¹ Nguni me, ngu maftangku tong zunhutku. ² Ka ngu marshe tong shida 'ei maye 'e tong dunya. Ngu marshek shida menei dunya. Woi shida hali kelu milla ana ruta wara ona na'ako. ³ Muni ke mu deino hotok mayei ana mure ona jire. Mu ishe lei miya tong bille singkau ki ndaltu zugomu. Mu ishe rutai zugomu ki tilimu ndalo. Ka suba ma Ndeyi yabte tilik muni. ⁴ Ndeyi me an jig-yayi ki ndaltuni yo ndaltidgo muni. ⁵ Do mu matno tong zunhu, Si mokno muni tong zau so hoyo tong Kiristi. Waltangko ngunik be'i tili modi. ⁶ Ndeyi hafta muni baba zug zehe ki Kiristi Yeso. ⁷ Ndeyi iko woi do tammu ta sommoɗiy isno a tammu shei ki modik tilini. Tammu woi ki gem Kiristi Yeso. ⁸ Ki be'i tili modi ngu wangkok wanguk ka ona jire. Woi ndinok gemamu bu. Onom ki Ndeyi. ⁹ Ki be'i rutamu bu. Kika woi, ngo gof bo gebanni bu. ¹⁰ Kika munim ruta Ndeyi, 'yangko muni tong Kiristi Yeso mu 'e ei zina. Ruta mayei Ndeyi zemu tingki marei, mu ina marshe hawosu. ¹¹ Ki ka woi diɓai ka nguni keng ana mure ona jire tong dom. Wundangko nguni "Ana mure ɓato" ɓato wonses me so zugo. ¹² Ka ngu tikenok Kiristi. Ngu ngerhahi gem ma Urushalima. Ngu ngerhahi ka ngara eni. Ngu manangko ei a hele bu. Ngu anan Ndeyi tong dunya bu. ¹³ Kauso tong Kiristi nguni yo ka ngu gerak Ndeyi mokingku nem ki Kiristi. ¹⁴ Siy lahiyammu. Ngarko bolo bo moɗi. Si rugzak salis ka tika muni, ka gyaha. ¹⁵ Har rugzitkok sherya wonses ' e nami 'e ngoi hoyo tong subani. Mokno lahiya. ¹⁶ Iko ruta gomta ka algi ɗeyi moɗi tong Ndeyi ki be'i shoho longku. Ki ka shoho longku dukok gyahas 'e. ¹⁷ Yeso ndino mokingku deinok lahiya ki mayei hotosu gerak lahiya shaf ki mayei nem. ¹⁸ Ki gem Yeso shafmum wangkok ndishe gem Boti ki gem kelui bu'uno. ¹⁹ Kana, kauso ana mure ona jire ngerhahi domana ngu wareno bu. Ka ka'ai nguning sha'enti biyai zansu genga ki ka Ndeyi ke ana ɗeino ban Ndeyi. ²⁰ Salangko nguni ka majiraku ki Nabaku. Yeso guda kanni ɗeyinni goshos ka sukana. ²¹ Shaf ngoi 'ertangko sali wonses a hawonni a hinɗe ɗeyinni ban ɗonshu tong Bomu abano. ²² Salangko nguni hawonni be'i moɗi kit 'yak be'i ɗeinok Ndeyi tong kelui bu'uno.