¹ ki bei ei maye, Bomu a bano zaɓa bi babilo , sarko nzuni bolo bolo nzuni go lei gyabani ki beis sik kanni ndalo. ² Si go ansu ta, Zugkas shei ana rutai me shim. Ki ka ka'a dol Boti a bano zunkui ɗo si sartu ana ruta tong kurinig 'e. ³ 'ya marshetku. moyai, ne sarshe nguni kit lah temshi rishe tong jammulɗe. ⁴ kadan nam sasato dogdo bu, lei ma batkar marshe , an taho bu, ke ngu lakgɗe leilo ka bille bu. ⁵ Lei banos siya ngu ranko, bo tono anata, Ɗei no k lahiya ritu tong bano wonse'e.' ⁶ Na an ngoi a ɗeino k lahiya wonɗe, eni deino lahiyatku ɗeya gyemani, me na andibui, 'e te meto gyemenku. ⁷ Ɗeya bano wonse'e, ngu tishik seshe lei miya nzuni onanku, ki ka a ruta suba oni jejaum yo rutani. Kadag hete k bano wones ngu godi ting bans so'oto bu. ⁸ Lei gyabainis yiya ngu rangko ke nzuni biskanko nguni bu, ta lei miya nzunu zanko domku. ⁹ ke ngu darante suntikuti ana golla n su. Ansu ta, Mene Ndeyi ndinto nemki ngui. ¹⁰ Lei gyabanis siya na ngu rangko, me nzuni bisksangko nguni bu, ra tong nguro sun anita, ¹¹ Lei buɗkoi bananku yo a zug shekenmu mu sadangkuti. Me woi mene Ndeyi ndino wonɗe. ¹² Nen ansheg ku ta hoti sherya a kola jia-,yayik Sidom ka gyabani wonses'e. ¹³ Titikutku, Korosaku ki Baitsaida! Na rutai nakshi yo 'yan ko hawoshi na 'yan ko tong Taya ki Sidon, ka nzuni tubansu ting ki marei tong guzur ki kuto. ¹⁴ Me hoti sherya Taya ki Sidon wena zena sara bo geba katku. ¹⁵ Koi, Kafarnahum, ko anshe ta a haftako ɓaɓa ɗo? ka'a bu, kaba dei a yakte ko ban yesi. ¹⁶ Lei lo na kolko nguni a kolshe i ne'e, ke leilo na ku'uko ne'e, kuuko ngoi sarno ne'e." ¹⁷ Bi ba biloi manok hetrek tili, anshe ta, "Bomu a bano, lei maskaku kolshe muni tong sunko." ¹⁸ Yeso ansu ta, "Ne moiko maska ngetenok ɓaɓa kit talku. ¹⁹ Moyai, ne ogkuti k geɗok bibde samma, ki indiri ke jo ki shaf ki geɗo ka a gyha, ke an ei a kolku yam bu. ²⁰ Shaf ki ka'a kadan 'e kuyu ka woi bu, ta kelui disa onku kasu bu, me 'ya kuyu ki shei ta turangko k sunku tong menei ɓaɓa." ²¹ A jajum wonse si iko kuyu shei tong kelui bu'uno, ta, "Ne nam she katko, boti, Boti a bano ɓaɓak eli, ki ka ko bunkitko 'ya woi ki gyem ana mantu, ke ko onko nzuni gyem biyai 'yanko karatu bu, kit milla mimi'i. Ka'a, Boti ki ka ka'a iti to zei gyemang ko." ²² Bono oni noti k lei miya ke, ke an ngoi man lai bu kaba boti ke jo an ngoi man Boti bu kaba lai 'e ki biyai lai zaɓa tamsu." ²³ Si wangla gya majirakuni isu eni moɗa su ta, "Biyai moyagko ei ngu moishe an a barka. ²⁴ Nen anshegku, Nabaku shei ki mainshe ndalanko moya ei ngu moishe, me nzuni moyang ko bu, ke koli ei ngu kolshe,. ke kolangko bu." ²⁵ wonɗe kaba malum uhe Yahudaku moɗi hinɗa kabta si, ta, Malum ne ina miyan we zau so an bo erno to bu?" ²⁶ Yeso ani ta, "Turan ko miya tong uhy 'e? Ko karanta lolo? ²⁷ Si lafko anita, "Ko ndalte Ndeyi Bomu a banoki shaf ki tilinko, ki shaf ki kelunko, ki shaf ki ge ɗotko, ki shaf ki mantunko, ki ngoi ka banotko kit katko. ²⁸ Yeso anita, " ko lafko jire. ti woi, ko ɗeyak zau ko mata bu." ²⁹ Me malum 'ye, nda ɗo si hafte kani, anik Yeso ta, "Ngoi ka banonnoi lo?" ³⁰ Yeso lafni ani ta, "Ngoi yo'oto dugze nok Urshalima goni jariko. Si ngata sara k ana shiri, nzuni woriniti shaf ki kareini, takdsnako, dei si zau sara k Ndeyi. ³¹ Ki wonɗe ke woi malum ruta ban Ndeyi daf no billai 'e, ɗo si moiko ngoi ye , si tabenni laha billei 'a gonni. ³² ka'a ke a shida lawi yo'oto, ɗo si ndino beis moiko sim, tabeni laha billai yo'oto. ³³ Me ɗo ngoi samariya moɗi, ino marshe, ndino bei ngoi ye'e. Ɗo si moiko sim, jigyayi ngahini. ³⁴ Si ndino gyemani ke ngariniti k guttonis, kas ni di mor ki uska. Si ze ngoi ye ka koronni, moktu si ban urta ngerhahi nami soma ishe ni yino. ³⁵ Dakarak baɗi si nam dinari bolo, onik a banos, anita, 'ini uska ke na ko duko 'ei geɗak woi'e nan meno n tuhe ko ti.' ³⁶ Tintil mamaye kunui, a deino ka banok ngoi ana shiri takdangko y si lo?" ³⁷ Malum 'ye anita, "Ngoi kolko jigyayiniy 'e." Yeso lafni ta, "Ndui ko 'e ka'a." ³⁸ Ɗo nzu ni kato k marshe, si ruko tong gyabani so'oto, ke mandus sunto ta Marta biska si tong banoto. ³⁹ Te an baɗ nonti sunto Maryamu, so deiko sheke Bomu a bano a kolshe eni ni. ⁴⁰ Marta me damtitok woɗa wo'oto yo te zena domni. Te ndino gya Yeso, te ta, "Bomu a bano, ko moishe bu ɗo baɗ nono wusino moɗa non kato rutay 'e? Ki ka ka'a anto ta shate ne'e." ⁴¹ Bomu a bano me lafto ta, Marta, Marta, shi damtishi ka ei shei, ⁴² Me ei moɗi suba we. Maryamu zaɓitko k ei zina, yo a gita gorietik gyemto bu."