¹ Do Si meno Kafarnahum ki bei sommodi shim, kolangko ta Siy a bano. ² Dahangko shei a be is har an be'i zoha sheke bu, lei bo dubano ke ka'a, nami Yeso isu eni. ³ Kaba biyai ma'ato ndano gemni mokini a golla sureshi; biya hodo namshe si. /v 4 Moyangko a gita ndishe nem ki si bui ki ka dahi, shaftangko hangal ka biy a hawonniy ki baba. Do nzuni wangko billek baba, zorano indis a mure lahiyai a suno kato. ⁵ Ki moya ona jiresuy, Yeso angkok a mure lahiyai ta, "Laano, yahangkotik zunhutko." ⁶ Ana tureshiy a deino be is me yanko dibna a tilinsu, ⁷ Lololo ngoi woi a eni ka a ye? A eniy disa! A yaha zunhu lo banda Ndeyi modabi?" ⁸ Yeso tong keluniy bu'uno manotik 'ei znuni dibshe tilinsu. Si ansu ta, "Kika miya ngu ishe shida dibna wonse? /v 9 Walla kahurui yiya anik a mure lahiyai, 'Yahangkotik zunhutko' do ani ta 'Hindi, nam inditko, i marshetko'? ¹⁸ Majiraku Yahaya ki Farisaku golshe kizi. Biyai ma'ato ndano gemni ani ta, "Kika miya majiraku Yahaya ki majiraku Farisaku golshe kizi, mako me a ishe bu?" /v 19 Yeso ansu ta, "Ana buknate babno ke a gola kizi do na a babnoi a wondi gemansu? Na dei nzuniy a bei modik a babnoi a damba golshe kizi bu. ²⁰ Sommodi me isno badis a namtik a babnoi ki gemsu, a sommodiy wom, a gola kizi. /v 21 An ngoi a donda subai hoyo a gomta the ki uubai sonti bu ki ka, ki ka subai atakrini a ina takrui disa. ²² An ngoi a kashe ham inabi tonko jamjamiyai jero bu, kika ham yo inabi ye a hoitik jamjamiyas ko yaklitik ham yo inabi ye 'e ki jamjamiyas shaf." kika ka'a ko zol inabi hoyo a tong jamjam." ²³ 3 Hotis gebe Yeso hata a dafshe tong kori, majirakuni some datha ka hai. ²⁴ Farisaku ani ta, "Moyi, kika miya nzuni ishe 'ei suba bu hoti subdu ye?"