¹ Kika sherya hoto zinak ei yo isno, tinsk tono ei maye bu. maye yo ishe nem ki Ndeyi a damɓa ramta ki ga sadka yo malumce ana ruta ban Ndeyi onshe sani ka sani. ² Na ka'a bui me, a wustik ona sadka ba? A ka lamar woi, be i yo budankok zuni ka moɗi tak ki ana ɗonshu a manta ta miya zunhu bu. ³ Me sadka deyansu ndibanak zunhu sani ka sani. ⁴ A ina bu dom komshine ɗo okanshe a kashentik zunhu. ⁵ Jajum yo Kiristi ndino tong dunya,anko, "ona dom ki sadka a moktu kalou bu. Kika ona dom. ⁶ Ko kuyu kika ona dom yo bokno kika zunhu. ⁷ Nen angko, moyi, woi ne'en ndino ne e ei ko ndalo. Kit yo turanko a kanno. ⁸ Botono anko ta, ''An ona dom, ko sadka ko sadka yo bokshi ki zunhun ko ndabu. Ko kolshe zeisu bu." Mamaye zunine sadka so ko onshe kika sherya. ⁹ Si anko, "Woi ne'en ndino ɗon rutante ei ko ndalo." Tabintikkok rutai tono ki bo ɗo be rutai yo bolo. ¹⁰ A ruta yo bolo, zamu sara gyem Ndeyi a tong tungu ki ga sadkai zuk Yeso kiristi gobshi modi a sauhedi. ¹¹ Lei a rutai ban Ndeyi yiya a erno lei tamiye kika ɗo e ruuta ki Ndeyi. lei tamyi a onshe sadka asarei moɗi, shaf kika ka'a a damɓa zunhu bu. ¹² A billei yo'oto me ,Kiristi onko sadka ka moɗi tol kika zunhu anboerno bu,Ndeyin a tong saras tina so Ndeyi. ¹³ A geshe a matiti ana kuɗa si a elelik shekeni. ¹⁴ Kika sadka wonses moɗi matimu ga mamaye yo onankok kasu ki Ndeyi. ¹⁵ Kelui Bu'uno tammuti. Yo tono anko, ¹⁶ ''Woi nama wa'adi son ina ki zuni ki bei sommoɗi woi Angkoi Bomu Abano: Nen zoha uheno a tongb tilinsu, me ken turati a tong zugonsu. ¹⁷ Moishe angko ta, "Nen sawedi ndibna a ka zunhusu ki tim linsosu bu." ¹⁸ Kauso shaf be'i na wanko yahu aka mamaye 'e, anandi sadka kika zuhu bu. ¹⁹ Kika ka'a, yaganakuno, mu anandi ngete bo geba rishenku wonɗe ki tong dom Yesu. ²⁰ Woi tene hoyok biile yo ehemu guzur yo gobshe bo dumɓi ki tong zugoni. ²¹ Mu anandi nakkok malum a ruta ban Ndeyi. ²² Ndeti mu'e nem ki tiliy zina, ki garyanak bo geba tong ona jire, ki tilimu yo a bu'ushe ki tong disak dibna, ki zugomui bu'uno ki ham yo zina. ²³ Ngahamu ki geɗo tamyak ona jiremu an didide bu kika Ndeyi yo nam ko ngara eni, andi jire. ²⁴ Mu'e hagkali yo mu hafta nzehe ki ndaltu ki rutai yo gomno. ²⁵ Mu lakɗe zuni ki nzehe konta yo madɗi ishe. Kika ka'a, haftamu zehe lei tomiya,kit yon moishe isnok hotis e' ²⁶ Name mu tishe dom ki zunhu e' ene kayanko eni mu wankok jire bu, sadka arei zunhu woi a weshe bu. ²⁷ A bille ka'a kaba ngeshentik bo geba nakok zuba bone, ki yesi so yam, a hotik ana kuɗa Ndeyi. ²⁸ Shaf ki ngoi na kukok ɗaha uhe Musa a maita an jikyayi bu ki gem sheida bolo nama kunu. ²⁹ Shida bones siya a tamak ngoi na ɓoko lah Ndeyi. Lei ngoi yiya na tuko dom ki nama ngara eni kit bu'uno bu, ki ygem dom woi ne zani sara ga Ndeyi - zuni yo onanko bonek ei bu'unok zina. ³⁰ Kika mu manankotik ngoi anko, ''Dokgui yono ne'ne ina tuhe ki bei ka'a, Bomu Abano a ina sheryak biyani." ³¹ 'Yak zubane a ngete tong sarak Ndeyi so an zau! ³² Me ngu e dimbna ka sommɗi bei jajum sok wanko hetere, kit yo ngarako tili ka na'ako bone. ³³ Onanku kawa dom biya a tong hubli ki yaklu wena kawa, ngu ka sena bone arei yo madik ranko hawoto. ³⁴ Kika ngu anandi jikyayi biyaiyo a tong rono, ki kuyu ngu yardaku ki wora daraku yo 'yanko ngu dahagko ei zina. Kika ngu kolanko jikyayinno jajum yo tong rono. ³⁵ Ki bo ka'a bo gebanku getebu andi nako barka. ³⁶ Ngu ndalanko habri ngu biske ei Ndeyi ngarko ki bei ei ngu rutagko tugguni. ³⁷ ''A tong mama'i sarti, woi isnoi e isno an yabtuk sarti bu. ³⁸ Ngo na yo zina a wallini kika ona jire. Name manni ki bei, nen ina kuyu ki si bu." ³⁹ Me muni tongko maye yo mansu bei tong bo'yoi bu. Kika ka'a, mu tongko ana ona jire kika zena kelu mu.