¹ Woi me Malkisadek, mai Salem, Mallum Ndeyi yo Na'ako, si do gomik Ibrahim do isono meshek kesi yo keroi ma inshe si zobni barka. ² Ibrahim oni modik tong bimad ki hak shaf eyo si weno. " Si suni "Makisadek" ma, ato me "mai tili modi." Ke ka'a meni yo, "ma'i Salem," kika ka'a, ma'anato, "ma'i heterik tili." ³ Si ann boti bu, ke an noti bu, an turba bu bu, an badi so dino dunya bu ke an bo ernok zauni bu. Me i'ko subak la Ndeyi, kika si ɗeyinu mallum Ndeyi an bo eronni bu. ⁴ Ta moi nakak ngo woi e, dismu Ibrahim me oni modik hak bimmad ki tong eyo si wenok bei kesi. ⁵ Eyo suba milla lawi biskako ruta mallumce onan su yardu ki tong uhe ta zuni biske zakka modik hak bimmad ki gyem biyansu, shafki ha'a gyem biyansu, Isra'ilawa shafki ka'a turbak Ibrahim. ⁶ shafki ka,a, Malkisadak, yo turbak hetenok gemasu bu, me biska Zakka modik hak bimmad ki gem Ibrahim, ke zobini barka si yo an sarti. ⁷ An shana bu ngoi mamai biska barka ki gem ngoi na'ako. ⁸ Shida shiri wonse'e, biya yo biskako Zakka modik tong bimmad, hotii maddi a matisu, me si yo biska Zakka modik tong bim mad ki gem Ibrahim ana ko ta har kaisu an nik zauni. ⁹ Kit, shida yo alada anko ta, Lawiyawa, yo biskanko Zakka, modik tong bimmad, me ke onko Zakka modik tong bimmad ki Ibrahim. ¹⁰ Ki ka me Laweyawa a tong dikenche Ibrahim somodi yo Makisadek gomkok Ibrahim. ¹¹ Kauso kana a itinni ta do a ngamte ruta Ndeyi ki gem Luwiyawa mallumche Ndeyi ki ka onako sharya ki gemanto me an uska bu mallum Ndeyi yo'oto tungagko kaidak Haruna bu? ¹² Ki ka somodi na sakagko ruta mallumche Ndeyi, uhe ke dole a sake. ¹³ Ngo yo yako eni yawoi a kani shida madi, ki tong shidai yo'oto an ngoi damba ruta ka bagadi bu. ¹⁴ Woi a hili, ta ki tong shida Yahuza Bomu yo tong ɓaɓa le'yankō si, shida yo Musa damba eni kani bu a ka mallumche Ndeyi. ¹⁵ Eyom anshe a hili, menne mallum Ndeyi yo'oto hineno a tong shida yo Malkisadak. ¹⁶ Woi mallum Ndeyi yo hoyo, mallum Ndeyi hetenok turbak biya bu, me deyinni mallum Ndeyi yo ɗeya a mene so an bo ernoto bu. ¹⁷ Ki ka eni Ndey onko sheida a kani. " Koi ko mallum ne an bo ernonni bu ariyo shida Malkisadek." ¹⁸ Ki ka uhe yo tonoi zakok si a gyanga kika an geɗo bu ke an uskani bu. ¹⁹ Kika sharaya da,a leumiya meƭa mu anandi zoha tili yo zina yo mu wena dishe gem Ndeyi. ²⁰ Woi si hala wara tina ana bu, ki ka Mallumche Ndeyi mamaye dano wara tina ana. ²¹ Me Yeso dino deiko mallum Ndeyi ki tina ana si tuko ana yo ani ta, "Bomu yo tong ɓaɓa tuko ana ke a saka dibnanni." ²² Ki ka'a Yeso onko wa'adi so jire ke so zina. ²³ An shana, bu mato ngatkok ruta ki mallumche Ndeyi yo an bo erronni bu, eyo zobko an mallumche Ndeyi tim ɗahano bei zehe modi modi. ²⁴ Me Yeso an zau so an bo ernoto bu ke safyitko rutani mallum Ndeyi bu ko shu titiku ²⁵ Ki ka ka'a si a gitik wang biya dano gem Ndeyi ki gemani, ki ka si kullum a deino a esehensu ɗonshuk kasu. ²⁶ Ki shida mallum Ndeyi yo na'ako gomini zinak kamu. Si an zunhu bu, an leihi bu, ke an bukɗo bu, tike nok gema ana zunhu, a ɓaɓak ɓaɓa. ²⁷ Si dalodi ya bu, kit mallumshe Ndeyi nakshi, yo a onche hadaya lei badissiya, ki bo tono ki ka zunhu su, ki bei zuni on so zunhuk algi. Me Yeso iko woi kamodi hir an sauwe ki ka kolo ke. Do si ogko kani guda kanni. ²⁸ Me uhe a boda mallumshe Ndeyi manakshi biya yo kaseno, me eni tina ana, yo dinok bei uhe, boda la si yo deyin an leihi bu wara bo erno.