¹ Shafki na'akokɓangko malum, yo zaɓangko si ki tongko algi, boɗangkosi bona 'ye ruta ki biya ki lehe bille Ndeyi, bano ɗif onom ki sadka bo buɗa zunhu. ² si guda kanni an gedo bu a bille tim kibo sike kanni a tongko ana kasa. ³ Kibo ka'a sike suba a ɗab sadka kibo zunhuni, kit yo si dafshe bo buɗa zunhu ki biyai ma'ato. ⁴ An ngo yo namta kanni ki mene woibu kabana Ndeyi eshasi, kit yo Haruna. ⁵ Ka'a ke Masihu namta kanni na'akokmalumbu. Me yo zobkosi anita, ''Koi ko Lano, kute'e ne ɗeyino boti a gemangko'' ⁶ Kit yo a beiso'oto angkota, ''Koi ko Malum yo an bo 'irnibu kit yo malkisadik kabta.'' ⁷ Kiristi a sartik ɗeinoni dunya iko ɗoshu kashei har ki bele ki kasa yelu ki woi yo andi ɗongshuni kibo ndaɗok daha kangni. ⁸ Kota si la me shutitkok ɗaha kibo yam yo si sa. ⁹ Har ɗeyni wara leihi, tumbak zouusa, wangu ki shafki ngayo ɗafshe si. ¹⁰ Ndeyi me esha si na'akok Malum kit yo Malkisadek. ¹¹ Mu anandi 'yak anshe shei aka Yeso, me ehe hawoni yam kibo kumangku lumɓinni. ¹² Kaa a kauso ngu ititku Malumshe yo'oto shuteku tumbok sarnik eni Ndeyibu. Ngu ndalangko yeɗik baya urubu. ¹³ Shafki ngo yo tishinni yeɗi annik kine tangko zohu eni tili moɗi, kibo har kauso anni kolgu. ¹⁴ Kibo tishis geɗo ai so manakshi. Kibo maye mangtisu manakyo titka gebek zina ki disa.