¹ Woi hala ɗo Yeso kato ɗonshu beis soto, moɗik hawok majirakuni ani ta, "Bomu a bano, shutemu billai mu ina ɗonshu kit yo Yahaya shutak majirakuni." ² Yeso lafsu ta, "Na ngu ɗonshu anata, Boti, suako ɗeyi bu'uno. Meneng ko nditu. ³ Omu ommu goli lei ta miya. ⁴ Ko yahe muti k lelhinmmu, kit yo m yahe ak ana ishe mu lelhi. Ko mok muni tong kabtu bu." ⁵ Yeso ansu ta, "Ngo yiya hototgku an zafti bunga, na nduko gyem nik tintil beɗi, anita, zafni bungai, onno sinakir kunu, ⁶ ki ka zafno bunga yo'oto ndinok bei marshe, nen an tishis ne onibu." ⁷ zafti bungai ki tong bi lafni ta,'ko damte ni bu. Bo duɗano heno, millano, gyemano, ne ka indi. ne gitan hinɗen onko sinakir bu.! ⁸ Ne ansheg ku, lei si hinɗa si oni sinakir ki ka si zafni bunga bu, me ki ka kawa k ɗonshuni, si hinɗa oni ei si ndalo. ⁹ Ne anshenku, dolai, a onkuti, gyala, ngu wati;goha bo duɓano, a ehe ku ti. ¹⁰ Ki ka leilo na dolkom a biska, ke leilo gyala a weshenti, ke ngoi gofko bo duɓano, a eheni ti. ¹¹ Boti yiya hotontgku, na lah ni dolko si kerwo, a oni samma? ¹² Ɗo ma na si dolko si yinsa, a oni indiri? ¹³ Na ka'a bui, na nguni ana disang manoti ngkotik ona ei zinak millaku, Boti ya ɓaɓa a ona k biyai dolangko si kelui bu'uno bu? ¹⁴ Yeso kato k hoɗa maskai ɓumɓang, ɓumɓaye' iko eni, algi monmoni. ¹⁵ Me ma'ato ananko ta, "ki gyem mai sinkau, ba'alzabuba, si ho'oshe sinkau." ¹⁶ Ma'ato kabtanko si a dolshe tamshik ɓaɓa. ¹⁷ Yeso me manoti k dibnasu ansu ta, "Lei menei yiya na tikito bolo ka yaha a laktito, bansi tikito ka yaha ke ngato. ¹ Ki bei woi Yeso soma kokranta gyabanaku nakshi ki mimi'i, a anshe somos zei a ka mene Ndeyi. Dirboloi a gemani, ² shafki mondei ma'ato yo ho'oko maskakuk zugonsu ke darantansuk gollansu: Maryamu so a wunda te Magdaliya, so hodangko maskaku babilok zugonto; ³ Yuwana, man Kuza, wakili ban Hiridus; Suzana; ki ma'ato shei, yo, ki tong ei nzuni anandi, 'yangko rutak nzuni. ²¹ Na ngoa geɗo ke an kareikisi deita banoni, an ei a damɓakarei ni bu, ²² kaba na ngoi geɗa geɗo ni, ngoi ye'e gorenitik karei kesini, ke worni tik n karei ni. ²³ Ngoi na gyem no buayahak ne'e, ke ngoi daahak ne bui laktanti. ²⁴ Na kelui disa wusko ngo, te yala beis an ham bu gyala bei deino. Na te wabu, te anata, ²⁵ 'Ne manno banos ne deiko.' Na meno, bolno bu'uno ramteno. ²⁶ Te go wortu shaento babilo na gyeɗan to disa, shafsu nditi deyi zug zehe tong banos 'e, tata ka ngoi woi ito disa ka so onzi. ²⁷ kauso ɗo si angko ei mamaye, mandus so'oto hafta dolyatok geɗo gyeɗatko k so algi shafsu anita, "Hawsileiko koi ki yeyi ko sa an barka." ²⁸ me si ta, biyai a kolshe eni Ndeyi ke nghankoi anan barka." ²⁹ Ɗo algi sawwankoi, Yeso some anshe ta, "shida woi shidai disa.Te gyala 'yak tomshi, me a onsu 'yak tomshi bu kaba so Yunana. ³⁰ Kit yo Yunana deiyinni 'yak tomshik biyai Neneba, ka'a ke e ngo ɗeya 'yak tamshik shidai woi'ye. ³¹ Madiya bo haushi hinɗa hoti sherya ki biyai shidi woi'e te wallisu, ki ka te ndinok bei'is gyera ɗo kol mantu Suleimanu wonɗe. ³² Gorajiy Neneba a era bei sherya ki shida algi maye 'e ke a olin su, kika nzuni tubansu bei wa'zu k Yunana, Myi, wyi ngoi geɗak Yunana wonɗe. ³³ An ngoi arehinta yesi ,hatika ka tok woka bu, me a zena te bo gudgul, ɗo te on talkuk biyai a rishe. ³⁴ idanki talku zugonko. Na idanko zina,zugonko ke shaf andi talku. Me na idanko zinabu, zugonko ngamnok tutudu. 5 Ki ka ka'a, 'i danum kada talkunko ɗeyi tutudu bu. ³⁶ na shafki zugonko ngamnok talku, an be is an tutudu bu, shaf ki zugonko ɗeya k talku." ³⁷ Ɗo si taka eni ni, ngoi farisai moɗi ɗonsha si ta, si go t wo'oto bannoni, Yeso ruko ɗeyinni. ³⁸ Ngaarisi me monmoni ki ka Yeso bu'uko saranni kabui tina wo'oto bu. ³⁹ Bomu a bano me anita, "kauso nguni farisaku ngu'ushe bei gerwale ki shoko, me hawotu nganmok disa ki tili bolo. ⁴⁰ Nguni ana yaklu asum! ngoi yo ramta bei 'ye ramta hawoi bu ɗo? ⁴¹ Ona ana mure ei hauto, lei miya ɗeya bu'uno gemkngku. ⁴² Me titikutku farisaku,ngu biska moɗik hawok bimmaɗ yo kumie mandira ki luluma, me ngu dei 'yankok jire ki ndaltu yo Ndeyi, wara ina ei ma ato ba. ⁴³ Titikutku farisaku, ki ka ngu ndalangko deino bei deink ma nakshi tong ban Ndeyi ki bei dahik biya bo goma. ⁴⁴ Tititkutku, nguning kit shida burarei bunkeno biya bibdate wara mantu. ⁴⁵ Malum uhe moɗi anita, "Malum, ei ko ansha zufshe muni kawa." ⁴⁶ Yeso ta, Titikutku malumshe uhe! Ngu zeshe ulai ndaɗo ka biya ɗo nzu ni nami, nguni me ngu zofshensu lei kola shata nzuni bu. ⁴⁷ Titikutku ki ka ngu salshe bure k Nabaku me dikashegku dukagko nzuni. ⁴⁸ ka'a ke'e moyangko ke nguni shata ruta dikashenkui 'e, ki ka nzuning dugangko nzuni nguni salshe buresu. ⁴⁹ Ki ka ka'a, mantu Ndeyi, 'Ne sarsu Nabaku ki ana ɗeino kusani, nzuni dugtikk ma'ato k hawosu! ⁵⁰ Shidai maye, a ngaha nzuni bo dom Nabaku ting ki bo zena dunya, ⁵¹ tin ki dom Habila godi yo Zakariya yo duganko si tintil bagdi ki be is bu'uno. ka'a, ne ansheg ku, a ngaha shidai woi ki bo 'ya woi'ye. ⁵² Titikutky malumshe uhe Yahudaku, ki ka ngu namanko bille shutu, ngu shutangko bu, ke ngu nganko k ma'ato shut." ⁵³ Ɗo Yeso deiko beis ana tureshi ki farisaku' yanko yahak si a shanak si ka iya 'ye, ⁵⁴ ta ɗo nzu ni ngahinik eni ni.