¹ Kauso shaf ki ana biska ngalana ki ana zunhu ndishe kola Yeso. ² Shaf ki majiraku ki ana tureshi ngur ngu kan ni anshek zehe ta, ngoi woi biska ana zunhu, ke tishik nzuni." ³ Yeso isu eni tong cere bo ngamo wonse ta, ⁴ Ngo yiya hotongku, na si an temshi dalma na moɗi hawosu bo'ito, si de'ya biɓonu ki ɓonum tong riya, ɗafyo bo'ikoi kaba si weno te bu? ⁵ Na weno te, si zena ka muluni ishe kuyu. ⁶ Ɗo si deino bano, a esha shaf ki sha'eni bunji ki ana ka banonni, ashensu ta, 'ya kuyuk ne, ki ka ne wenkok temshino boiko. ⁷ Ne anshenku ta,ka'a ke a ina hetreck tili ɓaɓa ka a zunhu moɗi yo wangla, geɗat ko kugu ka ana ona jiredalma yon ndalangko tubi bu. ⁸ Ɗo ma mandus yiya yo an dogdo fam bimmaɗ, na yaktitko moɗi, te hinta yesi bu, te demati lei tiya tong bano kaba na te watkoi 'ye? ⁹ Na te watko,te asha sha'ento gumaya ki ana deino ka banonto,ashensu ta,'ya hetrek tillik ne,ki ka ne watko oyu no boiko." ¹⁰ Ka'a ke ne anshenku,andi kuyu gyem Taktakaku Ndeyi ka a zunhu modi wangleno. ¹¹ Yeso anita, "Ngoi moɗi an milla goraji bolo, ¹² yo mama'i ɗolei ankok bobi ta, bono, ono bo gyadono yo suba ɗeyi yono! si tikitik darani tintil su. ¹³ 'yanko sommoɗi shei bu, yo mamai boɗa shaf ki ei si andi ɗunin eli gyera, bei si yabtiti darani, bei keje ei zina bu ki ɗeino ngadar. ¹⁴ Ɗo si dukko shaf ki oyuni, kizi hinɗetu banas'e, si ke bolo an 'yai mo ɗi bu. ¹⁵ Si nduko biske dogonji gya ngoi elis moɗi,yo sarko si delteini dogzakuni. ¹⁶ Si kolshi zei tina her kulle dogzakui 'e ki ka an ngoi oni ei mo ɗi bu. ¹⁷ Ɗo si meno tong kelu ni, si ta, "Ngarunshe bono monoan 'yak tishi, ne'en wonɗe, kizi dugi no! ¹⁸ Ne wusa wonɗe ne go gya bono,ne anita, "Boti, ne itko zunhu dom ɓaɓak ki koi. ¹⁹ Suba eshene lah ko bu, matino moɗi hawok ngarunshenko ana ishe ko ruta." ²⁰ Lai maexi goni wonses 'e meno gyem bobi. Ɗo si gyera, bobi moiko si, jigyayi ngahini, nduko gyemeni ishe ni Ngabyak ndaltu. ²¹ Lai anita, Bono, ne iko zunhu dom ɓaɓak koi. Bolo eshe di ne'elah ko bu! ²² Boti anik ngarunsheni ta, mokati suɓa zina, zobni zugonni, ke zobani ɓoyu kola kolani, ki taho shekenni. ²³ Ke mokati lah kom kewenoi ngu kere mu. Ɗo mu 'e tishi zomu! ²⁴ Ki ka lah no matinni, me hinɗnni. Bo'inni, kauso wani.!Nzuni some kola zei ki zehe. ²⁵ Jejum woi lah ni na'ako tong kori. Ɗo si ndino nem ki banosu kolko ana arko ki ana wona katk damfe. ²⁶ Si esha moɗi hawok ngarunshebobidolsi ei hala. ²⁷ Ngarui ani ta, 'lah nonko meno ke boku kara lah kom kewenoi, ki ka se meno lahiya! ²⁸ Lai na'ako yastik tili, ku'uti rishe tong bano, kaba boti heteno ɗonsha si. ²⁹ Lai na'akom laf kok ta, sani mamaye n eiskenko ruta, ken damɓa daha uhen ko bu,ko ke ono lah oshin ei zomuk sha'eno bu. ³⁰ Me ɗo lanko woi meno, ngoi yabtitkok daranko gya monde ki deino ngadar, ko kereni kmm yo keweno 'e! ³¹ Boti ani ta, lah no, kok gyamano lieta miya, ke lei miyan andi yoko. ³² Iko zina mu 'e kuyu mu 'e zomu, ki ka benonko matinni hinɗi ni, bo'ini, me mu wani!"