¹ Kika ka,a kit yo Kiristi sa bone tong zugo, muni ke mu e taudu ki ra'ayi. ngoi na sa bone tong zugo si kutik rutanta zunhu. ² Ngo woi me nda a ɗeyi tong nauta sha,awa tili ngo bu, me kaba ki ndaltu Ndeyi shafki kine sombodi ni a tung dunya. ³ Lokoci ro gaɗani yo mu ina ei biyai manan Ndeyi bu ndalan ishe, wato fajirci, nautaku ndalta tili ki buguwa ki shashanci ki seshi ki bautar gumaku ki rutanta ei zina bu. ⁴ Nzuni tana ta kit ngu ishe gerhok ã kika ngu kuɗanko gomto ka ki nzuni. Kauso a ina shida 'ya woi'e. se nzuni zarga nguni ⁵ Nzuni ona masni ki nsoi rameno inasharya yanta ana zau ki ana mato. ⁶ Aka woi,e a ina wa,azuk somok zei ki biya matno, ta kit yo ansu sharya tung zugo biya, nzuni raya aka Ndeyi a tong kelu. ⁷ Korshen shafki ei yoyi ke isno kika ka,a ngu ɗeyi tung hankal, ngu mate hankal tong ɗibnanicu aka ina ɗunshu. ⁸ Domki ei moye ke, ngu zof tilinku bei ndalta zehe kika ndaltu te kala oha zunhuk ma'ato bu. ⁹ Ngv ek zehe ei zina ke ngu e gurgurbu. ¹⁰ Kit yo lei moɗinku a we baiwa ngu e ruta ki si kika ngu laute zehe, kit onc ngaha amana onom yo Ndeyi. yo si omv sara wusno. ¹¹ Na ngui ishe wa,azu, a ɗyi ana Ndeyi siance na ngoi ishe hidima si e ki geɗou yo Ndeyi oni kika tong shafki ei mamye, e a nam ka Ndeyi ki gem Yeso Kirsti. Nama ka ki mene yobi har abada abadina. Amina. ¹² Ana ndaltunmu, kada ku kolta kit shida bonei te isno a kabte nguni ka gerhek 'ya bu, ko ngu ani ta gerhek 'ya a hele ki nguni. ¹³ Me muddi ngu ɗeino ki Kiristi tong bone nni ngu e kuyu. Kika ngu e heterek hawo ki kuyu a lokorij abayyana nama kanni. ¹⁴ Na a zarga nguni aka sung Kiristi, ngu ana barka kika kelu namaka ki kelu Ndeyi a ɗeyi hototku. ¹⁵ Me kada lei ngiyiyanku a se bone aka horoi si bok duga go bu, ko bok Ciri, ko bok naute, ko bok rina tong enii ansi bu. ¹⁶ Me na ngoi sa bone aka si yo Kiristi, kada si kol kawa bu, me si nam ka Ndeyi a sung woi, e. ¹⁷ Kika Lokoci inni yo sharya a zala ki tong ban millla Ndeyi. mena a zalo ki muni, miyo karshe Ma, atoi kuɗankok ɗaha somok zei Ndeyi? ¹⁸ Na ngoi "bok adalci walkok 'ar jo a hele i miya ki ana mune ɗaha Ndeyi ki ana zunhu me? ¹⁹ Kika ka,a ɗo biyai sanko bone aka ndaltu Ndeyi, nzuni on zausu ki andaltu halitta jo nzumi ei rutai zina.