¹ Zuni dano urushalima zuni a new ki Betafaji ki Betanyg a Gochok Zeitun yeso sarko majirakuni bolo. ² nami ansu ta, "Natong gabanis dommuse. kirshe ku, ngu bola La Koro yo yo damɓako ko ɗena si bu. biɗata shi bgu mokinno. ³ Na ngo anku "Ka miyag ishe ka aye?" ngu ansu ta "Bamu abano dashi a wus kushi a tube to si kauso kanso wunde." ⁴ Zuni dako bola koroi ngarno boduɓano hak nguro, zuni biɗa La Koroie. ⁵ Andi biyai madi a erno be'es'e zuni ansuta, ngu ishe miya, bide Lokoroe?" ⁶ Zuni anasu kit yo yeso ansu, biyaye wusanko zuni ngab bilensu. ⁷ Majirako boloi mokano La Koroi ki yeso zuni lakɓanko suɓansu ka bile, maɗinsu kasko dahos dakanok riya aka billa. ⁹ biya yo domni ki anin ɗaha beini lulako, "Namaka! Abarka ndino tog sun Bomu Abano ¹⁰ Dishe mene bomu Daudo an barika Namaka a ɓaɓa!" ¹¹ "yeso rino urushalima ruko hak ban ndeyi moiko ko tiya ki ko eimiya. kaiso, sommodi geɗani, duko Baitanya ki mijira kuni dirbolo. ¹² dakanik badi zuni manok Baitanya yeso kolko kizi. ¹³ Moiko ro sakri ki gera so andi kuma, duko ta beia bola le'e a ro'e. dino her roi me, bolino an le'e bu kaba kuma, kika sommodi le'e to bu. ¹⁴ Yeso ito eni "Andi ngo yo haɗa Le'eshi bubolo." majiraku ni me kolanko. ¹⁵ Zuni dano Urushhalima, yeso ruko tong ban ndeyi nami some raka ana boita ki ana keje karai a hak ban nedyi. Yeso tubi kok tekur yo ana safya oyu ki jakɗak ana beota wuku. ¹⁶ Yeso wusko kolo nam ya modj yo baeta bu ki hak ban nedyi. ¹⁷ Yeso chutesu, "ta tureno, budu "Banonnos a wunda te ta bei ɗonchu yo shab ki algi dunya? nuguni ke matanto gurgak ani kacho." ¹⁸ Malumche nakshi ki anin tureshi kolako ey si anko, zuni bartanko a dugini. Nzuni me yanko zubani kibo algi shaf a monmomi shutuni. ¹⁹ lei magirhu siya nzuni hetensuk tong gyabani ²⁰ ɗa nzuni marchek babaɗi, moyanko sakris hoito shaf ki chorinot. ²¹ Biturus dibko a anita, "Malum, moyi! ro shakri soko kunzate hoeto ko." ²² yesu Labsuta, "ona jirek ndeyi. ²³ No anchenku jire ta ko ngoi yiya na antok gosho wose, Hinɗi shi go gene haushi, nako iko tantamabu ko okok jire a ka e'yok anko Ndeyi ke iko so. ²⁴ Ki ka'a no anchenku: Shab ei na ngu ɗonshako, ona jire ngu biskanko, ke ɗeya yoku. ²⁵ na ko hinɗa ɗonshu, ko ya Leilo yo ko Leihi, Leihit ko." ²⁶ (4) Tureshes onzi so zina duranko oya wose'e (moi hak Mat 6:15). markus 11:26 mena ngu yahako bu, Bomu yo ɓaɓa ke a yahe ku Leihet ku bu. ²⁷ har kauso zuni dano Urushhalima. yeso a marshe hak ban Ndeyi, Malumchei nakshi, ki anin tureshe, ki kok naku dano gani. ²⁸ Zuni anani ta, "Ki geɗok lo ko ishe 'yawo ye? Onko geɗos Lo ko e zuni?" ²⁹ Yeso ansu, "No dola nguni 'ya modi. Ta anano neken anku ngoi ono gedo son ishendi mamaye'e. ³⁰ Babtismak Yohannas, ki gam ndeyi do ki gem biya? Laha ba." ³¹ Zuni 'yanico shanaic zehek zuni anita, namu anako, "Tak gem ndeyi, si ana to, "Kika miya ngu onani jirebu? ³² me nam annaico tak "gem biya zuni 'yansu zubak biya; kika zuni mannakot. Yohanay nabi ndeyi." ³³ Nzuni lalakok yeso, "Mu mana ka bu." Nami yeso labsu ta, "Ne'eken anku bu ko ki geɗok lo no ishe mamaye."