¹ Kaiso aka ei zangko zug lo goro: Mu manang koti shafki biya amandi mantu. Mantus meke a zofsye hafta ka, ndaltu me a mokshe tina dom ² Nango namko ta si an mantui dongo an kine. ³ Na ngo a ndalta Ndeye sike manteno gemani. ⁴ Aka tina ei zug goro, mumankoti si 'yabu a dunya ke anɗi Ndayi yo'oto bu kaba moɗi. ⁵ lei ta anɗi shiɗa goroi ma'ato a ɓaba do a dunya kit yo anɗi goro, ki shei bobenti ana bano. ⁶ shafki ka'a Ndeyi moɗi Boti yo iko lei miyake ke lei miyake mu deinok kanni bomu abano moɗi Yeso Kiristi yok leheni ei miyake deino shafki muni. ⁷ shafki ka'a mantu woi a tong lei ngoi yiya bu. Bo ka'a ma'ato ka a daha goro nzumi tishesi kit ei zangko zug goro, asumsu anɗi jirebu kika kaan geɗobu. ⁸ Wo'oto me moka muni ya Ndeyi bu. Mu 'yagko ɗisabu namu tagko bu, meke mu 'yagko 'yei zinaibu namu tagko 'e. ⁹ Moyai kaɗa ei ngu ina a zof ngeteshi. ki bok af kasa gedo a tong ana ona jire a ngete bu. ¹⁰ Beibu na yo'oto moiko koi yok an mantu ko zug tishi bi goro. A oni geɗok tina ei zangko zug goro buɗo? ¹¹ Kika mantu yok anɗi ka goro, biyai gedok mantunsu shim ki yagenerugko yo Kiristi matko kanni boi'inni ¹² Na ikko lelhi yagyenagko 'yangko ko kat ko gutit 'ko diɓnasu ko itkok zunhuk Kiristi. ¹³ Kika ka'a na tishi bu, a zoha yagyannano ngete ne sauwidi da loh ashe bu, kadan zof ngete. yagyenano ngete.