¹ Yeso soma shutan su tong eni bunko. Si ta, 'yo'oto kafko kori, inabi koranto ofko wuyo so dena ham inabi salko jambar deyi onko ma'ato ana mara dogoji koris e. Si duni eli so'oto. ² A sommodi lei roi si sarno ngaruni gyem ana dogonjido nzu oni tong leik roi'e. ³ Zuni me ngahaanko ngarui 'e, ini jibo, roktik si sara sarai. ⁴ Si jo sargo ngarui yo'oto, nzuni jo hoyi ni tik kani deiyanko si tong kawa. ⁵ Si sardi modi jo, woiye nzu dugini. Nzu yanko ka'a ki ana sarni shei, 'yanko jibo ma'ato,ma'ato me dugisu. ⁶ Si me har kauso an ngoi modi a sara, lai ka tilini. Si ne tataka biyai si sarko gyemansu. Si anko ta, ' Nzuni ona kawa ka lano.' ⁷ Ana dogonji me do moyanko lai ananko zehe ta,woi a nama gyadoi 'e, dati, damu mu dugini, gyados a deya somu.' ⁸ Ngahan ko si dugini,yakti nik being gargar. ⁹ kauso a koris a ina lolo? Si dutu a duktik ana dogonji a oniti kori a dogonji yo'oto ¹⁰ Ngu karanta eni ndeyi bu do? ta 'goshoi ana sali kudan ko deyi ta to goshoi zina. ¹¹ Ruta woi ki gya Bomu a Bano. Ke deyito zina ido mu.' ¹² Nzu ndala ngaha Yeso, me nzu zuba idi algi.Ki bo nzuni manonti si anko eni bunkoi kasu. Nzuni diyani ndansu. ¹³ Nzu zani Mafarisawa ki Mahiridus a ngapsiki eni. ¹⁴ Do zuni ndano, ani ta, 'Malum, mu manankoti ko damtak dibna ngo bu, ke jo ko namshe hodanji biya bu. Ko shuta billai Ndeyi so jire. A ka bille domu oni ngalana ki kaisar? do a ka billa bu? Mu tuhe do mu tuhe bu? ¹⁵ Yeso me manotik ngadarsu ansu ta, 'Ki bo miya ngu kabta ne? mokati oyu ne moyi. ¹⁶ Nzu mokanomodi ki Yeso. Si moiko ansu ta, suba lo ki tureshik loka 'e woyye?' nzuni ta, 'Yo Kaisar.' ¹⁷ Yeso ansu ta, 'Onak Kaisar 'e yo Kaisar kengo oni Ndeyi 'e yo Ndeyi' nzu 'yanko monmoni ka eni ni. ¹⁸ Masadukiyawa, ndano gyemani biyai ananko ta andi hindik bei mato bu. Dolang ko si, ta. ¹⁹ Malum, Musa turemu ta, 'na bati ngo matko deiko mandu an lab bu, gominni doyagyanani ke telei milla ki yagyanani. ²⁰ Yanko yagyenaku goraji kasu babilo, yo tonoi iko babno a matini lei ko labu. ²¹ Yo bolo kate matko dei ko la bu. Yo kunu ke ka'a. ²² babiloi ke deiko milla bu. Yo tata kani mandus ke matito. ²³ tong hindu 'ye, na nzu hindankoite daya man lo? Ki bo shafsu bobilo 'yanko babnok te.' ²⁴ Yeso ansu ta, "woiye zofko ngu 'yan ko jire bu, ki bo ngu mananko eni ndeyi bu. Me ngu mananko gedok Ndeyi bu? ²⁵ Kika na hindankok tong matos 'e an babnobu ke an onin su do 'e babno bu, nzuni me a deya kit Taktakaku. ²⁶ Eni biyai yo matansu yo hindi su, ngu karanta bu do tong lalaunak Musa a ka eni yesi tong riya, do Ndeyi iko enik si ta, "ne'en Ndeyi ki Ibrahim ke jo Ndeyik Ishaku ki so Yakubu!? ²⁷ Si Ndeyik biyai yo matansubu, me yo ana zau. Ngu 'yanko jire bu. ²⁸ A tureshi modi ndino kolko enin su, moi ko Yeso lapko zina. Si dol si ta, "Uhei yiya gyera ma'ato'e? ²⁹ Yeso lapni ta, "Uhei gyadai" si ne, "Kolai shaf Israila Bomu a Bano Ndeyi , Bomu a Bano modi. ³⁰ ko ndalte Bomu a Bano ndeyi ki shaf ki tilinko , ki shaf ki kelunko, shaf ki mantun ko, shaf ki gyedotko." ³¹ Uhe yo bolo, ko ndalte yagyenako kit katko. "Andi uhei gyada mamaye bu." ³² Ana tureshi ani ta, "Malum ko ta Ndeyi modi ke ko anko jire, ke ko ta an yo'oto bu kaba si. ³³ ke ta ko dalte si ki tilinko ki mantunko shaf ki gyedotko, ki yagyenanko kit katko, gyedatkok onom ki kere oshik nama ka Ndeyi." ³⁴ Do Yeso moiko ta si iko eni zina, ani ta, "Kok gyerak mene Ndeyi bu." Ki bei wonse an ngoi iko gedo dol Yeso bu. ³⁵ Do Yeso a zuk shuta tong Ban Ndeyi ansu ta, " Iko lolo ana tureshi ana ko ta Yeso si la Dauda ye? ³⁶ Ki bo Daudak kani do a tong kelui bu'uno anko ta, Bomu A Bano anko Bono A Bano, deyi laha sara tina, kaba na ne mata ana kuda koi bei," ³⁷ Dauda ki kanni a ansheni ta Bono a Bano, 'lolo Yeso a deya la Dauda ye? dahi algi ki heterek tilikolan ko si ³⁸ Yeso do a zuk shutak biya anko ta, 'ya danum ki ana tureshi, biyei ndalako marshe tong subai gyeri ke jo ndalanko biska lukdu tong goma. ³⁹ Ke jo zuni ndalanko bei deinok mainshe a ban Ndeyi ki bei deino zomu. ⁴⁰ Zuni ana tina karai daushashe ke ishe gyerak donshu do biya maye a isu msito yam. ⁴¹ Ki bei woi Yeso dei ko nem ki djabur biska onom tong ban ndeyi; Si moishe biya kashe onom su tong djabur ye.Ana dara shei kasanko oyu shei. ⁴² kaba daushi modi a mure dino kas anini bolo. ⁴³ Si eshe majirakuni ansu ta, nen anshenku jire, Daushi a se 'e kasko gyedatiko ei yo biya mamaye kasanko. ⁴⁴ ki bo nzuni onanko ki tong daransu. Daushe me, ki tongmuren to, kasko shaf ei te andi.