¹ Kika ka a, wusatik bille singkau, hafta be'i erno, ki ngadar ki dasa shafki eniy disa. ² Kit kolgaku, ma le'yangko hoyo ngu ndalte yedi yo kelui bu'uno, ki gem woi ngu aya tong wangu. ³ Na ko dambitko ta Yeso ngoi zina. ⁴ Ndati gemni goshaku ana zau yo biya bokangku. me Ndeyi zabingku ngu deyitku 'ei zina gemani. ⁵ Jo ke kit goshos ana zau salangko nguni banos an kelu Ndeyi kika ngu ɗeyi ma bu,uno 'yak bisku gya Ndeyi kigya Yeso Kiristi. ⁶ Somo angko ta, "Moyi, ne zatkok gosho ka bo gomta sali, an darja a tong, Sihiyona shafki ngoi na ongko Jire kanni si kola kawa bu." ⁷ Darjas soku nguni yong, onangkok jire. Me goshos ana sali kuɗankoi, deyitoko ka bo gomta sali. ⁸ ki "goshok zoha ngeteshi ki 'yak zoha ngeteshi" nzuni ngete, kika nzuni ngatansu kabui nzuni moi woi e. ⁹ Me nguni ma tamanko tong zurina, kungina ana ruta ban ndeyi biya ma bu'uno, algi ma,a sarak n deyi, kika ngu anakok rutani yo eshe, ngvni ki tong relu go tung talku bok ona lajabi. ¹⁰ Ngunika onzi nsu bina bu, me kauso nsu biyanti ndeyi, ka onzi nzu wanko jikyayi bu, me kauso nsu wankok jikyayi. ¹¹ Ana ndaltunmu, ne fonsha nguni kit gerhiki ana marshe jo, ngu e jijuk ndala tili zuso yo kesi zau. ¹² Ngu fe yi ana zirak tili a tong biyai manan Noleyi bu, kika lokoci nəuni ku'ushe nguni kit ngu ana rutante nouta, kaba nzuni moi zinak rutanku nzuni nam ka Ndeyi hoti dishe ni. ¹³ Nsu ɗahe le i are menek biya kika Bomu abano, ui ki ma'i kika sine na,ako. ¹⁴ Le i ki ana mene ana sarninni kika nəuni cutek ana rutanta nauto. ki ana nama ka yutante zuna, ¹⁵ Me woi ndaltu Ndeyi, ki ga rutan kui zina, nsu gille ka biyai manan. 'ya by ma'a nan asumbu. ¹⁶ Kit biyai wangeno ngu more 'yonci ku kit ana nauta bu, me ngu deyi kit ana ɗaha nede yi. ¹⁷ Nhu knna, ako kishafki biya, ngu ndalte yaganaku ngu kol zuba Ndeyi ngu on na, ako ma'i. ¹⁸ Nguni bidaku, ngu ɗahe eni bobentii bonokku ki shafki ona na,ako ki ga ina rutai zina ki ana ona ka bu, me har ki ga tama suba ¹⁹ kika 'yak namaka ne, nakika tili moɗi ga Ndeyi na ngoi jimrikko sena bone. ²⁰ Me jo shida ribak siya nangu 'yako zunhu a hone nguni ngu jimranti ki hukunci'y me na ngu 'yanko rutai zina ngu sanko bone kanni ngu e habri, woi 'yak bisku ga Ndeyi. ²¹ Kika ka,a wudanko nguni, ke Kiristi sa bone bo nguni, si deiku kusa ngu ɗahe Akeni. ²² Si domɓa ina zunhu bu, ke domɓamko kula eni disa boni bu. ²³ Ɗo huflanko si, si tuha huflii bu ɗo si sa bone, si iko eni bu, me gi onkok kanni ga ngoi a ishe sharyak jire. ²⁴ Si ki kanni namko zunhunmy a tong zugoni si moko nzuni ka shoho, kika kada si boltu muni tong zunhu, me mu, e ɗeino ki jine ki ga ko la yamni ne ngu daranko. ²⁵ Shftku ka ngu bo'yanku ngu gasyo kit temkai bo'yansu, me kauso ngu menkuga bok deyi ki bok deita zau ku.