¹ Yaganaku, a bo tekento, mu zofshe nguni ngu ɗeyi ana ngra tili me mu zofshegku kola idanku tong Yeso Kiristi. kit shida yo ngu biskanko uhe ki gyemamu aka eiyo ina marshe Ndeyi kol zeiku me ngu ɗeyi aka bille woiye ngu gudok tili. ² Me ngu managkotik uhei yo mu onagku tong Bomu Abano Yeso. ³ Woi eni Ndeyi: ngu e jijo zina Azza, ⁴ Ta lei ngoi yiya ki hotokku billei yo a gaha man'i tong ⁵ bu'unok tilikko bu (kit shida yo biyai Mananko Ndeyi bu). ⁶ kacla wod yagananni aka 'ya woiye bu. Me tuheshi yo Bomu Abano aka ei mamaye, kit shida yo mu ellanko kumanku a onzi ke mu onnakko. ⁷ Ke Ndeyi wunda muni a aka eiyo bu'uno bu, me wunda muni a ɗeinoi bu'uno. ⁸ Kika ka'a, ngoi na kukok ' ya woiye kukko ngobu, me kukok Ndeyi, yo omu Kelui Bu'uno. ⁹ Aka ndaltu yaganaku, ngu ndalanko ngo turekudi bu, nguni guda katku Ndeyi shutekutik ndalta yaganaku. ¹⁰ Ka'a ɗo, ngu 'yankok ngu 'yanko shafki yaganakun kui yo a tong Makidoniya. Me mu elle kumanku, yaganakummu, 'ya ka'a har walliti. ¹¹ Me mu ella kumanku yaganaku ngu ɗeyi ye'eteno, ngu ze alib natku ka ei ngu ishe, 'ya ruta ki saratku kit shida yo mu zanku uhe. ¹² 'Ya ka'a aka marshenku e zina a dom biyai mananko jire bu ngu tong biya ana barta lei tamiya. ¹³ Mu ndalanko ngu ɗeyi ana mure mantu bu, yaganaku, aka biyai yo 'yansu monsom, me kada ngu yabte tili bu kit biyai mananko ei a dom bu. ¹⁴ Me na mu onankok jire Yeso matko hinɗinni, ka'a ke Yeso Ndeyi a matetu biyai yo 'yanko monsom a hawonni. ¹⁵ Mu anshenku woi ki tong eni Bomu Abano, aka muniy yo mu anan zau, de 'yanko muni har ndishe bomu abano, an hoɗa tili bu mu keye biyai yo 'yanko monsom bu. ¹⁶ Me Ndeyi guda kanni a urtu ki ɓaɓa. A nditu ɗolya taktakai yo na'ako, ki ɗolya ɓalu Ndeyi, biyai yo matanko tong Kiristi a hinɗa bo tono. ¹⁷ Kaba muniy yo mu anandi zau, yo de 'yanko muni, a nama muni zuk zehe ki zuni amokmuni tong kebe, mu goma ki Bomu a diri ɓaɓa, mu hanta ɗeino ki Bomu Abano. ¹⁸ Kika ka'a ze sara ka sha e'ku ki shida eni mamaye.