¹ Si hindak wondi manni banansu, majirakuni dahangko si. ² Badis gebe do ndino, Si shutanta tong ban Ndeyi. Algi shei kolangko Si ke a monmoni. Nzuni ta,"Siy a weshe shida mantu woi ki tiya?" "Woi shida wayos Ndiy siya ka aye?" "Woi shida dobossiya a ishek sranni ye?" ³ Woi a yamui bu, la Mary ke bati Yakubu ki Yusufu ki Judas ki Simon? Minnonoi monde ke a wondek muni budu?" 'Yangko leihik Yeso. ⁴ Nami Yeso ansu, "Nabiy yo an namyak ka bu, kaba a gyabanni tintil biyanik bansu." /v 5 Gitko ina rutai nakshi bu, kaba dei zena sara ka ana golla shim ke daranta nzuni. /v 6 Mure ona jiresu zohini monmoni. nami gonni gyabanaku some shutanta. ⁷ Si wunda dirboloi nami sar nzuni hena, bolbolo, nami onsudi gedo ka singkau, ⁸ ansudi kada nam 'yabu na gosu marshes 'e, kaba dei zawa: an sinakir bu, an batkar bu, ke dogdo tong lihunsu bu, ⁹ me zof taho, ke zof karei bolbolo bu. ¹⁰ Nami Si ansu ta, "Lei banossiya nang rangko, deya wondi kaba nang wusango gyabanis 'e. ¹¹ Shafki gyabanis biskangko domana gosangko kumo kol nguni bu, wusatik wondi, gohatik bugdoi shekengku a deyinni sheida kasu. ¹² Haktangko some anshek biya wanglek tong zunhusu. ¹³ Nzuni hokɗang ko sinkau tim, gogmangko mor ki ana golla tim ke daransu. ¹⁴ Moisɦe Ma'i Hirudus kolko somos, kika sun Yeso runni lei tiya. Har ma'to anshe ta, "Yahaya a baptisma hinɗenok mato kika ka'a, 'yak gedo dobok rutani zugoni. ¹⁵ "Ma'atoi a ansheta."Siy lliya." harkaiso ma'ato anshe ta, "Siy Nabi, kit moɗik tong nabakui onzi." ¹⁶ Me Hiridus do kolko woi si ta, "yahaya, yon batko kanni, hindinni." ¹⁷ Hiridus guda kanni sarko ngaftu Yahaya ngarini ban rono kika Hirudiya (man ba'i Filibus) kika si kantoko. ¹⁸ Kika Yahaya angkok Hiridus, "gomkobu ko 'e babnok man bako. ¹⁹ Hiriduya me tilinto yabtinni ndalo dugini, me yagyenanko bu, ²⁰ Kika Hiridus a zubak Yahaya; manoti si ngoi tilini moɗi ke bu'uno, kika Hiridus ndalo 'ya helek Yahaya bu me a yabtantik tili shafki ka'a ki kuyu a kolshe si. ²¹ Moishe hili hala, badik le'ik Hiridus korno nami ramte tishik biyai herni, ki ana kesini, ki manakshiy Galili. ²² Bad Hirudiya heteno hante zigda wona domsu, te suntanta tili Hirudus ki ngerhahini. Ma'i angkok las ta, "Dol lei miya yoshi ndalon onshiti." ²³ Me tutkok ana ka'enini, "Shaf 'ei shi dolko ne, ne onshiti, har lei reta mene no." ²⁴ Te hata hena go anik nonto ta, "Ne dola miya?" Te ani ta, "Ka Yahaya a baptisma." ²⁶ Moishe tilini yabtinni yam, me kika anas si tuko ki ngerhahini, a gita ngeshento 'ei te dolkoi bu. ²⁷ Moishe Ma'i sarko a kesini ansu ta dai mokanno ka Yahaya. Ana kesi ndangko ɓatano kannik ban rono. ²⁸ Mokano kas a tong kotum nami onik las'e, las nami onik nonto. ²⁹ Majirakuni, kolangko 'ya woi, ndano namtik gubui go maliti tong bure. ³⁰ Majirakui, dahansu genga Yeso, anani shafki 'ei nzuni 'yano ki ei shutantano. ³¹ Si ansuta, "Ndati ndamu be is an biya bu mu hute." Kika algi gegdek wonde, ke wangko hresik deino tudi wo'oto bu. ³² Dansu tong gerei go su be is an ngo bu kaba nzuni moɗasu. ³³ Me biya she I moyansu aka narshe me mankonsu nzuni hatano shaf ki gyabanakutedensu wondikabui nzuni ndutu. ³⁴ Yam ki urshensu bo haushi moiko algi tim kolko Jig-yayisu kika deyansu kit temkakui anan a deyi bu. Some shutansu 'ya shei. ³⁵ Hoti ito nem ki ngete, majirakuni ndano nemki si ta "Wonɗe an ngo bu hoti me ngatato. ³⁶ Onsu bille rotong gyabanaku ki genga hare, go keje 'ei a tina. ³⁷ Me labsu ansuta, "Ona su wo'otoba." Nzuni anani ta. "Mu gitim gom keJetu sinakir so dinar dalma bolo mu onsu toi?" ³⁸ Si ansuta, "Sinakir mono gemanku? Dai ngu moitu." Do dangko moyano, anangko ta, "Sinakir bad ki kerwo bolo. ³⁹ Angkok algi ta ɗeyi bo nguro bo nguro ka santai meɗo. ⁴⁰ Deyangko, bo nguro bo nguro, ngurok dalmak bad ki ma'ato bibad. ⁴¹ Namko sinakir bad ki kerwo bolo, hafta idani ɓaɓa, donsha Ndeyi moishe datha sinakirse onkok majirakuni some sis-ha dom algi. ⁴² Shafsu haɗanko kawansu. ⁴³ Ngalangko dabur dirbolo ki yibrare kerwos ki sinakir se 'e. ⁴⁴ Algi yo hadanko sinakir ye goraji dubu bad. ⁴⁵ Moishe zofko majirakuni rotong gerei gosu tononni a lahai yo'oto, a Betsaida, kabui lakte algik kanni. ⁴⁶ Ki bei dishensu, ɗanni ka gosho donshu. ⁴⁷ Magirhu ito, gerei me atintil haushi, Me si modabi a ka yaya. ⁴⁸ Si moiko nzuni katok sena bone ki ka hibla katok damta nzuni. A kabta bebedi moishe ndino gemsu, a marshe ka haushi, iko kit a gedansu. ⁴⁹ Nzuni me do moyangko Si' marshe ka haushi, a anshe ta maska a lulula. ⁵⁰ Kika moyangko si me zuba ngahinsu. Moishe isu eni kalou ansuta, "Ngara tilinku! 'Yaye Ne 'e! Bogebatku ngete bu. ⁵¹ Ruko tong gerei yek nzuni, moishe hiblai erinni, Shafsu a monmoni kanni. ⁵² Nzuni manangko 'ei sinakir wonses a bo miya bu, me Hiridus I to gedo. ⁵³ Nzuni talshansu, taɗanko elik Janisarata moishe ngarangkok gerei y 'e. ⁵⁴ Hatanok hawok gerei, nzuni mante ta Si. ⁵⁵ Nzuni haktanok jijijok tong gyabani hantetu moksheni ana golla a ka zete, shaf be is kolangkota isnoy a ndishe. ⁵⁶ Shaf be'is na ruko tong gyabani ki genga hare, nzuni a suntata ana gollai a tong goma, a ɗonsha si ta lei suɓai zugonko mu damɓe. Biyai damɓangko Si Daransu.