¹ Yeso anko woi ki majirakuni, "Andi a dara moɗi yo an a deitani dara ni, ana da'ashe sheke ana ni ta a dei yabtenko ki daranko. ² A darai eshe tu a deyi ani ta, ne kolshe miya kat ko'e? Ono masni darano ki ka kodeidi a deino bu! ³ A deyi ki tong tili ni ta, nen ina lolo, bono a bano bisketik deyis gyemano 'e? Ne an geɗo oha wuyo bu, ken kawan ei ɗonshu. ⁴ Ne manoti ei ni ina, ta na ɗo hoɗano tong rutai 'e biya biskane'e tong banonsu.' ⁵ A deyi eshetu shaf ki biyai a banoni ɗaha nzuni, si dolko yo tono ta, "A bano ɗahako mono?' ⁶ Si ta gyerwa dalma yo mor.' Si ani ta, nam 'yak tureshi, mare turi ta bi baɗ, ⁷ Har kauso si esha moɗi ta, ko jo yoko mono? si ta, katango dalma yo hai.'Si anita, nam 'yak tureshi , turi bi hor ɗo.' ⁸ A banoi kunna a deitu a mure jire ki ka si iko woi'e. Ki ka milla dunya andi wayo gyem biyasu ki ka milla talshu. ⁹ Ne anshenku, wa zabti bungya ki bei oyus zina bu, ta ɗo ouyi andi bu nzuni biska ki tong banos an bo erno to bu. ¹⁰ Ngoi yo an ona jire tong ei shim a ɗeya ki ona jire ka ei shim, ngoi an jire ka ei shei ɗeya a jire ka ei shei. ¹¹ Na ko ishe ruta jire ki oyu jire bu, a onko oyui jirei lo? ¹² Na ko ishe jire ka oyu biya bu, a onko oyu yokom lo? ¹³ An ngaru ina ruta gyem boti a bano bolo bu, kaba dai si kuɗi moɗi ndal moɗi, nama si ei ruta jirek moɗi ei so ngadar ki moɗi. Ngu gita ina ruta Ndeyi ke ngu ei rutak dara bu. ¹⁴ kauso mafarisaku, ana ndala oyu, kolang shaf ki ei woi 'e, nzuni isheni zuro ¹⁵ . Si ansu ta, ngu bu'ushe kaku gyem algi, me Ndeyi manoti tong tilinku. Ei algihaftasi ta zina, 'yak kawaw gyem ndeyi ¹⁶ Uhe ki nabaku ruta kaba ndishe Yahaya. Jejum wonse go di dom, somos mene Ndeyi ishe wa'azu to, ke lei lo nginhu ka jrishe. ¹⁷ Me a ina kahuru ɓaɓa ki eli geɗasu ki ka lahai mama'e ɗole tong tureshi eni Ndeyi bo'i. ¹⁸ Lei lo na wusko namɗi, ketu so'ote a ishe aza, ke leilo iko babnok mandus wusanko teke aza. ¹⁹ Andi a dara moɗi yo zobko karei dei ki hetre ke si kolshe zei lei tamiya hawok darani. ²⁰ Ke andi a ɗonshu suni Lazarus yo zanko si bo dumnok dara, sime zugoni ngamnok morko, ²¹ wuro ndalte kine wo'oto a darai. Adinshe ndishe gelamfa morkoi 'e. ²² Ndino a ɗonshui suwani Taktaka nami mokini Ibrahim. A dara ke suwani a malini, ²³ ki tong yesi , seshe bone, hafta idanimoiko Ibrahim gyerak si ki Lazarus gyemani. ²⁴ Si hafta ɗolyani ta, 'Boti Ibrahim, ti jigyayino ko sarto Lazaru, ɗo si zob kolani tong ham zeno linsuno, ki ka ne sheshe bone tong yesi 'e. ²⁵ Ibrahim me lafni ta, lahno, diɓi ta ko biska ei zina tong deinonko dunya, LI'azaru me biska disak deino. kauso me si tong kola zei wonɗe, ko me tong bone. ²⁶ Shaf ki ka'a, andi wuyo gyera ke na'ako hotongmu ki koi, ki ka leilo na ndalangko dina gyemanku wonɗa Jowabu, ke an ngoi Jowa dutu won de gyemanku bu.' ²⁷ A darai anita, 'Ne ɗonsha koi, boti Ibrahim, ta ko sar sibanono- ²⁸ ki ka ne andi yagyenano baɗ-ɗo si elli kumasu, ne zuba kada nzuni dutu bei maito won bu. ²⁹ Ibrahim me anita, 'Zuni an Musa ki nabaku; nzuni kol nzuni ba.' ³⁰ A dara lafni ta, ka'abu, Boti Ibrahim, na ngo moɗi duko gyemasuk tong mato, nzuni wanglisu.' ³¹ Ibrahim me ani ta, 'Na nzu Ko langk Musa na ma nabaku bu, nzuni ke kola bu lei ngo moɗi hinɗak tong mato."'