¹ Eri ndaltu yaganatku to dom. ² Ngu monte ki biska ngerhi bu,kika ishe ka'a, madɗi 'yako lalei ku ki taktaka andi montusu bu. ³ Ya dibna ki maye yo a tong rono, kit ngu zuk zehe tong hali ⁴ Lei ngoi yiya an nakko babno, eri me a e bu'uno ke indik babno,kika Ndeyi sheryanta ana azah. ⁵ Kada hankaliku ɗeyi ka ndaltu oyu bu. Habra ka eiyo ngu anandi,kika Ndeyi guda kanni anko, "Ne andi 'ya nguni bu, meken yakta nguni bu." ⁶ Eri ɗo mu ɗeyik habri kika ye geɗok zugo ta, ''Bomu Abano a shata ne'e; nen kola zuba bu. koi ngo a ino miya?" ⁷ Ngu mate hagkali ka maye yo a ishenku mene, yo shutantanko nguni tong eni Ndeyi me ngu mate hagkali ki sommoɗisu, ngasa ona jire su. ⁸ Yeso kiristi moɗi ne a zono ki kute'e ki har abadina ⁹ Kada ngu tabe ki shutui bam bu, ka zina tili sali tong tilitku, me kika uhe ka wo'oto bu maye yo kuɗankok temaka maye yo kuɗaɗinsu bu. ¹⁰ Mu anandi ngeteshik bo geba bu kika maye yo a ruta ban Ndeyi anandi mene zuni toi kanni. ¹¹ Nakkok malum a rishe beis bu'uno ki dom akunshe yo karanko, sadkak zunhu, me lansu a mok shenti beibano a bokti. ¹² Kika Ka'a Yesu sike sa bone a bo dubnok rishe tong bana kika bu'unok biya ki gem dom ni. ¹³ Kika ka'a eri mu go gani a beibano namno ki kawanni. ¹⁴ Kika mu anandi banoi nako so a wuye bu a wonɗe. Bei ka'a mu barta banoi na'ako. ¹⁵ Ki gemni me lei tomiya mu on sadka so kunna Ndeyi, kunnui sine eni bomu yo a marshe ka suni ¹⁶ Mu monte ki ina jire bu ki habta her ngauɗok zehe, kika Ndeyi kuyu ki a rei sadka wonses 'e ¹⁷ Ɗahai ki ona katku ki ona menenku, kika zuni ruta kulana ki nguni ki tong kuyu, ki yabtenok hawo a iku uska bu. ¹⁸ Ngu i mu ɗonshu, kika mu onankok jire mu andi zugo yo an bukdo bu, me andi zoha tili mu e sommdi yo zina tong lei miya. ¹⁹ Me ne onshenku gedok zugo shafku, kika ne wetu meshe ganku kalau. ²⁰ Eri Ndeyi a ona ɗeinok lahiya yo jouweno a nakkok a ɗeyik temkaku ki tong ma matno, Bomu Abano Yeso Kiristi, eri nama ka ɗeyi kanni Amina. ²¹ Yo dahinku ki lei miya yo zina kika ngu rute ei si ndalo. Eri e ruta hawommu yo a gomniti yam. Ki ga Yeso Kiristi, eri nama ka ɗeyi gemani. Amina. ²² Yaganaku, kauso dei ne onshenku gedok zugo, ngu daure shim eni ona geɗo yon tureku. ²³ Nennda ngu mantiti ne wusikok yaganammu Timoti kisi ne dutu ne moi nguni nan ndino kalou. ²⁴ Ngu lakɗidi ana menenku shafsu, ki shafki ana ona jire. Yaganaku ki Italiya a lakɗa nguni. ²⁵ Eri ɗeinok lahiya ɗeyik nguni shaf ku.