¹ Ne ishe jerarei hototku gergadi, ne'e ne yaganaku jero, ne shaidak bone Kiristi sa, ne'e me bok wena yabo ki tong namaka yo a hele. ² Kika ka,a ne gergada nguri jerare, ngu deite biri Ndeyi yo a hotoku. Mgu e hankal eki nzuni aka dole bu, me kika ngu mate hankal ki nzuni, aka tina ribok sarei bu me aka ndaltu zauku. ³ Ngu feyi kit ana mene aka biyan a saratku bu, me ngu ɗeyi 'yak cutu ki biri. ⁴ Lokoci a baiyana ma'ik ana deyi ngu biska rawani ki darjani yo an bo ernoto bu. ⁵ Ka,a ke nguni bunji ngu ɗahe jerare. Shafku ngu e tauɗu ki ona ka, ngu kubek zehe, kika Ndeyi a gaha ki ngoi a kolshe eni bu, me a ishe ana towali'u tili moɗi. ⁶ Kika ka, a ngu urte kakku a elelik Sarak Ndeyi bok mene shaf kibo si nom kakkua lokoci shim. ⁷ Ngu onitik shafki tilinku, kika gi hankalki ngu ni. ⁸ Mata hankal, ngu ɗeyi ka babilonku. Bok kuɗa nguni, sinkau, kit Zonge. Bok bele a gasyo, si kala ngoi a haɗ i ni. ⁹ Ngu e gaha ki si. Ngu e geɗo tong ona jirenku. Ngu mante ta yaganakui ngu ɗeino ki nzuni tong dunga nzuni jimrantik shida bone woi are yoku. ¹⁰ Ki bei sena bonenku yo Lokoci shim, Ndeyi bok tili moɗi yo an bo ernonto bu, ngoi se deita nguni tong madawwamiyar nama kanni tong Kiristi. Si ngaha nguni, a erte nguni. Si onku geɗok tili. ¹¹ Mene a ɗeyi gem ni har abada abadina. Amina. ¹² Ne lakɗa sila a ndaltu yagana, jo ne ture ku shim ki saranni. Ne Ishenku gergadi ne anshenku ta ne tureno tili moɗik Ndeyi yo jire. ngu ɗeyi hawoto. ¹³ Te mandui a babila te yo zaɓeno ki nguni ta ne Lakɗe nguni, ki markus,Lah no, si Lakɗe nguni. ¹⁴ Ngu Lakɗe zehe ki sumba ndaltu. Salam a ɗeyi gem ku shafku ngunii ngu tong Kiristi.