³ Do Yeso tong Betanya tong ban Saminu a wale, do a deino ka njakda gosu tishi, an mandus so'ooto ndinok mor tong tuba yo zei ke an dogdo yam, te kasnitik mor ye kanni. ⁴ Me an biyai tilinsu zei bu. A eni dolasisu ta, "Woi shida yabta dogdo woi herni miya? ⁵ Atursa wonses zei ye kana bo'itangko a wallitik dinar dalmak kunu, nami onik ana mure." Nzuni some hahara te. ⁶ Yeso me ta, "Wusa te modato. Kika miyang damta te ye? Te inotik 'ei zina. /v 7 Lei ta miya ngu anan ana mure gemangku, lei tamiya keng gitik ishensu 'ei suba, meng wena ne'e lei tamiya bu. /v 8 Te itkok 'ei te gitik ishe: te gomnotik mor malu. /v 9 Nen anshengku jire, eni Ndeyi lei anangko si tiya tong dunya, a soma dibshek te." ¹⁰ Kaba Yahuda Iskariyoti, modik tong dirboloi, nduko gem ma'i malumshe ndalo onsutik si. ¹¹ Ma'i malumshe do kolkoi, 'yangko kuyu nami anita a oni dogdo. Si some moya billei a onsudi si. ¹² A ka badi so tono so sinakir so an yisti bu, so bikik kere la gyam, majirakuni ani ta, "Ko ndalom go ramteko be is a tiya namik tudi wo'oto talshu ye?" ¹³ Si sar bolok hawok majirakuni ansu ta, "Nda tong gyabani, an ngoi an tuba ham a bola nguni. Daha si. ¹⁴ Banos na si rukoi, daha si ngu anik a bano wom ta, Malum ta ru, "Ta bi yon tina wo'oto talshuk majirakuno ye?" ' ¹⁵ A tamku biy baba yo ramteno zina. Ramta mu be is a wondi." ¹⁶ Majirakui hindangko go tong gyabani; bolangko lei miya kit shida yo si ansu, nami ramte be is a wondi. ¹⁷ Magirhu do iko, si ndinok dirboloi 'e. ¹⁸ Do deyangko be is tishi, Yeso ta, "Nen anshengku jire, modik hawotku a tishik ne 'e wonde a onino." ¹⁹ Shafsu yabtangkok tili, modi modi a ansheni ta, "Ne bu dei?" ²⁰ Yeso lafko ansu ta, "Modik tong dirboloi 'e, ngoi yo kauso a zofshe sarak Ne 'e tong shoko. ²¹ Kika La ngo shida yo eni Ndeyi angko kanni. Me titikuk ngoi woi ongko La Ndeyi! Walleniti kana le'yangko si bu." ²² Do nzuni ka tishi, Yeso namko sinakir, datha si. Si onsu ani ta, "Biskai. Woi zugono." ²³ Namko gerwale, kunna Ndeyi, nami onsu, shafsu sangko. ²⁴ Si ansu ta, "Woi domno yo ngara eni, dom yo kasangko sik ka biya shei. ²⁵ Nen anshengku jire, Ne sadi woi ki hawok le'ik 'yak seshi woi bu bolo kaba badi wonsis son sena yo hoyo tong mene Ndeyi." ²⁶ Nzuni 'yangko arko nama ka Ndeyi, nami go su ka goshok Zeitun. ²⁷ "Yeso ansu ta, "Shafkung ngatatkuk ka ne 'e, kika tureno, 'Ne gaha a deita temkai a hashnisu.' ²⁸ Mek bei na juktangko Ne 'e, Ne gonno tong Galili tonotku." ²⁹ bitrus ani ta, "Lei shafsu ngatansu, Nen ngete bu." ³⁰ Yeso ani ta, "Jiren anshengko, bediy woi, kabui gyaja 'e kokkiroto ka bolo, ko ina shanak manta ne 'e ka kunu." ³¹ Bitrus me ta, "Lei ne matak koi, ne kuda ko bu." Shafsu erangko ka eni modi. ³² Nzuni ndano be is wunda ta Getsamani, Yeso angkok majirakuni, "Deya wonden 'e donshu." ³³ Namko Bitrus, Yakubu, ki Yahaya, some jig-yayi ke damtinni. ³⁴ Si ansu ta, "Keluno samdeno yam, kit mato. Era wondeng 'e moino." ³⁵ Yeso nza'ako dom la shim, ngete eli, 'e donshu, na a itinni, jajum woi gedek kanno. ³⁶ Si ta, Bababa, Bono, an 'ei walla bo gedotko bu. Namtik gerwale woi ki gemno. Me ndaltuno bu, yoko." ³⁷ Si meno boltu znuni ' monsom, nami anik Bitrus taru, "Saminu itko monsom? Ko gita deino so jajum yo shim bu? ³⁸ 'Ya moinong 'e donshu kadang ngete tong kabtu. Kelui ndaloti, zugoi me samdeno." ³⁹ Hata jo gonni be'i donshu, eniniy kit shida yo tonoi 'e. ⁴⁰ Nami jo metu boltu nzuni' monsom, kika monsom damtinsu manangko 'ei a ani bu. ⁴¹ Ndino so ka kunu ansu ta, "Har kausong monsom keng hutitku? Mana ka'a! Sommodi ndinni. Moyai! Onangkok La ngo sarak ana zunhu. ⁴² Hindai, ndamu. Moyai, a ona ne 'ei a nem. ⁴³ Wara eni, a tong enini, Yahuda, modik tong dirboloi, ndino, algi shei ndanok si anan gampawa ki mi dirba, ki gem ma'i malumshe, ana tureshi, ki manakshi. ⁴⁴ Kauso ngoi a gonni ona siy ansutik 'yak kabtui a ondi si, ta, "Ngoi yo nan ruma si bo gyebanoi si. Ngahasing gotkuk si. ⁴⁵ Yahuda do tedeno, wara eni kabno gem Yeso, ani ta, "Malum!" Nami time so no gyebani. ⁴⁶ Moishe nzuni ngahangko si, gosuk si. ⁴⁷ Modik hawosu yo a erno genga ho'oko dirba batik kuma modik tong ngaru ma'i malumshensu. ⁴⁸ Yeso ansu ta, "Ngu hatano kit ana ngaha a shiri, ki dirba ki gampawa shaf a ngaha ne 'e?" ⁴⁹ Don be'i modik nguni ke shutanta tong ban Ndeyi, ngu ngahangko ne'ebu. Woi me halai do ngamtante eni Ndeyi. ⁵⁰ Mamayei a gya Yeso shaf laktansu gugnasu. ⁵¹ La bungai yo'oto dafko beini, yo ngarko godo zugoni; ndalangko ngafsi me /v 52 wusgo godos gunanni hersi sarei. ⁵³ Mokangko Yeso gem ma'i malumshe. A deino shafki malumshei nakshi, koknaku, ki ana tureshi. ⁵⁴ Bitrus dafshe beinik gera, har ki bo halta rishe ngurok ma'i malumshe. Deyinni tong mai malumshe a kolshe zei ki yesi. ⁵⁵ Kauso ma'i malumshe ki ma elis shaf deyansu a barta leihis a ngafdi Yesu nami dugini. Me wangko bu. ⁵⁶ Algi shei 'yanko ngadar kanni, bonsu me iko modi bu. ⁵⁷ Ma'ato hindangko some ana eni ngadar kanni; a anshe ta, ⁵⁸ "Mu kolangko si anshe ta, 'Ne rugzitik bi donshu woi yo 'yangkok sara, a tong sommodi kunun saltik so'oto wara sara.' " ⁵⁹ Shafki ka 'a 'ei anangkoi iko ruta bu. ⁶⁰ Ma'i malumshe hinda erno hotosu dol Yeso, "An 'ei ko ana bu? 'Ei miya biya maye anangko katko ye?" ⁶¹ Sime ye'etinni lafsu 'ya bu. Ma'i malumshei jo doldi Si ta, "Ko dok Masihu ye, la Ndeyi?" ⁶² Yeso ani ta, "Ne'e". Keng moya La Ngo a deino saras tina ke isnok tong kebe." ⁶³ Ma'i malumshe ho'o subani tagra ta, "Mu ndalangkodi sheida siya jo? ⁶⁴ Ngu kolangkok eniy disai angko. Ngu anagko miya?" Shafsu kudani kit ngoi suba mato. ⁶⁵ Ma'ato some tufshe ni lei hatik idani some gokha Si a anshe ta, Ani!" Ei a held Dom mai malumshe somemara si. ⁶⁶ Bitrus ke a be is, moishe las so'oto modik tong ngaru ma'i malumshe ndino gemni. ⁶⁷ Te moiko Bitrus a deino nemki bo yesi, moishe te moiko si zina. Nami ani ta, "Ko kek be'i modik Yeso ngoi Nazaret ye 'e." v 68 Sime shantiti, a anshe ta, "Nen man 'ei shi anshei bu ma'i." Nami hatannik tong zaure gyaja 'e kokkiroto is. ⁶⁹ Las wonses ngarus me moigo si some anshek biyai a erno be is 'e ta, "Ngoi woi ke hawosu!" ⁷⁰ Si me shantidi jo. Nasangko shim mayei a erno wondim anik Bitrus ta, "Koi kam modik hawosu, kika koi ko ngoi Galili." ⁷¹ Sime some tina ana ta, "Nen man ngoi ngu eni kanniy bu." ⁷² Moishe gyaja iko kokkiroto yo ka bolo. Bitrus dibko eniy Yeso ini ta, "Kabui gyaja 'e kokkiroto ka bolo, ko ina shanak manta Ne'e ka kunu." Moishe joma some zigda bele.