¹ Har kauso soma shutansu bo haushi. Algi tim kokrani. Si hinɗa tongko gerei a tong haushi, nami ɗeyi. Shaf ki algiy a bo haushi. ² Si shutesu 'ya tim a tong sere bo, ansu ka a tong shutansu. ³ Kolai, a mara nduko a gonni tiha shida. ⁴ Si kafko shida; ma'ato ngaktangko ka bille, nami rayinshe nditu ɗakliti. ⁵ Kine shidai ma'ato yabrangko ka gosho, hatano nasangko bu kika be is andi eli tim bu. ⁶ Jajum yo hoti heteno, shafsu ho 'yansu, ki ka anan di shori bu. ⁷ Shidai ma'ato ngatangko tong hara. Harai ndano ayansu ngesutik hinɗa, hodangko ka bu. ⁸ Ma'ato ngatangko aka elis zina, jajum yo ayanko hokɗangko ka zignen ma'ato bi kunu, ma'ato bi ba'ashimodi, ma'ato me dalmak. ⁹ Si ta, "shaf ngoi na an kumok kolshi, si koli. ¹⁰ Jajum yo Yesu modabi, biyai a nem ki si ki majirakuni dolangko si aka sere bo. ¹¹ Si ansu ta, "Nguni onangkutik 'ei bungkeno ɓaɓa, mamaye yo koriy lei 'ei miya kabak sere bo. ¹² Jajum yo moyangko, ka a moyangko me a moya bu, na kolangko, ka a kolangko me a manta bu, kika nzuni kada wangletu a yahesuti. ¹³ si ansu ta, "ngu mantangko sere boi bu? Tamiya me ngu manta kine sere bo ye? ¹⁴ Ngoi tiha shidai ngoi tiha eni. Ndeyi ¹⁵ Nzuni me shidai ngaktangko ka bille, jajum yo tihanko eni a tilinsu, do kolangko, eni singkau nditu wortik eniy tihankkok ki tilinsu gemansu. ¹⁶ Kine ma'atoi me yabrangko ka gosho, shidansui, na kolangko eni, kit hena idok ehento a biskitik kuyu ¹⁷ Me anandi shori zugonsu bu, kika habrangko shim. Do maito ndino ki bone kika eni Ndeyi nasangko bu ngaktansu. ¹⁸ Kinei ma'ato haktangko tong hara. Nzuni koltik eni. ¹⁹ Me damtansuk 'ei tong dunya, ndalta dogdo, zodok 'ei ma'ato rino nami kusatik eni, ɗeyinni an ka bu. ²⁰ Anandi mamaye yo ngaktangko ka elis zina, nzuni koltik eni ke biskitiy a le'inni, ma'ato bi kunu ma'ato bi ba, ashimoɗi, ma'ato dalmak." ²¹ Yeso ansu ta, "ngu mokano hitila tongko bano ɗo ngu hatik katok da'ur, ɗo a elelik indi? Ki ka ɗo a zete bei ɗeino to bu? ²² Ki ka an 'ei yo bungkeno yo a manta bui an bu, ke lei miya bungkeno yo ke hetetu hili bui andi bu. ²³ Lei ngoi yiya na an kumo so kolshi, di, isi koli!" ²⁴ Si ansu ta, mata kelu ka 'ei ngu kolangko, kika gerwalei ngu kabtangko, kisi ke a kabteku. Nami sauwe kudi. ²⁵ Kika ngo na andi, a onidi tim na ngoi andi bu ki gyani a wortik 'ei si andi. ²⁶ Si ta mene Ndeyi kit ngoi tiha shida tong eli. ²⁷ Inni monsum ki beɗi nami ayaye, si man 'ei hala bu. ²⁸ Dunya kato onshe wo'otok kato, yo tonoi hete, kaba iko, kaba ela kanni. ²⁹ Na kori nunni si sartu ana ruta, ki ka zungko ndinto. ³⁰ Si ta, "mu kabta ban Ndeyi, ki miya? Do shida sere boi yiya mu ina kanni? ³¹ A wonde kit ela sherka, na tihangko, siy mama'ik lei shida shidai yiya tong dunya. ³² Har kauso, na tihangko, a aya wallitik lei shida roi yiya tongko kori, a ina nakshik ma, nami rayinshei baba idi binsu kanni. ³³ An di sere bo tim kit woiye 'e si ansu eni, ka shei ɗo nzuni mante. ³⁴ Si damba ishensu eni wara sere bo Ngamo bu. Me kaba na si moɗabi, angkok lei miya ki majirakuni. ³⁵ Hoti wom, ki zoni, si ansu, latramummu gengai yo, oto." ³⁶ Nami nzuni de'itik algi, namangkok Yeso gyansu, ting ki si tong gerei. Gerei ma'ato har kauso a gyani. ³⁷ Moishe hiblai gedo hindeno kaba ham ye a mukshe tong gerei ye 'e nami ngaminni. ³⁸ Yeso guda kanni monsom worini. kajakda nzuni haftangko si, ta, Malum ko damta bu kine mu shim mu matimmu? ³⁹ Me, hinda, iko girim ka wuwunok haushi, "Do hiblai eri." Moishe hiblai rinni, ki wonɗi moya beis ye'etito. ⁴⁰ Si ansu ta, "ki ka miya ngu zuba? Har kauso ngu anandi geɗok tilibu?" ⁴¹ Shafsu zuba ngaminsu a anshes zehe, woi lo me e, har wuwuno ki haushi a dafshe enini?"