¹ kauso eyo mu anoshe ta woi: mu abadi mallum Ndeyi yo nako si ɗeyin a saras tina a ka jakɗa mene a tong ɓaɓa. ² Si Rutei a beis buno, ban Ndeyi so jire so Bomu Abano, me ramtai ngo bu. ³ Lei ki mallum Ndeyi yo na'ako a ishe onom so kasa dom. Ki ka ka'a suba me we yak onom ki kasa dom. ⁴ Kana Kristi a tong dunya, a deya mullum Ndeyi bu, ki ka andi anna ona onom shida yo uhe anko ki ka andi a na ana onom shida uhe. ⁵ Zuni a ishe ruta a tong ban Ndeyi kelu eyo hele a ɓaɓa. Kit shida yo Ndeyi 'yolla kuma Musa a somodi yo a goni sala ban Ndeyi: Ndeyi ani ta, i'lei einiya kit shida yon taminko a ka gosho. ⁶ Me kausi Kiristi biskeno ruta yo wallitkok zina. Si me a tintil yo zina a tong wa'adi, so yanko a ka wa'adi so zina. ⁷ Me na wa'adi so bo tonso disa bu, me an amfaani bu a e wa'adi so ka bole bu. ⁸ Do Ndeyi wa leihik biya, si a ani ta, "Moyai, somodi isno Bomo yo tong ɓaɓa ansheta ta Don ona wa'adis hoyo ki ban Israila ki ban Yahuza. ⁹ Me ɗeya shida wa'adison ikok dikensu bu a hoti son ngabko sarasu no mok zuni a hak elik Masar. Kika zuni tanko dom ki wa'adin no bu, Ne ken wusinsu Bomu yo tong ɓaɓa anshe. ¹⁰ Woi me wa'adi son i'nka ban Israila ki bei somodi woi e ta Bomu yo tong ɓaɓa gonno uhe no a tong tilinsu, me ken ture uhe a tong tilinsu. Ne deyinno Ndeyi su, zuni ke deyansu biya no. ¹¹ Zuni me a shutantak biya yo banansu bu ko bainchensu, a ansheter ta, ''Mantatik Bomu yo tong ɓaɓa.'' Ki a shaf su a manti no, ki zuk yo mama'e godi gem ana'ako shatsu. ¹² Me no kola jikyayisu a ka ei disa yo zuni rutanta, nemem ke men zumadi zunhusu bu sam sam.'' ¹³ A ansheta "hoyo,'' si matit ko wa'adi so tonso a jero, me ke eyo somodini gydanni geɗanni ke inni jero kene shim a bo'inni.