¹ Jejum woi, biya ma'ato anani somok Galilawa yo Bilatus gomta domsu ki 'yak onom Ndeyi. ² Yeso lafsu ansu ta, ''Ngu ɗibshe ta Galilaku mamaye 'yanko zunhu geɗat ko so galilaku ma'ato ki ka nzuni sanko bona ka'a ɗo? ³ ka'a bu, ne anshen ku. Ta na ngu wanglenku, shafkun boehei kit zuni. ⁴ Na ɗo me biya dirbolo yo siluwam yo sali ngeteno duko nzuni, ngu anshe ta zunhunsu geɗatko algi ma'ato tong Urshalima ɗo? ⁵ Ka'a bu, ne anshen ku, na ngu wanglano bu, shafku ke ngu matitku. ⁶ Yeso ansu di cere bo ngamo wonsese, "Ngoi moɗi kah roh gudbi tong ni ke si ndino ɗo we leinto si wa bu. ⁷ Ngoi anik a moya kori ta, 'hi moyi, sani kunu kauso ne gyala ɗon wor lei ik men wabu. Datkitik te. Ki ka te ngamtitko tong kori 'e?' ⁸ A deita kori anita, 'wus te milase ne ramtitik zugonton kasto di gyezgo. ⁹ Na leiko lah sani issno iko zina, me na ka'a bu adakinto!"' ¹⁰ Yeso takok shutansu tong ban Ndeyi hoti subdu. ¹¹ Kaba mandu so'oto yo sinkau maitate sani dirhorɗo, te kubati gishe hinɗa irno bu." ¹² Ɗo Yeso moikote, si eshe te an to, "mandu, shi darishek golla shi 'e." ¹³ Si za saranni kato, e ka moya ta hinɗ toerno te some nama ka Ndeyi. ¹⁴ Me a mene ban Ndeyi yabtitik tili ki ka Yeso daranta mandus hoti subdu. Ki ka ka'a si anik algi ta, "Andi sommoɗi ba'ashio moɗi yo biya ishe ruta. Ndati ba tong sommoɗi mamayeiku name, hoti subdu bu." ¹⁵ Bomu a bano lafni anshe ta, "A na bolo!Nguni bide korokku moksho name kom ku bu ngu mok nzuni bo ham hoti subdu bu ɗo? ¹⁶ Ka'a ke baɗ Ibrahim wonse, yo sinkau ngarin to sani dirhorɗo, a wus te tong ngarno to hoti subdu? ¹⁷ Ɗo si anko ka-a, shaf ki ana gahak si 'yansu kawa, me shaf ki algi kato kuyu ka 'yak nama ka si iko. ¹⁸ Yeso ani ta, "A kabta mene Ndeyik miya, Ken kafta tek miya? ¹⁹ Kit ela shirka ngoi nam ko olsi tong, te hinɗa aya kit ro, rayinshei ɓaɓa ndino ramako bi su ka ma'an to." ²⁰ Har kauso si anita, "Nen kabta mene Ndeyik miya? ²¹ A ɗeya kit yeast yo mandu namko kas ko hafti a juglate te ruto lei tiya tong hafti ɗo hultu." ²² Yeso nduko gyabani ki gyang-hare ɗo si ka bille gon ni Urshalima. ²³ Ngoi moɗi anita, "Bomu a bano, bigai yo wangui shim ɗo?" Ki ka ka'a si ansu ta, ²⁴ "sura idan ku ngu rok bo duɓno kaseno, ki kana, anshen ku, algi shei ndala rishe, me gita rishe bu. ²⁵ Na bosu a bano bo duɓno, ngu era kori soma goha bo duɓanos anshe ta, "Bomu a bano, wus ehe mu bo.' dubano Si laf seshe, 'Nen man nguni bu nama beis ngu ndano.' ²⁶ Har kauso nguni ana ta, 'mu tanko ki sheshe domkoke ko shuta ka bille tong gyabanis mu. ²⁷ 'Me si ta, 'Ne anshenku, ne man nguni bu name nama beis ngu ndano. Ndatku gyemeno, ana ruta disa!' ²⁸ A wonɗe andi bele ki ata udo ɗo ngu moyanko Ibrahim, Ishaku Yakubu ki shaf ki nabaku tong mene Ndeyi, nguni me kori. ²⁹ Nguni ndutuk bo jeni, bo zoni, bogudi ki bo haushi, a ɗeya be'i tishi tong mene Ndeyi. ³⁰ Man moyai biyai tona mena bei, biyai moishe nzuni kit yo 'yabu deisu manakshi. ³¹ Ki bei woi, mafarisaku ma'ato ndano ani ta, 'Hinɗi ko wus wonɗe gyaro Hiridus ndalo duginko. ³² " Yeso ta,ndui anik adai riya, 'Tan, ne ho'oshe maskaku ken darante kutek ɗoshi, bei sommoɗi kunu netatik rutano.' ³³ lei 'yanko lolo, kaba na ni iko ruta kute'e, ɗoshi, ki tuha, ki ka iko zina bu a duginabi gyerak Urshalima. ³⁴ Urshalima, Urshalima, ana dugya nabaku ke olshe ana sarnik gosho. Ka mono zofko tili daha nguni kit yo yabi daha millanto tong ma to, me suba iku ka'a bu. ³⁵ Moya, wusanko kobanonku. Ne anshen ku, ngu moya ne'e bu kaba na ngu ananko ta, Ngoi ndino tong sun Bomu a bano an barka."