¹ Tong sani bimmaɗ bi bad so mene Kaisar Tibariya- ɗo Buntus Bilatus ma'i Yahudiya, Hiridus ma'i Galili, be noni Filibus ma'i lardi Ituriya ki Tarakunitas, ke lisaniyas ma'i lardi Abiliya, ² jajum woi Hanana ki Kayafas Ma'inshe malumhe - eni Ndeyi ndino gyem Yahaya lah Zakariya tong riya. ³ Si nduko shaf ki lardi Urdun, wa'azu ke ishe baptismak tubu so yaha zunhu. ⁴ 'yak kit yo turangko tong eni Nabi Ishaya, "Ɗolyok ngoi moɗi wunda tong riya, 'Ramtatik boilla Bomu a bano, ɗim tani tik bille ni. ⁵ Ngamtatik lei zoros siya, datatik lei goshoi siya, shaf ki billai ngolɗeno ɗimtinto, ke bei's disa ɗeyi to bille, ⁶ algi shaf a moya wangu Ndeyi'" ⁷ Ki ka ka'a Yahaya angkok algi ndishe ta si isu baptisma, "Nguni milla sammaku! zaf ku kola idankum lo ɗong 'e jijo kei yam yo isno ye? ⁸ Ki bo ka'a, le'ya millai a tamshe tubugku, ke kadan some anshe tong tilin ku, 'Mu anandi Ibrahim bomu,' ki ka ne anshegku ta Ndeyi giti jukta millak Ibrahim tong goshaku mamaye. ⁹ E Lei kauso ma zohanko dala Zug ro. Ki ka ka'a lei roi yiya yo ogko la bu daashini olti tong yesi." ¹⁰ Algi me some dolasi, ansheta, "Munin ina miya?" ¹¹ Si lafsu anshensu ta, "Leilo na an suɓa bolo, si on moɗik ngoi andi bu, ngoi yo an wo'oto ke e ka'a." ¹² Ana biska ngala na ke ndano ta ɗo isu baptisma, nzuni anita, "Malum, muni mu ina miya? " ¹³ Si ansu ta, Ngu biske ei walla ei ɓatagku bu." ¹⁴ Ana kesi ma'ato dolangko si, ansheni ta,"Muni jo? Mu ina lolo?" Si ansu ta, "Kadan biskek gyem algik gegeɗo bu,ke ngu e ngadar ka ngobu. ¹⁵ Kauso algi zofshe tili yam ka ndishe Kiristi, leil monmoni tong tilini ka Yahaya, ɗo siny Kiristi. ¹⁶ Yahaya lafko anshesu ta, "Bo yono, ne ishegku baptismak ham, an yo'oto me isno yo gyeɗano, ke nen tadan biɗe zorik tahonni bu. Si iku baptismak kelui bu'uno ki yesi. ¹⁷ Si an kummani sara n ni a goni buya haini dahiti tong dogojinni. Rubi's me si buktik yesi a mata bu. ¹⁸ Ki eni zoba tili ma'ato Yahaya iko wa'azu zei ki biya. ¹⁹ Ɗo si gilla ka ma'i Hiridus ki ka si iko babnok man be noni Hirudiya, ki shaf ki ei disi Hirudus ikom, ²⁰ si dahe asu nzecni shaf bei moɗi, ki ka ka'a si zoftik Yahaya tong rono. ²¹ Kauso, ɗo algi shaf yansu baptisma, Yeso ke 'yani baptisma, ke ɗo si kato ɗonshu, ɓaɓa ahato, ²² kelui bu'uno hurtu tong suba korkodi, ke ɗolya urtuk ɓaɓa, "Kok lah no, yon ndalo. Nen hetrek tilik koi." ²³ Ɗo Yeso soma rutani, sani n ni bi kunu. Si lah (kit yo biya anshe) Yusufu, lah Heli, ²⁴ Heli lah Matat, Matat lah lawi, Lawi lah Malki, Malki lahYanna, Yanna lah Yusufu, ²⁵ Yusufu lah Matatiya, Matatiya lah Amos, Amos lah Nahum, Nahum lah Azaliya, Azaliya lah Najaya, ²⁶ Najaya lah Ma'ata, Ma'ata lah Shimeya, Shimeya lah Yusufu, Yusufu lah Yahuza, ²⁷ Yahuza lah yowana, Yowana lah Refaya, Refaya lah Zarubabel, Zarubabel lah sheyaitiyel, Sheyaltiyel lah Niri, ²⁸ Niri lah Malki, Malki lah Addi, Addi lah Kosama, Kosama lah Almadama, Almadama lah Er, ²⁹ Er lah Yosi, Yosi lah Eliyezar, Eliyazar lahYorima, Yorima lahMatat, Matat lah Lawi, ³⁰ Lawi lah Saminu, Saminu lah Yahuza, Yahuza lah Yusufu, Yusufu lah Yonana, Yonana lah Eliyakim, ³¹ Eliyakim lah Malaya, Malaya lah Mainana, Mainana lah Matata, Matata lah Natan, natan lah Dauda, Dauda lah Yesse, ³² Yesse lah Obida, Obida lah Bo'aza, Bo'aza lah Salmon, Salmon lah Nashon. ³³ Nashon lah Amminadab, Amminadab lah Aram, Aram lah Hesruna, Hesruna lah Feresa, Feresa lah Yahuza, Yahuza lah Yakubu, ³⁴ Yakubu lah Ishaku, Ishaku lah Ibrahim, Ibrahim lah Tera, Tera lah Nahor, Nahor lah Serug, ³⁵ Serug lah Feleg, Feleg lah Eber, Eber lah Shela. ³⁶ Shela lah Kenan, kenana lah Arfahshad, Arfakshad lah Shem, Shem lah Nuhu, Nuhu lah Lamek, Lamek lah Metusela, ³⁷ Metusela lah Anuhu, Anuhu lah Yared, Yared lah Mahalel, Mahalel lah Kenan, Kenan lah Enosh, ³⁸ Enosh lah Shitu, Shitu lah Adamu,Adamu lah Ndeyi