¹ Kit yo nguni ngu monde kaibono ku ɗahe ceke goranjinku, 'ya woi'e lei gorajii moɗɗi a ɗaha ake ki eni bu, nzuni wena wangu eni bu, ki gem hali mondensu. ² Kika muyankok jirek halinsu ki ona ka. ³ Adonku ɗeyi yo manta yaroi ka bu, ke a ɗeyi 'ie gi'a dinar bu. ko karei yo zina. ⁴ Me adoi a feyu tong tili ngo, jo adoi a ɗeyi zina an bo ernoto bu, ki ngaha ka, ki maita hankal kelu, yo andi ɗarja dom Ndeyi. ⁵ Mondei nzuni bu'uno a ishe adonsu kit ka,a nzuni 'arce daf ga Ndeyi nzuni ona jirek gorajingu. ⁶ Kit yo Saratu onko jire ki Ibrahim har te wunda si "boto abano". Kauso ngunik millanto na ngu 'yanko rutai zina, nake ngu kolanko zuba bone bu. ⁷ Kit yo anankok monde kaibono ka, a kelc goraji, ngu ɗeyi ki monde ki manta nzuni ana geɗok titi sha, enti ɗeinok yo biska baiwok ɗeinonsu. ngu e ka,a kika a biske ɗonshunku. ⁸ Kausa shafku ngu ngomte hankalku, ngu ɗeyi ana kola ka zehe, ana nddta yaganaku,ana kula jikyayi tili, ki ana ona ka. ⁹ Ngu ɗeyi ana tuhe nauta ki nauta bu ko hufli ki hufli bu a bo ka,a ngu te domki zuha barka, kika ka,a eshanko nguni aka ngu gade barka. ¹⁰ "Ngoi na ndalo a ndate zou ni jo si moi zina sombodi to si erte lunsoni ki ana 'yo disa jo si rame boni ki ana eni youdara. ¹¹ Si tikek nauta si rutante ie zina. Ɗo si kale ɗeino salam jo si kol zeini. ¹² Eda Ndeyi moishe biyan zina, kumani jo a koishe ɗonshun su. me fuskak ndeyi a gaha ki ana rutanta nauta". ¹³ Ngoi yiya a gitik cuca nguni na ngu zohanko tili ka ina ie zina? ¹⁴ Me na ngu shanko bone aka ina ie zina. Ngu ana barka ngu koi zuba ie nzuni koishe zuba kanni bu ke ngu damte bu. ¹⁵ Kika ka,a, ngu erte Ndeyi Kiristi a tong tili kit bu,uno. Ngu ɗeyi ka babilonku ngu lafik ngoi na dolko nguni kika miya ngu ona kolc jire gem Ndeyi. 'Ya woi'e ki tili moɗi ki ona na,ako. ¹⁶ Ɗeya ki gyedok tong Kiristi nzuni kol kawa kika nzuni eni gaha ki nguni kit ngu nautaku. ¹⁷ Gaɗanko zina, na Ndeyi ndalo, ngu se bone ka rutai zina ki a se bone aka rutanta disa. ¹⁸ Kiristi sa bone ka moɗi tak aka zunhu. Si yo ngoi zina me sa bone bo muni biyai zinenbu, kika si moktu muni gem Ndeyi. Dugan ko si a tong zugo, ma rayankosi a tong kelu. ¹⁹ A kelu ne, si nduko e wa'azu ki kelunce yo kauso a tong ban bone. ²⁰ Kuɗankok ɗaha eni Ndeyi a lokori habri Ndeyi yo a gace nzuni a lokoci muhu rama jirgik ham moishe Ndeyi wangikkok biya shim. Wato, zauki biya horɗo ki tong ham. ²¹ Woi kit shida baftisma yo a wangumu kauso, se dei ki ɗonshu Ndeyi ki ndaltvi zina ki gem hindu Yeso Kiristi ki mato. ²² Si ɗa ɓaɓa a sara tina Ndeyi. maleiku, ki menaku ki ana geɗo dole nzuni ɗahe si.