¹ Algi shaf hinɗangko, mok Yeso dom Bilatuss. ² Nzumi tosa si, anshe ta, "Mu bolangko gorzo woi kato jukta hankali elis 'e, ta kadan on ngalak Kaisar bu, ta ma si ne Kiristi, ke Ma'i." ³ Bilatus dolsi, ta, "Ko ɗok ma'i Yahudakui 'e?" Yeso lafni ta, "Ko anko ka'a." Bilatus anik ma'i malumshe ki algi shaf, ⁴ "Ne wa ngo woi ki lelhi bu." ⁵ Me nzuni kato sawandi eni, anshe ta, " Si juktanti algi, shutanta tong eli Yahuda shaf, somak tong Galili kaba bei wonse." ⁶ Ɗo Bilatus kolko ka'a, si dolko ta si ngoi Galili men. ⁷ Ɗo si moi ta si ngoi eli Hiridus, si sar Yeso gyem Hiridus, si ke tong Urshalima sommoɗi mamaye. ⁸ Ɗo Hiridus moiko Yeso, si iko kuyu yam, ki ka si nda moya si tingki marei. Si kolko somo ni ke zatili 'yak dobo gyemani. ⁹ Hiridus dolko Yeso shei, me Yeso lafni lei miya bu. ¹⁰ Ma'i malumshe ki ana tureshi, tosani yam. ¹¹ Hiridus ki ana kesini 'yani 'yak bokshi. Nzuni zobni karei mene nami matinin gyem Bilatus. ¹² Hoti wonse Hiridus ki Bilatus ɗeyansu zafti bungya (onzi me nzuni gahak zehe) ¹³ Bilatus esheno ma'i malumsheki ana mene ki algi shaf, ¹⁴ si ansu ta, "Ngu mokino ngo woi kit si tosa algi 'e ei disa, ta moi, Ne, dolko si domku, ne wa sik lelhi bu ka ei ngu mokino kani. ¹⁵ nami Hiridus, ki ka si mateni gyemamu, ke (moi), ne wa ei suba dugsi bu. ¹⁶ Ne tubasi, wusini." ^{17 18} Algi me bo moɗi ngahangko lula, anshe ta, "Namati ngo woi, wusamu Barabbas!" ¹⁹ Barabbbas me ngoi yo olani rono ka tosa gyabanikdugya zau. ²⁰ Bilatus sawwisudi eni, si ndal wus Yeso. ²¹ Me nzuni lulula, ansheta, "Longkani, Longkani." ²² Si ansu so ka kunu, "KIbo miya, ngo woi iko disai siya? Ne wa 'yak dugi ngo woi woiyo bu. Ki ka ka'a bei ne ini merwen, ne wusini." ²³ Nzuni me some hafta ɗolya gegeɗo, anshe ta longkini. ²⁴ Ɗolyonsu eyoitikok ka Bilatus. Bilatus bolo onsu ti ei nzuni ndalo. ²⁵ Si wusko ngoi nzuni dolangko yo tong rono ka tosa bei ki dugya zau. Me onsu Yeso ta nzu ei nzuni ndalok si. ²⁶ Ɗo nzuni marshek si nzu ngahangko ngoi moɗi Saminu na Bakurane,ndishek Eli so'oto, nzuni zani shoho lonku kani ɗo si nami, ɗafshe Yeso. ²⁷ Ɗahi algi shei, yo mondek yo isheni bele, dahangko si. ²⁸ Me si wangla gyemansu, Yeso ta, Milla monde Urshalima, kadan ino belebu, me 'ya bele katkuk millanku. ²⁹ Hi moi, sommoɗi dutuyo nzuni anata, 'Korol ki hawos leiko lah bu a barka, ki yeɗis sanko bu.' ³⁰ Ki ka nzu soma anak goshaku, 'ngatati ka mu,' ki gosho ma'ato 'Hi mu.' ³¹ Ki ka na 'yanko ei woi ɗo kuma ro lalanja, a ɗeye lolo ɗo nzu ho'yansu"?" ³² Goraji ma'ato, ana disa bolo, ndankok nzuni ɗo duginsuk si. ³³ Ɗo taɗano be'is esha te ta "Shoko ka"nzuni longki ni, ki ana disai- moɗi sarani cina moɗi ka sara geɗe. ³⁴ Yeso ta , "Boti, yahinsu, ki ka nzuni manan ei nzu ishe bu." Nzuni 'yanko hurɗi, tiketi karei ni Tikitik. ³⁵ Algi erno moya si ɗo ana mene ɓokshe si, anshe ta, "Si wangitko ma'ato. Si wange kani ba, na si ne Kiristi so Ndeyi 'e, ngoi zaɓeno." ³⁶ Ana kesi ke ɓokanko si, nzaɗanko gyemani, onsheni ham shom, ³⁷ ke anshe ta, "Na ko ne ma'i Yahudaku, wangi katko ba." ³⁸ Andi suba yo'oto kani, "Woi ma'i ma Yahudaku." ³⁹ Moɗi hawok anadisa yo longkanko nzuni si ke 'yi ni eni ɓokshi ta, "Koko Kiristi budu? wangi katkok muni." ⁴⁰ Yo'oton me gilla kani, ta, "Kok nzuba Ndeyi bu, suba maiton mu moɗik si '? ⁴¹ Yo mui a jire,mu biska ei suba muni deidei ki rutamu. Ngo woi me si iko ei disa bu." ⁴² Nami si ani ta, "Yeso, diɓ ne na ko ruko tong mene ko." ⁴³ Yeso anita, "Ne anshenko jire, kuti'i ko ɗeyak ne tong janna." ⁴⁴ Woi hala jejum ɗena hoti, tutudu hatik eli shaf kaba jejun ngete hoti ɗo ⁴⁵ talshu hoti samɗito. Jubtoy tong ban Ndeyi tagritok tintil kaba eli. ⁴⁶ halta ɗolyo nik gegeɗom, Yeso ta, "Boti, ne wusko kelu no saratko. Ɗo angko ka'a, si matinni. ⁴⁷ Ɗo ma'i ana kesi yo wonɗemoiko ei hala, sinamko ka Ndeyi, anshe ta, "Jire ngoi woi an bukdo bu ngoi jire. ⁴⁸ Ɗo algi'i ndino ɗo moi ei hala,nzu gohangko bo gyebansu. ⁴⁹ Me shaf biya manoni, ki mondei ɗaheno si ki tong Galili, erangko gyera, moishe shaf ki ei woi'e. ⁵⁰ Kaba, an ngoi yo'oto suni Yusufu, moɗi hawok koknaku. Si ngoi zina a tili moɗi. ⁵¹ Si sana ei koknakui ngarangko bu ki shaf ki rutansu. Si ngoi eli Yahudiya ki tong gyabani Arimatiya; si zeshe tili ka moya mene Ndeyi. ⁵² Ngo woi, nza'ako gyem Bilatus, dolko zug Yeso. ⁵³ Si urtetik si te, buɗiti tong suba mala zina, zobh tong bure gosho, beis damɓan ko zena ngo bu. ⁵⁴ Baɗi ramta zugo, hoti subdu ndinto nem. ⁵⁵ Monde, yo ndinok Yeso tong Galili, ɗahangko ke moyangko bure ke billai zanko gubuni ni. ⁵⁶ Nzuni ma su, ramte mi atursa kasa zugoni. Ke nzu ɗeyanko bano hoti subdukit yo uhe angko.