¹ Woi hala hoti subdu, ɗo si ruko tong ban moɗik hawo mafarisaku ɗo si to wo'oto, nzuni kasa ni ido. ² Kaba an ngoi moɗi andi golla kebeshik zugo shafto. ³ Yeso dolko malumshe uhe Yahudaku ki mafarisaku. iko zina 'e darantu hoti subdu ɗoei bu?" ⁴ zuni ye'etansu. Yeso ngatko ngoi, darintini, wus si go. ⁵ Si ansu ta, ngoi yiya hotong ku na an lah nama kom yo ngata buze hoti subdu a hada bu?" ⁶ Nzuni gitangko lafsheni ei moɗi bu. ⁷ Ɗo Yesomoiko biyai eshonoi kato moya bei ɗeino bei tishi, siansu cere bo ngamo, anshensu ta, ⁸ "Na wundan ko nguni babno, ngu ɗeyi bei ndeno ana nama kaba ka bu, ki ka kadan ngoi wallinko ke eshani. ⁹ Na ngo esha nguni ndino, si ankota, "oni bei ɗeino wonse ngo woi 'e 'ki ka kawa ko de'ya beis ko ɗeyi bei ɗeino eli. ¹⁰ Me an eshanko kom, duk ɗeyi eli, na ngoi eshekom ndino, si anko ta, zabno bunnga, nditi ɓaɓa ki wonɗe ko an nama ka gyem biyai eshanoi nzuni. ¹¹ Ki ka ka'a leilo na hafta kani a yautini eli, ke leilo urtak kani eli a haftini." ¹² Yeso angok ngoi esheno si ta, "Na ko onshebiya wo'oto biya k wunde zadki bungabu hetu be nonko, yagyanako, ana ɗeino ka banonko, na ma sha'enko ana dara bu, ki ka nzuni ke eshakoi bei yosu ɗo tuhe koti ¹³ Me na ko esha tishi zomu, wunditi ana mure, kudau, ki makumshe, ¹⁴ Ko wena barka, ki ka nzuni gita tuhe ko bu. Me a tuhe koti hoti hinɗa ana jire. ¹⁵ Ɗo ngo moɗi deinok Yeso bei tishi kolkoei mamaye, si ani ta, "Ngo a tina tong mene Ndeyian barka!" ¹⁶ Yeso me anita, "An ngoi moɗi esha tishi zomu i ngoi nak' ke eshetu algi shei. ¹⁷ Ɗo ramtanko lei miya, si sarko nguru anik biyai eshano ndati 'yanko lei miya ke.' ¹⁸ Nzuni shat someona eni. Yo tono Ne kaja kori ɗ on gon moi tu. ¹⁹ Moɗi ani ta, "Nen kejeno kom bimmaɗ, nen gon kabta nzuni ino habri. ²⁰ Moɗi ta, 'Ne ino babno, ki ka ka'an nen gita dishe bu.' ²¹ Ngarui ndino anik a banoni ei woi'e. A banoi yabtiko tili ani ngarunni ta, 'ndu marei ka bille tong gyabani ki lei ta miya mokti ana mure, kudau, makumshe, ki an wale! ²² Ngarui anita, "Abano, ei ko anan itko, har kauso andi bei deino. ²³ A banoi anik ngarui ta, 'Dui bille ki huhuɗabille ko wori algi nguti ndutui, ɗo ngam teno banonon. ²⁴ Ki ka ne anshen ku, shaf ki biyai eshano bo tonoi a damɓa wo'otoi bu'" ²⁵ Algi shei marshek si, si wangla ansuta, ²⁶ "leilo na ndino gyemano ke ndalta ne'e ka bobi, noni, man'i, millani benoni ki minoni- ka'a, ki zauni- si ɗeya majiriniobu. ²⁷ Lei ngoi yi ya na namko nam shoho longko ɗaf ne'e bu a gita ɗeya majirino . ²⁸ ngo yi ya hotongku, ndo sala banoi zina, a ɗeya mas oyuni bu ta ko si an oyu yo takati salis'e? ²⁹ Na ka'a bu, na si zalko me taka bu, leilo na moiko inn yok ɓokshi ³⁰ ansheni ta, 'Ngo woi zalko sali me gitko tike bu.' ³¹ Ɗo ma na maiyiya, na si goni kesik mai yoto, si algi na si an ana kesi dalma bimmaɗ ka dalma bimmaɗ a giti washik mai dino washik si yo an a kisi dalma ka dalma? ³² Na ka'abu, ɗo a kesinigyera, si sar biya ɗo ɗonshe billa deino lahiya. ³³ Ki ka ka'a, lei ngoi yiya hawotku yo deiko lei miya bu a ɗeya majirino bu. ³⁴ Manda zina, me na manda yaɓtito, a ramta te lolo? ³⁵ Te an ruta jo bu lei tong kori . lei gezgo, kaba dei yarɓa te. shaf akumo kolshi koli."