¹ A tong sombɗi woi andi dahik na'ako anandi yak tishibu, Yeso wunda majirakuni a ansu ta, ² "Ne ƙolkok jigyayisu aka nzuni a gemamu bo somboɗi kunu anandi tishibu. ³ Nan mata azuni bano wari tishi a ɓarmisu ka bille. Kika banonsu nem bu. ⁴ Majirakuni lahani, mu wetu sinakir ki tiya a riya wonses yo manantil? biya mamaye ka'a?" ⁵ Si dolko nzuni. "Sinakir mono a gemanku nzuni ta "babilo". ⁶ A ɗeitinsu eli a nam sinakir babilo nami kunne ndeyi, nami si dathe. A onik majirakuni zishe dom algi nzuni zishensu. ⁷ Majirakuni anandi kerwo shim ki bei iko kunanik ndeyi, a ka su, zob majirakuni a sushe biyai e. ⁸ Tanko bo kewensu. Dahanko kineni ngamtitko daɓur nakshi babilo. ⁹ Andi goraji dalmakbi hoɗo a wonde Yeso deikok nzuni gosu. ¹⁰ Nasko bu runni tong gere ki majirakuni a gonni larɗik Dalmanuta. ¹¹ Kaba Maparisa ndano a zal shana ki si. A kala 'yei a tamsu shida ki baba, do kabte si. ¹² Olla nemsu a dibna tonko tilini, anshe ta "Bomiya biyai zaman a gyaza ',yak tamya? Jire ne anshen an 'yak tamyan onku buoni zaman woi bu." ¹³ Deinsu nami runni tong gere gonni lahai yo'oto. ¹⁴ Majirakui mantenkok nama sinkir.Yo gannansu gaɗa modi a tong gere'e. ¹⁵ Isu barya ta. "Na a ɗeyi ka massu. Aka yesti yo maparisa, ki yesti yo Hiridus" ¹⁶ Majiraku some dodokla, zehe do a ishe mu eni "aka mu anandi sinakir bu". ¹⁷ Yeso manoti, nami ansu ta bo miya ngu deini ka yaklu andi sinakir bu? Ngu anandi asumbu? har ngu anandi manti bu? Tilinku inni unu ɗo? ¹⁸ Ngu anandi ido ngu moishebu? Ngu anandi kuma ngu kalshebu? ngu diɓanaku bo do? ¹⁹ Do ne dahta sinakir a tong biya dalma baddabur mono ngu dahanko?yo kine ni? nzuni ani ta "dir bolo." ²⁰ Do ne datha sinakir babilo ki biya dalma bi hoɗo, dabur mono ngu namanako? A lapni ta, "babilo". ²¹ Si ansu ta har kaiso ngu an manti bu? ²² Nda no Baitsaida, biyaye yo wonɗi mokini makum ɗonshe Yeso na a sabsi. ²³ Yeso ngabko saranni a hoɗi ni ki tong gyabani. Tupko lei ni a idani moya a za saranni kanni, a dol sita "An 'yei ko moishe ɗo?" ²⁴ Hapta idani ɓaɓa anita, "Ne moishe biya kit ro yo marshe." ²⁵ Nami zenidi sara ka idani, ngoye aha idani, moinonni mento, a moishe lei 'yei miya. ²⁶ Yeso wusni goni banonni ani ta, "ko to tong gyabani bu" ²⁷ Yeso hata ki majirakuni hata bana yo lardik kaisariya filibi. A dol majirakum ka bille ta "Biyaye anshe ta ne'enlo?" ²⁸ A lapni ta magyeb ta ko "Yahaya a Baptisma , ma'ato me ta ko Iliya ma'ato ta ko modil ki tong nabaku" ²⁹ Si doli nzunita nguni me ngu anshe ta ne'enlo"? Biturus anita "ko Kiristi", ³⁰ Yeso isu barya anwoi ki ngo bu. ³¹ Na mi zal shutansu ta lango a sena maito shei koknaku ki ana tureshi, mai'inshe malumshe a kuɗani, dugini, ki bei sombaɗi kunu a hindini tong mato. ³² Anko eni woiye a hili. Nami Bituris esha si gyenga a gille kanni. ³³ Yeso me wakla moiko mujirakuni nami gilla ka Bitrus ta "nzadi beino, sinKaru. Kika Ko mata hankali a ka karei biya a ka yo ndeyi bu". ³⁴ Si ashe algi ki majirakuni bei modi, ansu ta "Shaf ngoi na nda dahane'e, kaba na siku'uko kani, name shoko konkuni daf ne. ³⁵ Kika ngoi nda walte zaunia yakliti me na ngoi yaklak zauni go ne'e ki wa'azu no waltitik zauni. ³⁶ 'Ei miya ngo watkok shaf to, me yaktitik zauni? ³⁷ 'Ey moiya ngo a onai bo zauni? ³⁸ Shaf ngoi yo kolshe kwano ki enino dom ana azak zaman so zunhu lah ngo ke a a ina kawani na si meno tong nama ka bobi ki taktakaku bu'uno.