¹ Kauso aka eni jajum ki zaman yaganaku, ngu ndalanko ture kudi 'yabu. ² Kika nguni guda katku ngu manankoti ndishe bomu kit ndishe ashiri ki beɗi. ³ Ka nzuni eni, "ɗeino lahiya ke hankalisu gendeno, "moishe bo'yo ndisu zohanko tili bu. A ɗeya kit mandus so aka gorsina. nzuni me anan zoha tili ka heleni bu. ⁴ Me nzuni, yaganaku,ai ngu tong tutuɗubu har yo a ngahinku kola ashiri. ⁵ Kika nguni shafku mila hetre ke mila hoti. muni mu mila beɗi bu ke milla tutuɗu bu. ⁶ Kika ka'a mu'e monsombu kit shida yo kenei a ishe. aka ka'a kada mu'e monsom bu mu hindeno. ⁷ Kika ana monsom ki beɗi ki beɗi nzuni monsom, ka'a ke ina seshe hatasuk tong hankalisu a ishe ki beɗi. ⁸ Me mu manankoti mu milla hoti, eri ɗo mu ɗeyi mantu. mu on geɗo ka ona jire ki ndaltu mu zof tili ka wangui yo a dom ⁹ Kika Ndeyi zamuni mu moi yabtuk tilini bu, kaba mu we wangu ki gyem Bomu Abano Yeso kiristi. ¹⁰ Si yo matko kammu, kika lei mu anan zau lei mu matanmu, mu ɗeya zuk zehe ki si. ¹¹ Kika ka'a zah sara ka zehe ngu hafte nzehe, kit shida yo ngu ishe. ¹² Mu ɗonsha nguni, yaganaku, ona mene ki biyaiyo a ruta hotokku biyai yo anan mene katku tong Bomu Abano yo a ɗimta muni. ¹³ mu ɗonsha nguni ngu zeh dibnatku kasu ngu ndalte nzuni aka shida rutansu ngu e' ɗeino lahiya ki zehe. ¹⁴ Mu ella kumanku, yaganaku: ella kuma biyai a kolshe bu, hafta ka mulu biyai anan geɗo tili bu, shata ana mure, 'ya habri ki nzuni shafsu. ¹⁵ Moyai kada ngo tuhe disa ki disa bu, aka ka ai ta dom ki ei zina ki zehe ki leilo. ¹⁶ 'Ya kuyu lei tamiyc. ¹⁷ 'Ya ɗonshu an ladubu. ¹⁸ A tong lei ei miya 'ya kunnu. kika woi ei bo tili Ndeyi tong Yeso Kiristi a kammu. ¹⁹ Kada ngu gyem kelu Ndeyi a e ruta hawotku bu. ²⁰ Kada ngu e moins gyra bu. ²¹ Kabta lei ei miya. ngaha ei zina. ²² 'Ya jijo ei iko suba ki disa. ²³ Iri Ndeyi ana ɗeino lahiya mate nguni tong biyai bu'uno. Iri kelunku shaf, ki tilinku, ki zugonku ɗeyi bu'uno wara 'yak huli kika ndishe Bomu Abano Yeso Kiristi. ²⁴ Ngoi wunda nguni a tili moɗi, yo a gitik rutanta. ²⁵ Yaganaku 'ya ɗonshu kammu. ²⁶ Lakɗadi yaganakunku ki lakɗu ndaltu. ²⁷ Nen ɗonsha nguni kika bomu abano ngu karante lalauna woiye ki shafki yaganakunku. ²⁸ Iri tili moɗi Bomu Abano Yeso Kiristi ɗeyi zuk zehe ki nguni.