¹ Si ansu ta, "ki jire ni ankuti, ma'ato hotonku erno wonde zuni a djamba mato bu kabui nzuni moi mene Ndeyi ndino ki gyedo." ² Ki bei sommodi baashi modi, yeso namko Bitrus ki yakubu ki Yahaya gyemani a kab baba gosho, nzuni modasu. Subani safhinni a domsu. ³ Subani a talku, hetre garal hetre shidei yo an subani bu a tong dunya. ⁴ Iliya ki Musa dani gyemansu,a zugonto eni ki Yeso. ⁵ Bitrus lapko, nami anik Yeso, "Malum, iko zina gyemamu wonde, ramtamu bikunu, modi yoko, modi yo Musa modi me so Iliya. ⁶ (Ki kasi man ei yo ana bu, ki ka nzuni nzuba.) ⁷ Kebe urno kasu. Nami kol dolya hetenok tong kebe "woi lano yo ka tilino. Kolasi." ⁸ Naskobu, do moyanko gengansu, an ngobu kaba Yesomodabi. ⁹ Do akato urshe ki ka gosho, si ansu ta, kada nguni anik ngobu ei yo nguni moyanko, kabanala ngo hindinik mato. ¹⁰ Kika ka'a nzuni bunkanko a tilinsu, me nzuni 'yanko eni hotonsu. "a hinda mato ka modi."hawo ni miya. ¹¹ Nzuni dolanko si ta. "Ki ka miya ana tureshi ananko ta dole Iliya ndutu yo tono?" ¹² Si ansu ta, "dole ILiya nditu tono matetu eimiya ke. Na ka'a zobkoi miya tureno ta dole la ngo se bone tim biya matesi kit ngoi saraini? ¹³ Men anshenku Iliya tedenni, ki ka ka'a nzuni 'yanko ko ei miya yo nzuni ndalankok si kityo eni Ndeyi anko kanni." ¹⁴ Do nzuni mano gyem majirakui, nzuni moyanko algi tim nemki nzuniki ana tureshi a kato shanak nzuni. ¹⁵ Do nzuni moyan kosi, algi shaf ransu monmoni nzuni ndanko gyemani ki jijo a lakdasi. ¹⁶ Si dolko majirakuni, "A ka miya ngu kato shana ki nzuni?" ¹⁷ Ngo yo'oto tong algi lafni ta, "Malum, ne mokno lano gyemanko. si an sinkau yo zobko si gita eni bu. Sinkau moiko si tube si eli bo ni a huhulo, atko udini, si hoinni. Ne dolko majirakunko ta ho'otik sinkau 'e ki zugonni, nzuni gita ko bu." ¹⁸ Si lafsu ta, "Biyai ngu anandi jire bu, ne deyak nguni bo sommodi mono? Sommodi mono ne ina habri nguni ¹⁹ Moka tisi gyemano." ²² Mokano lalamai gyemani. Do sinkau moiko Yeso,kauso kauso a yak tini elizugoni didide. Boni ke a huhulo. ²¹ Yeso dolko boti lalammai 'e, 'Tin ki miya wonsi?" Bobi lafko ta, Tin ki mamaini. ²⁰ Badis modi a olsheni hak tesi ko hak ham ndalo dugini. na gitko ina ei modi, kol jigyayi muko shate muni." ²⁵ Yeso ani ta, "Na ko giti? shaf miya komiya a itinni gyem ngo yo onko jire." ²⁴ Nasko bu, boti lalammai aha boni anko taye, "Ne onkok jire! shati ne'e kimure ona jire no!" ²³ Do Yeso moiko algi jijujo gyemansu, si gilla ka sinkau ye anita, "Koi bebe ki bunbang sinkau , nen anshenko hitik hawonni, ko madi hawonni jo bu. ²⁷ Si iko takuk yakta lalamamai elinami hatani. lalammai deyini kit ngoi yo matini, biya tim ananko ta "matini." ²⁶ Yeso ngaf ko saranni hafta si lai hinda erno. ²⁹ Do Yeso meno tong bano, majirakuni dolankosi hak bunko. "Ki ka miya mu gitanko hodasi bu?" ²⁸ Si ansu ta, shida woi 'e ngu gita hodasi bu kabak donshu." ³⁰ Nzuni hatansuk wondi dahanko Galili. Si nda kola mante bei ini bu. Ki ka si kato shutak Majirakuni. ³¹ Si ansu ta, "A ontik la ngo a sar biya, nzuni me dugini. Na dugani, ki bei sommodi kunu a hindini." ³² Nzuni mananko eni woi bu, nzuni me a nzubak dola si. ³³ Nzuni dano kafarnahum. Do si a hak bano si dolko nzuni, "Ngu ansheta miya a ka billei 'ye?" ³⁴ Nzuni ye'etansu. ki ka nzuni 'yanko shana ki zugonsu a ka bille ta ngo yiya na'akonsu. ³⁵ Si deiko esha dir boloi shafsu, si ansu ta, ko lo na si ndal deyi na'ako a deti bida kolo. ³⁶ Si namko lalamma mama'i artist hotonsu. Si namko si bo gyebanni ansu ta, ³⁷ "Ko ngoi yiya biska shida lalamma woi 'e a hak suno, ai si biska ne'e, ke na ngo biska ne'e , a biska ne'e modano bu, ki ngoi yo sarno ne'e." ³⁸ Yahaya ani ta, "Malum mu moyanko ngo yo'oto a ho'oshe sinkau tong sunko muni mu nganiti ki ka si a dafshe muni bu." ³⁹ Yeso anko ta, kada ngu ngeni bu, ki ka an ngoi yo ina nakok ruta a tong suno ki a kudi no. ⁴⁰ Ko ngoi yiya na gahak muni bu yomu. ⁴¹ Le ngo yiya onku kidinya ham seshi ki ka nguni yo kristi, ki jire ne anshenku, si yakla ladani bu ⁴² Ko ngo yiya zobko modi ngete ki tong mimi'i mae'e yo onano jire, gara a ngari gosaho gi'yani olini haushi. ⁴³ Na saratko zofko ngetei, batini wanlekoti ko re jannak sara modi ki ka ko re yesi ki sara bolo. ⁴⁴ [2] Tureshe zina yo onzi wuska reta eni woi 'e [Aya 44 ki 46]. 'be'is titosu mashe bu yesi ke mashe bu." ⁴⁵ Na shekenko zohinko ngete, batini. Wanle koti ko ro janna kudau ki ka ko andi sheken ko bolo ko re yesi. ⁴⁶ [3] mati hankal ki aya 44. ⁴⁸ na idanko zohinko ngete, hodini. Walle kotiko ro ban Ndeyi ki ido modi ki ka olkoi ban yesik idanko bolo, ⁴⁷ beis tito su mashe bu, ke yesi su mashe bu. ⁴⁹ Ki ka le ngo yiya a kabta sik yesi. ⁵⁰ Manda zina , na shahatoi, ko matate mandato lolo? Deyak mandak hototku, deya lahiya ki zehe."