¹ Ki ka ka'a erai ɗo mu wustik zoho yo tono yo Kiristi muto dom ki tekento, kada mu zal her eni yo ona jire jouwe ki tong rutai matano ki ona jire tong Ndeyi, ² her shutantu yo Baftisma, ki yo zena sara ka, biya yo hinɗakok mato, ki sharya so an bo ernoto bu. ³ Mu ina woiie na Ndeyi on ro jire. ⁴ A ina yam ki biya yo moyakok jire, ke damɗag kok onom so ɓaɓa, zuni yo damɓakok onom yo kelui bu, umo. ⁵ Zuni yo damɓakok eni Ndeyi yo zina ki gedo a tong somdi yo isno, ⁶ me zuni yo mansuk bei a ina yam a mateto zuni wagle jo. woi me ki ka zuni a lo'nga La Ndeyi guda ka su jo, ke zob se si kawa a hili. zuni yo mansuk bei a ina yam a mateto zuni wagle. woi me ki ka zumi a lo'nga La Ndeyi guda ka su jo, ke zob se si kawa a hili. ⁷ Eli so sesentik ham ya a dukshe a kato nami karai yo amƭani heteu ki ana marate eli wonsies me biska barkak gem Ndeyi. ⁸ Me na karai yo hetenoi na leiko hara do na mona yo, an(amfani) uska bu kinai kaba hoɗa barkani, nami bokintok yesi. ⁹ Nen dalta mu aka ei zina a kay ku, biya yom dalanko, eyo mono wangu, kit yo yaka mu anako ka'a. ¹⁰ Me Ndeyi a mure tili modi bu, ta si a montilik ruta ki daltu son tarmako ki ka Suni, ki ka ngu yako rutak ana ona jire kè har kauso ngu kato ishensu ruta. ¹¹ Mu dalanko kolik hawotku a e shida niya won se'e ngam titko, tabatanti to har tetekento. ¹² Woi me ka'a ki ka kada ngu ɗeyi ngudi bu, me ana shutanta biya maye ana onajire ki habri gyadanko sarti ¹³ Do Ndeyi iko sarti Ibrahim, si tuko ana ki si guda kani, ki ka an ei nako wali' a si bu. ¹⁴ Si anko ta, "An shana bu no zobko barka, ne sau we zuriyat ko tim.'' ¹⁵ A tong bille woi, Ibrahim biska eyo 'yani sartini ki bei yo si gesko ki habri. ¹⁶ Ki ka alaji a tishe ana ki ei yo naako wallinsu. Tina'ana me takatkok laimiya. ¹⁷ Kikakka'a ɗo Ndeyi da yarda ki ana gyada wa'adin ta jire, niya so si iko a ka eya si, ina a saka bu sam, nami si gomtek tina ana. ¹⁸ Si iko woi ki ka barkak ya bolo woi yo a saka bu ke ta Ndeyi ererei muni yom yank jij' m mu wanko bei bunko, mu yena ona geɗo sosai mu biske eyo zanko a'domu ke zohako tili kani. ¹⁹ Mu zanko tili ta an chena bu a ngafmutik zaumu, zoho tili zofko si ruko to biyo gebe a bei labule. ²⁰ Yeso riko beis'e kit a jij' m dum mu, ki bei si deyini mallum yo na'ako an bo ernonibu kit shida Malkisadak.