¹ Babaɗi saf, na'akok ana ruta ban Ndeyi, ki koknaku ki ana tureshi ki dahik Yahudaku ngarankok Yeso gosuk si oninik Bilatus. ² Bilatus dolsita "Koidok Ma'i Yahudaku ye?" "Si lafni ta, "Ko angko ka'a." ³ Na'akok ana ruta ban Ndeyiy anangko keihi shei kanni. ⁴ Bilarus jo doldi si, "Ko lafshe bu?" Moi shida leihis a anshe kafto!" ⁵ Me yeso lafgo si bu, ka ai onitik monmoni. ⁶ Kaisoi sommoɗi buknate sui Bilatuslei tamiya a wushensu modik tong ana ronoi, ndalangko. ⁷ Wondey an a gerjejei yo'oto ronos 'e a tong ana dugya biyai suni Barnabas. ⁸ Dahik algi ndano gya Bilatus some anshe ta ɗo isu shida ei a ishensu lei tamiya. ⁹ Bilatus lafsu ansu ta, "Ngu ndalankon wusku Ma'i Yahudai do?" ¹⁰ "Ki bo si manotik iko hoɗa tili ana ruta ban Ndeyi onani. ¹¹ Me Ma'i ana ruta ban Ndeyi suktankodahik algi lule to wussu Barnabas gelko. ¹² Bilatus lafsu anijo ta "Me nen ina miyak Ma'i Yahudaku ye?" ¹³ Nzuni 'e lulula jo ta "Lonkani!" ¹⁴ Bilatusansu ta, "Si iko leihik miya?" Nzuni me some lulula bei zehe ta, "Lonkani!" ¹⁵ Bilatus ndalo sunte tili dahik algiy, nami wussu Barnabas. Si 'e merwek Yeso nami onsu Si go longkini. ¹⁶ Ana ronoi mokan ko Si hawo (wom yo ban ana kesi,) wunde tu ndahano ana rono shafsu. ¹⁷ "Zohani subai subani Babaaba." Nami boɗe kofsik hara nzeni kanni. ¹⁸ Nzuni some isheni lakɗu ɓokshi a anshe ta, "Wai Ma'i yahudaku!" ¹⁹ Some tutuba kannik zawa gyebri some tufshe lei zugoni. A joma domni a lakɗa sik ɓokshi. ²⁰ Do 'yani 'ya woi, go ho'otik subai babaabai 'e nami zofni suɓani hodsi mokini go longkini. ²¹ Nzuni tong ana marshei 'e ruta, yo'oto hetenok gyabanis so'oto zofsi nam shoho longkuniy 'e sun ngoye Saminu ngoi Sarine (boti Alekzandriya ki Rufus); zohangko si nam shoho longka Yeso. ²² Ana ronoi mokano Yeso be'is so'oto a wunda te ta bei golgota oso ka. ²³ Onani ham yo shom-shom waikenok mor kurta me ku'ukok seshe. ²⁴ Nzuni longkani nami titikitik kareinik hurɗik goha wuri ɗo moi a ronoi a tina. ²⁵ A sarti yo kunu lonkani. ²⁶ A ka shohoi nzuni turangko leihis kan ni "Mai Yahudaku". ²⁷ Longkangko ana shiri bolok Si, moɗik tinanni ki yo'otok sarannis gyeɗe. ²⁸ Somos onzi hadangkok (Markus 15:18, eniy ke ngaminni ta "Masani tong ana leihi." (Moi Luka 22:37). ²⁹ Biyai a gyedek wonɗi a zurshe si. A didanta kasu anshe ta, "Yauwa! Ko yok gitik rugza ban Ndeyi, namik salti tong sommoɗi kunu, ³⁰ Walti katkok urtuk ka shoho longkui 'e. ³¹ Ka'ake'e manakshi ana ruta ban Ndeyi a zurshesik zugonsu shaf ki ana tureshi, jo anshe ta, "Walta ma'ato, me gitko waltanta kanni bu ³² Do Kristi, Ma'i Urshalima, urtu eli kauso ki ka shoho longku, namim moyim on jire." Jo mamayei longkangko nzunik zehe shaf ke zurshe Si. ³³ Nasango shim, tutuɗu urno ka eli har godi ɓonu, ³⁴ Bonum ɗo iko, Yeso lula ɓaɓak gyedo ta, "Eloi-eloi, lama Sabaktani?" woi a anshe ta, Ndeyinno, Ndeyinno, ki ka miyak wusinoye?" ³⁵ Biyai a erno gyengani kolangko eni Ni nami anita" Moyi, a wunda Iliya. ³⁶ Ngoi yo'oto ndukok jijo, zof ham yo shom-shom ka yak soso, ka zawa gyebri, nami oni ɗo se. Ngoye ani ta, Do mu moyi na Iliyaa ndutu urtetu si eli." ³⁷ Nami Yeso lulek ɗolya ɓaɓa matinni. ³⁸ Jobtoi ban Ndeyi takrinni bo bolo ki ɓaɓa godi eli. ³⁹ Do a zoha ido ban 'yaye a erno wonɗi moiko ta Yeso matinniy, si ani ta, "Jire ngoi woi lah Ndeyi." ⁴⁰ An monde ma'ato ke moishek gyera. Hawosu an Maryamu Magdaliya, Maryamu (nonti Yakubu yo mama'i ki Yusufu) ki Salome. ⁴¹ Do si a Galili nzuni ɗahanko si ini ruta. Mondei ma'ato ke ndano ndansuk si Urushalima. ⁴² Do zoni iko, kika woi hoti ramtu, wato kabui hoti subdu, ⁴³ Yusufu yo Arimatiya ndiko wonɗi. Siy an kawa hotok koknaku, si geshe mene Ndeyi. Si nduko gya Bilatus wara zuba dol gubu Yeso. ⁴⁴ Bilatus iko monmoni ta Yeso matinni; Si wundetu a zoha idoi dolsi tana Yesoi matinni. ⁴⁵ Do Bilatus kolkok gya a zoha idoi ta Yeso matinni, onko gubu Yeso ki Yusufu. ⁴⁶ Yusufu kajatkok jobto malu, si urtetu sik ka shoho longku, boɗini tong jobto malu nami suntini tong bures yamanko zuk gosho. Nami tube goshos a bo bures'e. ⁴⁷ Maryamu Magdaliya ki Maryamu nonti Yusufu moyangkok be'is Malangko Yeso.