¹ Ona jire tene ei yo mu geshe. Tene ei ido moiko bu. ² Ki gamteno dikancemu wankok yardu Ndeyi. ³ Kika ona jire ki mantumu ki uhe Ndeyi, harma ki eiyo a moishe angko zuni bi. ⁴ Kika jire Habila onko sadkak Ndeyi so wallikkok zina ki so Kayinu. Kika ka'a kunnanko si ngoi zina Watkok tili moɗi. Ndeyi namko kanni aka sadkak so si onko. Kika ka'a me har kute'e, Habila eni shaf kikai ka'a kaya matinni. ⁵ Kika jire namanko Anuhu ɓaɓa moiko mato bu "Wangko si bu kika Ndeyi namini. "Boɗo namsi tamanko ta si iko ei zina gyem Ndeyi. ⁶ A ina yam nako an onajire bu ko namka Ndeyi. Kika shaf ngoi na a nditu gyem Ndeyi kaba na onko jire ki ɗeinonni, me si a onshek shaf ki ana barta si. ⁷ Kika jire Nuhu, biska dindok ki ga Ndeyi aka lamar so moyanko bu, a tong manekshi ki zubau redyli, ramte gerei ham ɗo walte ma banonni. Kika ka'a me Ndeyi damatkok dunya,Nuhu gaɗa jire yo tong ona jire. ⁸ Kika ona jire Ibrahim, jajum yo wundanko si ɗafko junni be'is a biska gado. Hata man be'is so gonnibu. ⁹ Kika ona jire ɗeiko ngerho a elik ngara eni. Ɗeiko tong bi Ndeyi ki Ishaku ki Yakubu, ana gadok ngara eni moɗi ki si. ¹⁰ A ban eli se elis so an a sulalei Ndeyi a manta tei Ndeyi bu a kurete ki eli si ne Ndeyi. ¹¹ Kika ona jire, Ibrahim, wa le'i shaf kika si ki man i' Saratu guda kato, ndasu gera tong sani, me saratu wallikko jajum Le'i, me Saratu korol zuni onankok jire ka su, yo ngarsu eni aka lai yo a onsu. ¹² Kika ka'a ki ga ngo moɗi, kit yo si matano ne'e, le'yanko shida tim 'yansu tim kit janjay ɓaɓa kit yaya abo haushi, yo a masnibu. ¹³ Shafsu matansu a tong jire andi biska ngara eni. Kiak ka'a, zuni moyanko ki ngera 'yasu lalei manankoti zuni ngerhahi nen ana marshe tong dunya. ¹⁴ Maye yo 'yanko ka'a tamanko hali ta zuni barta elik kasu. ¹⁵ Zuni dibnak elis so zuni hatanok hawoto, kana wanko ze ki meshe . ¹⁶ Me kika ndalanko elis so zina bu, so te a ɓaɓa, kika ka'a nen Ndeyi kolko kawak wunda si ta Ndeyisu bu, ramtitko eli bo yo su. ¹⁷ Kika ona jire nen Ibrahim, jajum yo kabtanko si, ɗo tam Ishaku lahni sadka. ¹⁸ Sine lani medi, yo 'yanko ngara eni ta "Ki gani nen wunda shidanko." ¹⁹ Ibrahim iko dibna ta Ndeyi andi geɗok habta Ishaku ki tong ana mato, ka'a ke'e a ana mato a biska si. ²⁰ Kika ona jire nen Ishaku angko barka ki Yakubu ki Isuwa aka ei isno adom. ²¹ Kika ona jire nen Yakubu iko ɗonshu deino zuk zawani. ²² Kika ona jire Yusufu, jajum yo bo ernonni inni nem, iko eni aka hete milla Isra'ila ki tong Masar ansu har ka osonsu ²³ Kika ona jire Musa jajum yo le'yako si,ana le'ini bungkani mokkok tere kunu kika si lai zina, me zuni kolshe zuba uhek ma'i bu. ²⁴ Kika ona jire Musa jajum yo ayinni kuko a wude si ta lah bad Fira'auna. ²⁵ Kika si angkok kanni bo sena bone ki biya Ndeyi, aka si kol zei zunhu so mama'ik sarti. ²⁶ Maitikko ta bone kika ɗaha Kiristi nakkok woi wallikko darai Masar. Zofkok idani aka onom yo dom. ²⁷ Aka ona jire Musa deino Masar. Kolko zuba yabtuk tili ma'i bu, ngarkok tilini kit ngoi a moishe ei a gita moishe bu. ²⁸ Kika ona jire iko sadka talshu ki yara dom, kika ɗo tunge millai bo tono a sab millai tono yo Isra'ila bu. ²⁹ Kika ona jire talshako haushik baharmaliya ki eli hoi'no. Jajum yo Masaraku ngaranko geɗo ɗo talshe bahar te ɗalinsu. ³⁰ Kika ona jire sali Yariko ngatanni, ki bei yo kuranto har yo sommoɗi babilo. ³¹ Kika ona jire Rahab kilaki dugankote ki ana mure ona jire bu, kika urta ana hoda asir eli a banoto, me te wusinsu lahiya. ³² Me muana ta lolo? Sarti kasino nan ina eni aka Gidiyon, bida samson,Yafta, Dauda,Samaila ki nabi. ³³ Kika ona jire tanko duro aka eli, 'Yanko ruta nami zuni biske ngara eni. Hangkok bo turum. ³⁴ Dugankok geɗok yesi, walansu ki renɗi, daransu ki tong yaklu lahiya, ɗeyansu ana kineshik kesi tankok duro ka dahik ana kesi ana mure ɗaha Ndeyi. ³⁵ Monde biskanko sha'en sui matanko yo haftasuk tong ana mato. Onanko bonek madɗisu, bartanko walta kasu bu kika a zobshe tili ka hinɗak tong mato. ³⁶ ma'ato 'Yasu ei disa ki jibo, ki jire har ki yakla ki rishe ban rono. ³⁷ Sodtanko zuni.tikanko zuni bo bolo ki girzago. Duginsu ki renɗi. A gesyo ke zobnok ɗishi temshine ki yo barkaku, 'yanko dato, kika jekansu, sanko bone. ³⁸ Dunya namko zuni bo 'Yabu.'yako gesyo a jazza ki gosho Ki gurga ki wuyo. ³⁹ Shaf kika ka'a biya maye anan jire ga Ndeyi kika ona jire su, biskanko ngamta ngara eni bu har kauso. ⁴⁰ Ndeyi ramtikko ei zina, yo a ngama bu kaba ki muni.