¹ Kauso me wa'adi so tonos an bile yo nama ka Ndeyi ki banoni so dunya. ² Me ban Ndeyi ramteno. Bi yo tono, a hawonni a zese yak erta yesi, ki tebur, ki sinakir, a wonda bi'ita beis buno. ³ A bei labule yo bolo andi bi yo'oto,a wunda si ta beis buno sosai. ⁴ An bagadi so zinariya yo boka aturshe. andi akoti so wa'adi, yo gulaitani shaf ki zinariya.A hawoni andi kele yo zango manna, ki zawa Haruna yo iko tulo ki allok gosho bolo so wa'adi. ⁵ A dirik akoti so wa'adi, an kelu keribaku yo ana danka hanik kelu a ka'yak hena bodumbi yo kaiso mu gita anch modi modi bu. ⁶ Ki bei yo ramtankok karai woi e, mallum Ndeyi a eishe a tong biyo bobo yo Ndeyi ka modi lei sanis siya a itu rutan su. ⁷ Me kaba mallum Ndeyi yo na'ako a irshe tong sani, me ke wara dom dabba bu, yo a ona aka zunhunni ki so algi zunhu zo' yakok ene bu. ⁸ Kelui Bu'uno tamko ta billa yo dishe a tong ban Ndeyi so bunno sosai donga tamagko bu da shike ban Ndeyi so bo tono anto erno. ⁹ Woi tamya so somodi yom hawonni shaf ki onom ki hadaya so kausi ishe a ngamta eyo tili a kabeshi daloi bu. ¹⁰ Zuni damtakok tishi ki she si ki shaf ki karai onzi so bubɗa karai . Woi me tada so zugo yo zanko ka fui uhe yo hoyo a teɗetu. ¹¹ Kiristi dino kit mallum yo na'ako yo ei zina dino. si ruko a tong ban Ndeyi so wallitko ke zina so' yanko tek sarak biya bu, modi yo yanko tek tong Suba dunya bu. Me Kiristi dino a kusa mallum yo na'ako ei ziina yo isno. ¹² Me ka ki dom okunshe ko milla kinnaku bu, me ki dom yo kani si ruke tong bi yo buno ka modi ki ka shaff ki algi ɗo omu wangu yo an bo ernoni bu bo ernonni bu. ¹³ Name dom okunche ki yo komshi ki kasa kuto so la kinna a ka biya yo yabtanko kasu ki zunhu ke a bushentik zugonsu. ¹⁴ Me balei dom Kiristi, woi ki gem kelui buuno yo an bo ernomi bu ongko kani a hadaya ka modi yo an leihe bu a gemNdeyi, yo bushe tilimu a ka ruta mui disa ki ka ɗomu e ruta Ndeyi a zau? ¹⁵ Ki ka woi me, Kiristi si ne a gomta munik wa'adi yo hoyo. woi me deiko ka'a, Kiristi ne gomta wa'adi so hoyo woi deiko me do si e mato so wanga biya yo elelik wa'adi so jero so ladak zunhu su, ki ka biya yo Ndeyi esha zuni do biske wa'adi ki gyadosu an bo ernoto bu. ¹⁶ Me na yo'oto tura eyo tong tili zatko dole ne biya e rutak tureshinis e nasi matini. ¹⁷ Eyo tureno a ka karai gyado a ina ruta do na ngo yo turai matini, kika a ina ruta bu na ngo yo turai annik zauni. ¹⁸ Ko wa'adi so tonos ma dimko bu wara dom. ¹⁹ Ki bei yo Musa ogko shaf ki uhe yo tong sharya ki shaf ki biya, si namko dom' yo mila kinna ki yo okunshe, ki ham, ki gebgai dei, ki izop yabra aka biya ki lalauna so uhe shaf ki biya. ²⁰ Nami si ani ta "Woi ne dom wa'adi so Ndeyi ogko ku." ²¹ Kit shida woi e, si yaresa ye'e aka ban Ndeyi shaf ki shoko yo iko rutak si. ²² Shida yo uhe anko, tim ki karai ye a bushe zuni ki dom ye'e. Wara kasa dom an yaho zunhu bu. ²³ Ki ka ka'a a deyin ndole karai a shutante eyo tong ɗaɗa a budinsu ki hadayak baba. Shaf ki ka'a karai yo tong baba a budinsu ki hadaya so wallikok zina. ²⁴ Kiristi ruke tong bi yo wallikok ko yiya ki buno yo me salankok sara bu, yo shutantu yo jire. Ki ka ka'a si ruko a tong baba si gudakani, si tamko kani a guem Ndeyi ki kammu. ²⁵ Si duko a be'is me ta do si onkani ka tim bu, kit yo mallum Ndeyi yo na'aka a ishe, a rishe, si yo rishe ban Ndeyi be'i so wallitkak bu'una sani modi- modi dabba. ²⁶ Na ka'a me eyo hele, me ɗeyito ndole si se bone ka tim ki alsi dunya, me kauso ka modi a tekteke somodi a namtik zunhu kika ona kanni a hadaya. ²⁷ Ko ngoi yiya ɗatani mato ka modi, ki bei woi me sharya isno. ²⁸ Ka'a ke Kiristi, yo onako si ka modi hir, ki ka ɗo nam zunhu biya tim, a tama kaniƒ yo ka bolo, me a ka ruta yo tuba zunhu bu, mek ka wanga biya yo a geshe mesheni ki habri.