¹ Har kauso si isu eni tong cere bo ngamo ka billei nzuni ina ɗonshu, ta kada nzuni to'i bu, ² anshe ta, " A gyabani so'oto, an a sherya yo nzuba Ndeyi bu ke damtak algi bu. ³ A gyabani wonses 'e an di daushi moɗi, ke te dishe gyem a sherya a ɗonsha si, ta, shati ne'e we bo hawonno a ka biyai nda ne'e bu.' ⁴ Nasko si nda shata te bu, me ki bei si anko kanni ta, 'Ko na ne zuba Ndeyi bu ɗo ma ne namaka algli, ⁵ shaf ki ka kada daushi wonse damti no, Ne shata te we jire, kada te dam tino bei mazawanto.'" ⁶ Bomu a bano ta, "kola ei yo a sherya woi a mure jire angko. ⁷ kana Ndeyi ke ona jirek biyai si zaɓa ko ana donsha ni golik beɗi bu? Si ina haɓrik nzuni bu? ⁸ Ne anshenku ta si onsu tik marei. Me na lah ngo meno, si boltu ona jire tong dunya men'i. ⁹ Si somo wonse ki ka biyai anan ko kasu ta nzuni bu'uno ke ɓokan ko kine algi, ¹⁰ "Goraji bolorangko tong ban Ndeyi ɗo nzuni 'e ɗonshu- moɗi a Farisaku moɗi me a biska ngalana. ¹¹ Ngoi Farisa hinɗa erno ishe ɗonshuk ka ta, 'Ndeyi, ne kunakoi ki ka nen kit biya maɗɗi bu yo ana shirik karei kesi, biyai bu'bno bu, ana aza, nama kit a biska ngala wai bu. ¹² Ne ɗonshuk goli kizi ka bolo tong sommoɗ babilo, Ne onshe moɗi hawok bimmaɗ yo shaf ki karei ne weshe. ¹³ A biska ngalana me, erko gyra, gitko hafta kanni ɓaɓa bu, me gobko bo gyebani, anshe, 'Ndeyi, kol jigyayino, nen a zunhu.' ¹⁴ Ne anshen ku, ngo woi ma banonik hetre tili, ki ka leilo hafta kanni urtini eli, me leilo na urta kanni a haftini. ¹⁵ Algi ke mokani millansu gyema ni, ɗo si sob nzuni, me ɗo majirakuni, ngesuti. ¹⁶ Yeso me esha nzuni gyemani, ta, "Wusa milla mimi'i ndutu gyemano, kara ngu bu, gyma mene Ndeyi yo shidansu. ¹⁷ Ne anshen ku jire, leilo na biska mene Ndeyi kit milla bu bu si rina hawoto bu. ¹⁸ A mene moɗi dolko si, ta, "Malum zina, ne ina miya ne we zau so an bo erno a to bu?" ¹⁹ Yeso lafni ta, " Ki ka miya ko wunda ne'e zina? an ngoi zina bu, kaba Ndeyi moɗa bi. ²⁰ Ko manonti uhe- ko 'e aza bu, ko dug zua bu, ko ' shiri bu, ko 'e ngadar ka ngo bu, ko on na'akok nonko ki boko." ²¹ A mene ta ne daf ko shaf ki 'e mayetim sommoɗi ne bungya." ²² Ɗo Yeso kolko ka'a, si anita, "An 'ya moɗi ko an bu. kaba na ko boititko shaf ki karei ko ko onti oyui ki ana mure, ko wena dara ɓaɓa nami ko ndutu, ko ɗaf ne'e." ²³ Meɗo a dara kolko ei mamaye, si yabtiti tili yam, ki ka si an dara yam. ²⁴ Yeso, anita, ki yabta tili ta, "A ina yam kit miya ana dara re tong mene Ndeyi! ²⁵ A ɗeya kahuru ndigmo geɗek wunti libra, ki ka a dara re tong mene Ndeyi." ²⁶ Biya kolsheiani ta, "A wena wangui lo?" ²⁷ Yeso lafsu ta, "'yei yo wallitko geɗok ngoi, a walla geɗo Ndeyi bu." ²⁸ Bitrus ta, "woi si, mu wusiko lei miya mu kato daha koi." ²⁹ Yeso ansu ta,"Jiren ansheku, nen ta anshenku, an ngoi wusko bano, nama mandu, ɗo ma yagyena, nama nontik boti, nama milla, ki ka mene Ndeyi, ³⁰ yo a wena 'ya shei tong dunya bu, ke tong dunyai dutu, zau so an bon to bu." ³¹ Ɗo si daha dirboloi gyemani, si ansu ta, " moyai, da Urshalima, Ke shaf ki ei turangkok bo nabaku ka lah ngo a ngamito. ³² Ki ka a oninik biyai Yahudaku bu, a ɓoka si, maite si wara kawa, tuf nidi lei kani. ³³ Ki bei 'yani jibo, nzuni dugini mato ke sommɗi yo kunu hindinni. ³⁴ Nzuni wanko tong ei woi 'e bu, ke bunkan su ti, nzuni wanko hawok ei si anshe bu. ³⁵ A kato ɗo Yeso nza'ano ne ki Yeriko, andi mukum moɗ yo zanko sin bo billa ndonshu, ³⁶ ɗo si kolko algi shei geɗe, si dolko ei hele. ³⁷ Nzuni anita Yeso yo Nazaret a zug geɗe. ³⁸ Ki ka ka'a mukum ye hafta dolyoni, anshe, "Yeso, lah Dauda, kol jigyayino. ³⁹ "Biyai marshek dom gilla ka makum 'ye, ta si ye'e ti ni. Me si sauwi di hafta dolyoni ɓaɓak geɗo, "Lah Dauda, kol jigyayino." ⁴⁰ Yeso erko ani ta ɗo zuni moktu ngoi ye 'e gyamani. Ɗo mukum ye ndino nem ki si, Yeso dolko si, ⁴¹ "Ko ndan iko miya?" Si ta, "Bomu a bano, Ne nda ne we moino." ⁴² Yeso ani ta, "Moyi be'i. Ona jirenko darintinko." ⁴³ Ka moɗi si watko moshinni, ke ɗafko si, nama ka Ndeyi. Moi she ka'a, algi shaf namanko ka Ndeyi.