¹ Si eshe dirbolos bei moɗi ke onsu geɗok mene ka shaf ki are sinkau ke darente shaf ki golla. ² Si sar nzuni ɗo go ani somok mene Ndeyi ke darente golla. ³ Si ansu ta, "Ngu nam lei miya yo marshe wonses- bu zawa, oyu, sinakir, 'yak zena dogdo, ki suɓa. ⁴ lei banos siya ngu ragko, ɗeya wonɗi kaba na ngu diyangko be is e ⁵ Biyai biskanko ngu ni bu, na gotkundi'isheresu banansui, ta'datise budgoi shekegku ɗeyi yak tamya ka su.'' ⁶ Nzuni hatasu gosu tong gyabanaku, anshe somos zina ki daranu lei yiya. ⁷ kauso Hiridus a mene kolko shaf ki yai woi'e, si iko monmoni yam, kika biyi ma'ato anagko ta Yahaya a baptisma hindinik tong mato, ⁸ har kauso anagko ta iliya heteno, ki nabakui onzi yo nasansu. ⁹ Hiridus ta, ne ɓatko k ka Yahaya me kauson kolshe somok lo ki 'ya woi'e? Si gyala billa ɗo moi si. ¹⁰ Ɗo ana sarni mano, nzuni ani lei miya yo nzuni 'yano. Si nam ko nzuni gyemani, nduni gyabani k Baitsaidak kani. ¹¹ Me ɗo algi kolang ko'ya woi'e, nzuni dafsi. Si biska nzuni ke isu eni ka mene Ndeyi, si daranta nsu biyai ndalaongko darantu. ¹² Ɗo bo zoni ito, dirboloi ndutu gyemani anshe ta, wus algi go nzuni ro tong gyabani mamaye we be'i monsom ki wo'oto, ki ka bei mus an biya bu.'' ¹³ Me si ansu ta, "Nguni onasu 'ei yo'oto nzu ni toi." Nzuni anita, " 'ei muni an gyeda sinakir baɗ ki kerwo bolo bu- kaba dei na mu goin kejetu wo'oto ki shaf ki algi maye e." ¹⁴ Wonɗe an goraji dalma bibad. Si an gkok majirakuni, Anasu ɗeyi su eli biya bi bad bei moɗi." ¹⁵ Nzuni 'yanko ka'a, zuf biya ɗeyi su. ¹⁶ Nam ko sinakir baɗ ki kerwo bolos 'e, si hafta idani ɓaɓa, zufsu barka datke, onik majirakuni ɗo nzuni ze dom algi. ¹⁷ Shafsu tanko bo kewenu, 'ei nzuni dahangko k bei tishis daɓur dir bolo. ¹⁸ Ndino ɗo Yeso kato kdonshu si moɗa bi, majiraku gyemani. Si dol nzuni anshe ta, "algi anshe ne'en lo?" ¹⁹ Nzuni lafni, "Yahaya a baptisma , me ma'ato ta Iliya, ke jo ma'ato ta moɗik hawok nabakui onzi hinɗinni." ²⁰ Nami si ansu ta, "Me ngunig anshe ta nen lo? " Bitrus anita, ''Kiristi yo Ndeyi." ²¹ Si me ella kumansu ta kadang ani lei lo ei woi bu ²² anshen su ta "lah ngo sena bone yam ki kuɗaɗi k gyem koknaku ki mai malumshe ki ana tureshi, ke a dugini me k bei sommoɗi kunu hinɗini." ²³ Har kauso si ansu shafsu ta, "leilo na nda lo daf ne'e, kuɗ kanni, ke nam shoho logkuni lei tamiya daf ne'e. ²⁴ Lei ngoi yiya na nda dasa zuani a yakiti, me hei ngoi yiya na yakla zaumnik kanoi a dasa te. ²⁵ sau we ko miya na ko watko k dunya shafto , me yakitko k zauni> ²⁶ lei lo na kolko enino, lah ngo ke kola kawanni na si ndino tong nama ka k Boti ki yo malekakui bu'uno. ²⁷ Me nen anshegku jire, andi ma'ato erno wonɗe yo a damɓa mato bu kabui nzuni moi mene Ndeyi." ²⁸ Bei sommoɗi horɗo ɗo Yeso agko ei mamaye, si namko Bitrus ki Yahaya ki yakubu nzuni ɗa su ka gosho ɗonshu. ²⁹ Ɗo si kato k ɗonshu, subani shashito, kareini ɗeyansu hetre huyak. ³⁰ Kaba, woi gorajio bolo ernoksi, Musa ki Iliya. ³¹ Hatanok nama ka yam. Nzuni 'yanko eni ka marshenni, yo si gonni ishe tong Urshalima. ³² Bitrus ki mamaye gyemani monsom ngalinsu, me ɗo hinɗagko ki tong monsom nzuni moyagko nama kanni ki goraji bolo ernok si. ³³ Ɗo nzuni gosuk gyem Yeso, Bitrus anita, "Ngoi na'ako, iko zina mu wonɗe. Ɗom ramte sangaya kunu, moɗi yoko, moɗi yo Musa moɗi ke yo iliya."Si man ei si anshe bi mai'i. ³⁴ Ɗo a kato ana ei mamaye 'e, keɓe ndino hansu, zuba ngahisu ɗo nzuni ragko tong keɓes 'e. ³⁵ Ɗolya hetenok tong keɓes, anshe ta, "Woi lah no yon zaɓa. kolasi." ³⁶ Ɗo ɗolyas iko eni, Yeso won ɗi mo ɗa bi. Nzuni ngaf tik bonsu anamko lei lo bu tong sommoɗi mamaye ei nzuni moyanko. ³⁷ dakarak baɗi, ɗo nzuni dugzano k ka goshoi, algishei bolano si. ³⁸ kaba gorzo moɗi hawok dahs lula, ta, "Malum, ne ɗonsha koi moi lah no, si lah no moɗa bi. ³⁹ Moi, sinkau mene kanni kaba some lula, a zufshe si lulula: zufshe si ɓarminni boni huhulo. A deishe si bu kaba na ɓaɓtinitik zugonni. ⁴⁰ Ne ɗonsha majirakunko ɗo ho'oni, me nzuni gitangko hoɗa si bu." ⁴¹ Yeso lafsu anshe ta, "Nguni shida ana mure jiei ana bilim, nen ɗeyak nguni har sommoɗi mono nen habrik nguni? Mokti lahng koi a wonɗe." ⁴² Ɗo lai isno, maskai gofko si eli kit matinni. Yeso me gilla ka maskai 'e ke darantitkak lai ye;e, matini gyem bobi. ⁴³ Nzuni monmonik ngaha bo ka geɗok Ndeyi. Ɗo nzuni kato k dirna ka shaf ei si ishe, si anik majirakuni, ⁴⁴ Ɗe 'ya i eni ro tong kuma ng ku, a ona lalah Ngo sara k algi." ⁴⁵ Me nzuni namanko hawok eni ni bu. Bun akan suti, ɗo nzuni man te hawok eni ni bu, ke nzuni zulk dola si. ⁴⁶ kaba shana hinɗa tintil su ka ngoi yi ya a ɗeya na'ako hawosu. ⁴⁷ Yeso me, manoti k dibnas tilinsu, nam no lalamma zesi gengani ⁴⁸ ansu ta, "leili na biska lah woi tong suno, bisk ne'e, biskitko k ngoi sarno ne'e. Lei lo mamai hototgku na'akom si." ⁴⁹ Yahaya lafni, ''A bano mu moyangko ngoi yo'oto ho'oshe maska tong sunko me mu ngeniti, ki ka si dafshe muni bu." ⁵⁰ kadan ngenibu." Yeso ansu, Ki ka leilo gyehak nguni bu yoku. ⁵¹ Ɗo sommoɗi maushenni into nem si zatili ka maushe Urshsalima . ⁵² Si za ana sarni domni, nzuni go ro tong gyabani Samariyaku ramteni lei miyake. ⁵³ Me biyai wonɗe biskanko si bu, ki ka si zofko Urshalima domni. ⁵⁴ Ɗo majirakuni Yakubu ki Yahaya moyanko 'ya ye, nzuni ta, bomu a bano, ko nda mu zuf yesi ngetetuk ɓaɓa dugisu ɗo?" ⁵⁵ Me Yeso wangla gilla kasu, ⁵⁶ nzuni go su gyabani yo'oto. ⁵⁷ Ɗo nzuni kato marshe ka bille, ngoi yo'oto anita, "Ne daha koi lei tiya." ⁵⁸ Yeso laf ni ta, jammiɗe an wuyonni, rayinshi ɓaɓa an binu, me lah ngo an bei zena kanni bu." ⁵⁹ Si me anik yo'oto ta, "Ɗafti ne'e" me si ta, Bomu a bano, wus nee go n maletu bono" ⁶⁰ Me Yeso anita, wus ana mato male sha'esu ana mato. Me bo yokogo ko ei wa'azu mene Ndeyi lei ta miya. ⁶¹ ngoi yo'oto anita, 'ne daf koi, Bomu a bano, me bo tonoɗon gon anik biyai tong banonno." ⁶² Yeso lafni ta, "lei lona ngafko garma mara na a moishe beini a gita rina tong mene Ndeyi bu."