étsi mɛ yi trɔzun finxodo wó nú, yiŋtsi wo ŋlui ȡɛ bé"Fixodó ne nyi amɛ tsi wo kán ȡó atsiɛ ŋtsi tɔ. ¹⁴ Djidjí tsi le mɛ lɔ yi nyi yrayra tsi le Abraham dji ya téŋ kpɔ mɛvavá ne maxɔsetɔwo wa xɔ gbɔngbɔn kɔkɔɛ sɔ tó yio xɔséwo mɛ. ¹⁵ Nɔvinyɛnwó ŋ le nuxó xowɔ nɔ mi lé agbetɔwó nyɔ nu. See bé mi ȡu zo nene. Amɛȡékpokpui ŋdá téŋ va ȡédjó aló asɔ bu va kpio. ¹⁶ Fifiɛ lɔ, ŋgbedódó tsi wo do nɔ Abraham kúdó yió djidjimɛvió kpɔ emɛvava. Wo ŋdé nui kpo,"nɔ djidjimɛvió" aló wɔa ȡó ŋkuvi amɛ sugbɔwó djí, sɔ tó amɛxɔn djí lɔ, amɛ ȡéka pɛ lɔ,"Miȡó djidjimɛ éȡéa" tsi nyí Kristo! ¹⁷ Fifiɛ ŋlé enyɔyɛ tówɔ. Ezodudu tsi dji Mawu ȡókpé ŋdá téŋ Kankan yio ŋgbedódó lé éxué kawó tákpó tsiwó gódó. ¹⁸ Né tsinɔn ȡuȡu tó só ésémɛ lɔ, éla tó só ŋgbedódó mɛ, vɔ Mawu sɔ tsinɔn na Abraham bɔbɔɛȡé sɔ tó ŋgbedódó mɛ. ¹⁹ ŋdé ŋtsi éséa lé ȡó? Wo sɔ ésé na né wɔa djeshi énúvɔn, káká sɔna Abraham wó djidjimɛ viwó, tsi Mawu dó ŋgbé né wotɔ, yi Mawu dɔlawo va hunu le éséɛ dji sɔ tó avunȡatɔ ȡé djí. ²⁰ Vɔ tsi avunȡatɔ ȡéká dó avuan mɛ lɔ, agbetɔ ȡékpokpui ŋdé gbe léo, nu tsi ŋtsi lɔ, Mawu ȡéká yi lé. ²¹ Aló éséɛ gbe Mawu wó ŋgbédódówó yea? Gbeȡéo! Ne ésé latéŋ na amɛ la nɔ agbe lɔ, énya djɔdjɔɛ ŋdá vá tó ésé méo. ²² Vɔ lé akpá bu djilɔ, énu ŋlɔnnlɔnyɛ lɔ énúwó kpátá ȡó ésé mɛ. Vɔlɔ, Mawu wó djidjí nyi bé né ya xɔnɔ mi sɔtó Kristo yio xɔsé nɔn amɛtsiwó xɔdjísé. ²³ Vɔ kéŋgbɔxué Yesu edjitɔ la va, éséɛ dó mi gakpámɛ yi lémi káká va na gayimé xɔsé wó ȡéȡéfia kpɔ émé vava. ²⁴ Eséɛ le mia kplɔwɔ káká sɔ na Krist wó gamɛ né mia téŋ nyi amɛ djɔdjɔɛwo lé xɔsé mɛ. ²⁵ Fifɛ tsi éséa leea mi ŋdé gbe le amɛkpɔtɔlɔ gɔnméo. ²⁶ Ðolɔ, sɔ tó Yesu Kristo yio xɔsé dji mia mɛ kpátá mi nyi évi nɔ Mawu. ²⁷ Mia amɛ tsiwó kpátá yi wo nyrɔn le Kristo mɛ lɔ, wo sɔ mi dó Kristo mɛ. ²⁸ Yudatɔ ŋdé léo, Grektɔ ŋdé léo, amé xluéxlué ŋdé léo, amé tsivo ŋdé léo, ŋsu ŋdé léo, nyɔnu ŋdé léo, énuyiŋtsia mi kpátá mi nyi énú ȡéká le Yesu Kristo mɛ. ²⁹ Ne mi nyi Kristo tɔlɔ, ké mi nyi Abraham yió djidjimɛ vió, mi nyi tsinɔn ȡutɔ le ŋgbe tsi wo do nɔ mia nu.