¹ Yeso wusko bei wonsis nami goni lardi Yahuda ki lahai dom ki haushik Urdum, dahitik algi deino gyemani. Si shuta su kit shida yo aishe lei ta miya. ² nami Mafarisa ndano gyemani do kafta si dol si ta, "Suba gorzo wus mandi do?" ³ Si lafsu ta, "Musa anku ta miya?" ⁴ Nzuni ani ta,"Musa yarditik ngo ture tagerdak duga babno nami rokinto." ⁵ "Woi ki bo gyedok tilinku si tureku uhe woi ye'e", Yeso ansu ta, ⁶ me tinki ina duniya,'Ndeyi iko nzuni gorzok mandu'. ⁷ Ki ka ka'a gorzo wuskit bobi ki noni deyik man 'i, ⁸ nzuni kasu boloi deyiamsu modi. ⁹ Ki ka ka'a ei Ndeyi gomtitkoingo tike bu." ¹⁰ Do nzuni tong bano, majirakuni, dolankosi ka woi'e. ¹¹ Si ansu ta "Ngoi na wusko mandi ka so'otosi ishe aza. ¹² Na te wusko mizinto te ka gorzo yo'oto, te ke aza." ¹⁴ Nami nzuni mokani millan su mami'i do sakhe nzuni , me majirakuni gilla kasu. ¹³ Me do yeso moiko ka'a si kolko zeibu yak nam anshen su ta. "Wusa milla mimi'i datu gyemno nzu ngesu bu, ki bo mene Ndeyi yo su. ¹⁶ Jire! ne anshen ku. Na ngo biska mene Ndeyi kit yo lalamba bu an tantama bu si rina ban ndeyi bu. ¹⁵ Si namko milla bo gyebani zobsu barkanami zesu sara. ¹⁷ Do si zalko marshe, ngo modi ino jijo gyemani a joma dom ni, a dolsi. "malum yo zinane ina miya ne wai zou so o an bo erno to bu? ¹⁸ Yeso ta, "ki bo miya ko esha ne ta malum yo zinaye? Andi ngoi zina bukaba Ndeyi modabi. ¹⁹ Ngu manantik uhe: ngu duk zou bu, ngu nggu 'e aza bu, e shiri bu, ngu e rerei kangobu, ko ngu raruk ngo bu, on na'akoki boko ki nonko" ²⁰ Ngo yen anko ta, Malum, mamaye shaf ne dabko do ne bunga" ²¹ Yeso ini moinok ndolinka. Si ani ta, ki ne 'ye modi. Ndu ko boititik kareikoshaf ko onti oyui an mure, ko wena daraban Ndeyi ko dutu ko daf ne'e. ²² ki kola eni si yabtitik tili dunik yabtatili ki bo si an karei shei. ²³ yeso wangla ani majirakuni, 'a ina yam kitana dara ro tong mene Ndeyi." ²⁴ Majirakuni yanko monmoni ka eni ni. Teso me sauwi di anshensu, milla a in yam kit miya an dara ro ban mene Ndeyi! ²⁵ Gedat ko kafuru digmogedek wunti libra ka a dara ro tong mene Ndeyi." ²⁶ Nzuni 'yanko monmoni a e'eni hoto su ta, "Ngoi yiya a watik wangui 'e?" ²⁷ Yeso moiko nzuni a anshe su ta ei yo ina yam ki biya 'e , yam gyem Ndeyi bu." ²⁸ Bitrus zalko enik si "moyimu deinko lei miya mu dahanko." ²⁹ Yeso anko ta, ne anshen ku jire, an ngoi deiko banoni bu, ko ba'enti, ko darinshe ni, kononti ko boti, ko millani ko kori, ki kanno, ki ka eni Ndeyi. ³⁰ An ngoi a biska ko dalma bui a tong dunyas, bano, ba'inshe, minmonde, ki milla, ki kori, ki kuda , ki beime, zou so an wuye bu. ³¹ Me biyai ye yo bo tono a mena su bei, biyai yo bei a menan tono" ³² Nzni a ka bileisano Urshalima, Yeso gyedani domsu. Majirakuni a monmoni, biya yo dafshe bei a zuba. Yeso namko majirakuni dirbolo gyenga sauwidi anshen su ei yo helek si. ³³ "Moyi mu gommu dishen mu Urshalima, a ona la ngo sara manekshi malumshe ki ana tureshi a bat ni ti mato kanni ke a onik biyai manako Ndeyi bu ³⁴ . Zuni zursheni, tuhini lei zugoni, a ini jibo, a dugini. Bei sommodi kunu me a hindini." ³⁶ Yakubu ki Yahaya, milla Zabadi, dano gyemani ani ta, "Malum," mu dalanko ko e mu shaf e yo mu dalanko." ³⁵ Ansu ta, Ngu dalanko iku miya?" ³⁷ Nzuni ta, wusi muni modi deyi saratkos tishi modi saras gede a sommoddi nama kat ko ³⁸ Yeso lapsu ta ru, ngu manko eni yo ngu ɗonsha bu. ngu gitik seshe tong gyerwale yon sena? do ngu gitik biska Baptima so ino? ³⁹ Nzuni anini ta, "Mu giti," Yeso ansu ta, "Gyerwale yon sena ngu giti seshe ki Baptisma so 'yano nguni ke a gitik ishen ku. ⁴⁰ Me a hotonkyi ngo yo ɗeya tinan no ki geden no on shei yo no bu, yo biyai 'yanko bo zuni." ⁴¹ Sommodi yo majirakuni bimmaɗ kolan ka'a zuni yabtankok tili ki Yakubu ki Yahaya. ⁴² Yeso wunda nzuni gemni ansu ta, "Ngu manakotik mamaye ana meneka ana miya ɓatoi, ana geɗo kasu, ke a njeka nzuni. ⁴³ Ka'a me ɗeya hotot ku bu. Shaf k ngoi na dala ɗeyi na'akotintilku kaba na ɗeiko bidan ku, ⁴⁴ na me ngoi na dala ɗala yo bo tono a tintilku kaba na mata kani beiku. ⁴⁵ Ki ka lah ngo ɗino ɗo ini ruta bu si ɗino bo ɗo ɗei bida biya nami on zouni bo wangu. ⁴⁶ Ndano Jariko. ɗo de'yano Jariko ki majirakuni algi shei, bei woi Bartamawus la Timawus, mukum a ɗonshu, a ɗeino genga billa. ⁴⁷ Si kolko ta Yeso a Nazaret, si nami lula ta, "Yeso, lad Dauda,kol jigyayino!. ⁴⁸ Algi shei gillanko kani ma a ye'ete me sauwidihabta ɗolyani, lah Dauda, tu jigyayino." ⁵⁰ Yeso erko a ansu ta esha ti si. Nzuni esheno mukums 'ani, ta, "I geɗok tili! Hinɗi! aesha koi." ⁴⁹ Yakta subani genga duko gya Yeso. ⁵¹ Yeso lafni ta, "ko da ɗon iko miya?" mukum ye ta, "Malum, ne dala ne wei moino." ⁵² Nami Yeso ani ndui. "Ona jire kodarintinko." A bo ido si zolkok moino, nami si ɗafshe si ka bille.