¹ Kit yo mu kureno ki arei woi manatkok kanni dahik tamya eri mu laktiti shaf ki ei miya yo damta muni ki zunhu so kauso a jeka mu. Eri tong babri mu e kikiyano yo dommu. ² Eri mu kas idamu gyem Yeso, si ne botonok ona jire ki ngamtunto. Kika kuyu yo zanko dom nizatkok tilini ka lonku, me ikok habri waglasi ek kawa bu, me si a ɗeino sarai tina Ndeyi. ³ Mo ya si yo ngarkok tilini ki ana unuk hawo ana zunhu, kika kada ngu to i'bu nama ngu urtitik zugonku. ⁴ Ngu 'Yanko erno ɗo ellu ka zunhu har mokno kasa domku bu dongo. ⁵ Nguni me ngu montankok barya yo 'Yanku a ɗeinok milla: "Lah no, ko nam uhe bomu abano ki goyou bu, ko mek bei bu jajum yo ko wa maitoni." ⁶ Kika bomu abano a ishe maito shafki maye yo biska. ⁷ Daura tong bone a sauwa maito. Ndeyi ishek nguni kit mila ni, kika ngoi yiya bobi ini maito bu? ⁸ Me na ngu anandi maito bu kit kine biyai anandi si, ngu ɗeyanku sikla baya milla bu. ⁹ Ka'a me e kit yom anandi ana lei dunya yo a ishensu maito, me mu anshensu darja kaba mu ek Bomu yo bu'uno mu dahi kika mu wali bu? ¹⁰ Ki billei yo'oto ana le i'mu ishemu maito yo sommoɗi shim kit shida yong moyangko ngaminni, me Ndeyi ishemu maito kika maitanta. ¹¹ An maitoi zai bu a Jasum isheni. Me kaba yam, me ki bei ka'a a lei shentik milla yo bu'uno ki jire shaf ki maye yo bo'onko a hawo. ¹² Kika ka'a kaba ngu hafta saratku yo a zankai zarei, ki burunku yo a didide. ¹³ Ɗaha billei ɗimno kika ei na kudau tinni kada dahinni me ɗo kolwe. ¹⁴ Ndalta ɗeino lahiya ki leilo, me sommoɗi bu'uno na andi si bu an ngui a moya Ndeyi bu. ¹⁵ Ngu mate hankali kada moɗik hawokku yaklitik, barkak Ndeyi, me kada har ei ɗaɗatu hetetu ki hawokku har a le'i'titik hitna, kika kada shei ki hawokku a ɗabtisu ki gamni. ¹⁶ Ngu e hankal me a ye ana aza ko ana mure ɗafsha a hawotku bu, kit Isuwa, kika wo'oto boitikkok na'akonni yo lai botono. ¹⁷ Ngu manankoti ta jajum yo iko dulam a geɗe barka dom, kuɗani, kika waɗo tube dom boti, shafki ka'a jouwa har ki yelu. ¹⁸ Kika ngu nɗano ga gosho so a sabshe si bu, gosho so a tishe ki yesi, ki tutuɗu unuk olyo. ¹⁹ Ngu ndano ka ɗolya ɓalu yo goha hankali ki ɗolya so goha hankali bu, ki ana kolshe 'yanko ɗonshu zuni koldi bu. ²⁰ Zuni gitan ngara tilinsu ka ei 'Yanko uhe kanni bu: "Lei dabba na sabko gosho, sei a sosottete. ²¹ Yak zuba yam, Musa ta,''Ne kolko zuba yam har ne zubo." ²² ki bei ka, a ngu ɗeino ga Goshok Sihiyona ki banoi na'ako Ndeyi yo zau, me yo Urshalima ki baba, me ki dalma - dalmak taktakaku tong kuyu ki heterek hawo. ²³ Ngu ndano dahik shaf ki millai bo tono, tureno a ɓaɓa, me ngu ndano Ndeyi sine alkali lei miya bu,uɗanko. ²⁴ Ngu dano ga Yeso sine a tintil hoyok ngara eni me ga dom hita yo eni wallitkok dom Habila. ²⁵ Mata hagkali ngu kud woi bu yo ishenku eni. Na har zuni walanko na 'Yanko shana ki yo isu barya a dunya bu, muni make mu wala bu namu kuɗankok wiyo ishenu barya ki ɓaɓa, ²⁶ A jajum yo'oto ɗolyanni didantikkok dunya me kauso etkok ngara eni ta" Har kute'e dunya moɗato ne didanta bu, me shaf ki ɓaɓa. ²⁷ Eni woi, "har kute'e, "shafta maye yo a didanta ei yo le'anko, kika eiyo adidanta bu zuni ɗeyi. ²⁸ Kika ka'a wena mene yo a didanta bu, kaba mu ɗeyi ki kunnu, me tong ei mu ek Ndeyi tong ɗaha Ndeyi ki mene yo si a ona na'ako. ²⁹ Kika Ndeyi mu yo si bokshi