¹ Nzuni ndangko lahai yo'to a bo haushis a elik Garasinaku. ² Yam ki ura Yeso ki tong gerei ye, moishe ngoi yo'oto an kelui disabu kabno gemni hetenok tong bure. ³ Ngoye a deino tong burare. an ngoi a gishe ngara si bu, lei ki yakla. ⁴ Kika sanko nigarasik yakla. Si me a ɓabtantik yaklas 'e, har an ngoi a gishe golantasi bu. ⁵ Hoti ki beɗi a tongko burare ki ka gosho, a lula a Jukrentik zugonik gosho. ⁶ Do moiko Yeso ki gera, moishe hetenok jijo kuba domni. ⁷ Gofko lula boni, "Ko ndalon 'e miyak koi, Yeso, Lah Ndeyi a na'ako? Ne gomtakok Ndeyi guda kanni, ko maite ne'e bu. ⁸ Kika si ansheni ta, "Hetetik zug ngoye 'e, koi Kellui disa 'e." ⁹ Nami dolsi, " Sungko lo? Moishe lafnita, "Suno dingim, kika kammu tim." ¹⁰ Moishe ɗonsha Yeso ta ko rok nzunik elis bu. ¹¹ Be is me an gyarkek dogzaku, ana deyi ka gosho, ¹² ɗonshankosi, ta, "tubi muni tongko dogzaku; do mu rummu hawosu." ¹³ Moishe wusinsu; kelui disa haktano rusu tong dogzaku, moishe urangkok genga harei ki jijijo rusu tong haushi, dogzakui mokangkok dalmak bibolo. ¹⁴ Ki wonɗe ana deita dogzakui gunansu mokanko somo tong gabani ki elis shafto ei hala. ¹⁵ Nzuni ndano gema Yesu moishe moyangko ngoi sinkau zugoni a ɗeino, me an karei, atong keluni me'e, moishe kolankok zuba. ¹⁶ Biyai moyangko ei halak ngoi an singkau ye ansu ei halak si shafki eni dogzakui 'e. ¹⁷ Moishe somangko donsha Yeso ta wussutik elisu. ¹⁸ Do a gonni rishe tongko gerei, moshe a sinkau ye donsha Si gonnik si. ¹⁹ Me Yeso yerdenibu, me anita, "du banotko ki yagenakungko, ko ansu somos ei bomu abano i'ko, ki shida Jik-yayitko so kolko." ²⁰ Moishe dunni soma moka somos a Dikafolis shida ei nakshiy Yeso ini, "biya me shafsu a monmoni ka ei hala. ²¹ Yeso do talsha laha haushis jo, a tong gerei, algi shei dahangko gemani, siy a genga haushi. ²² Moishe woi modik hotok ana mene ban Ndeyi, suni Yayirus, ndino, do moiko si, ngata ka shekeni. ²³ Dodonsha si ka shei, anita, ba'ano mama'i a bo mato. Ne donsha koi, nditik zeto sara kato, a hinɗito. ²⁴ Moishe dansuk zehe, algi shei me a ɗafshe si a jejeka si. ²⁵ Moishe woi mandus so'oto sanaito dirbolo dom urshek zugonto. ²⁶ Me sa maito yam ki sarak ana uska. Te boititkok 'ei te andi me shaf a heside gollai me kaba sawandi. ²⁷ Te kolko somok Yeso. Te dafko do a marshe tong algi beini damɓa subani darito. ²⁸ Ki ka te a anshe ta, "Nan safko lei bo subani ne darinno." ²⁹ Do te safko si, kasyak dom ye erinni, te kolko tong zugonto ta te daritok tong bone to. ³⁰ Nasko bu Yeso kolko zugoni ta gedo hatak zugoni. Moishe wangla tong algi dolko ta, "Safko karei noi lo?" ³¹ Majirakuni anani ta, "Algi mayek sheisu, ko ansheta, 'Safko koi lo?"' ³² Yeso me wangla do moi ngoi iko 'ya woi ye 'e. ³³ Mandus, manotik ei halak tei, ito zuba. Ndino ngata domni nami ani jirek ei hala. ³⁴ Si antota, "Ba'ano, ona jireshi darantinshi. Ndui tong lahiya she darek tong gollanshi." ³⁵ Do a tong eni, ma'ato ndanok gem a menei tong ban Ndeyi, ta, "Ba'ako suwato. Ki ka miyak maita Malum ye?" ³⁶ Yeso me do kolko ei nzuni anshei, Si angkok a mene tong ban Ndeyi, "Ko kol zuba bu. Yak on jire." ³⁷ Wusko lei ngo modi gok si bu, kaba Bitrus, Yakubu ki Yahaya, benonti Yakubu. ³⁸ Nzuni ndano ban a mene ban Ndeyi moiko algi shei, sheisui a bebele. ³⁹ Do geda tong banos, Si ansu ta, "Ki ka miyang damtangku ke ki ka miyan bebele ye? Las matko bu a monsom yak 'i." ⁴⁰ 'Yani zurok bokshi, si me, zan su genga, namko boti las 'e ki nonto ki mamayei a bei modik siy, nami ro bi las a hawonni. ⁴¹ Ngafko sarak las a anto ta, "Talita kum."A anshe ta, "La gumyo, Ne anshenshi, hindi." ⁴² Kit 'yak hena idok ehento las hinda some marshe (sanito dirbolo). Moishe nzuni shafsu a monmoni. ⁴³ Si ellesu kumo nzuni wusi yo'oto kol 'ei woi bu. Nami ansu onto 'yak tishi.