¹ Rudgo tong ban donsha Ndeyi an ngoi sarani sureno. ² Ma'atonsu kasani ido moi bei si daranta si badis gebe nzuni ndalangko ngaf lelhinni. ³ Angkok ngoi saranni surenoi ta, hindi ko hetetu wande hili. ⁴ Ansudi jo ta , "Suba 'e 'ei zina, hotis gebe ɗo e ei disa? A walte zau ɗo a dukti?" Shafsu ye'etansu. ⁵ Sauwidgo mobya nzuni ki yabtenok hawo a ka disak tilinsu moishe angkok ngo ye ta ɗimti saratko." Moishe dimta, saranni Yeso me darantini. ⁶ Kaba farisaku hatankok biyai Hirudus mamarei ngarangko bonsu kanni ɗo dugini. ⁷ Kaba Yeso me ki majirakuni, ndansu bo haushi,dahik algi shei ki Galili ɗahano sik Yahudiya. ⁸ Ki Urshalima ki Edom dom ki urdun ki ma nem ki taya, ki Sidon, na'akok dahi ndano gyani ɗo kolangko ei si ishe. ⁹ Si dolko-majirakuni do bartenni gerei yo mama'i bo yobi ki ka algi, kada njeke si. ¹⁰ Daranta algi tim kika ka a lei ngoi yiya na an golla a kuraro ɗo go sabsi. ¹¹ Lei tamiya na kelui disa moyangko si a ngekte domni a lulula, a anshe ta, koi ko lah Ndeyi." ¹² I su eni yam ta kada algi mante si bu. ¹³ Nduko ɗanni ka goshi, moishe wunda biyai si ndalo, nami nzuni nditu gemni ¹⁴ Si zaba dirbolo (majiraku), nzuni ɗeyak si some sara nzuni a mok eni Ndeyi. ¹⁵ Onsu gedok hoɗa singkau. ¹⁶ Si zaɓa dir bolo: Simon, oni sun Bitrus; ¹⁷ Yakubu lah Zabadi, ki Yahaya yagyanati Yakubu, yo si oni sun Buwanarjis, wato milla aradu. ¹⁸ Kaba Andirawus, Filibus, Bartalamwas, Matiyu, Toma, Yakubu lah Halfa, Yahuza, Saminu ngoi kan,ane, ¹⁹ Kaba Yahuza Iskariyoti yo a ona si. ²⁰ Si ndunni bano moishe algi dahengo si jo, har ngesutik Tina wo'oto. ²¹ Ma banonni kolangko ka ai, hatano ɗo ngahini, nzuni anangko ta, si tong keluni bu. ²² Ana tureshi ndanok Urshaima ta, "Si ba, alzabul," A rutak singkau, ki geɗok ma'i singkau ke a rokshentik singkau. ²³ Yeso wunda nzuni gyani nami seresu tong eni lolo singkau a ho'otik singkau? ²⁴ Na mene tika ka gyaha, mene wonses a moka bu. ²⁵ Ka'a ke na bano tika ka gyaha, bano wonses a moka bu. ²⁶ Singkau na haftitkok kanni a tikinni a mokabu, bo ernonni ndinto. ²⁷ An ngoi a rishe ban a gedo wortik karei ni bu kaba bei, na ngarkok a gedoi 'e nami wor kareini. ²⁸ Nen anshengku jire, shafki zunhuk algi 'yanko a yahe suti, shaf ki eniy zina bu. ²⁹ Me na ngo iko leihik kelui bu'uno a yaha si bu, zunhun nis na'ako. ³⁰ Yeso angko ka ai ki ka nzuni ta si andi kelui bu'uno bu." ³¹ Ka ba noni ki minnoni ndano eransu hena. Sarangko gyani, do nditu. ³² Algi ɗeyansu nem ki si zuni ani ta, "nongko ki minnongko a hena a barta koi." ³³ Si lafsu ta "lo nono ki minnono ye? ³⁴ Mobya gengani moishe algi kokrani si ta "moyai mamaye nono ki minnono. ³⁵ Ki ka ka,a na ngoi iko 'ei Ndeyi ndalo ngoi wom bono, ki darano, ki nono."