¹ Ne ngaru buɗo? Ne majiri buɗo? Ne moiko Yeso Bomu a Bano bu ɗo? Nguni rutano tong Bomu a Bano buɗo? ² Nan majiri ma'ato bumen majirigyem nguni ka a ke ngunin ana erta eni ka majirinno a tong Bomu a Bano ³ Woi yak tamyanno a gyema biya kabtagko ne'e. ⁴ Mu anandi gedok tishe ki seshe buɗo? ⁵ Mu anandi gedok nama mondemu ana ona jire kit yo kine majira ku ki yaganant bomu abano ki kefas bu do? ⁶ Ɗo me kaba Barnabas moɗabi ki ne'e a ina rutai 'ye? ⁷ Ngoiya a ina ruta soja bo kanni ye? Ngoi yiya a kafshe kori inati me ha'ashe le'i to bu? Ngoi yiya a deta biri me a seshe yeɗinto bu? ⁸ Ne anshe woi bo mene ngo ɗo? Uhe tamko woi bu ɗo? ⁹ Tureno tongko uhe Musa "Ta kada ko zof zumfutun bo kom bu na ko zug bodishi." kom do yo Ndeyi deita ki siye? ¹⁰ A ishe eniya a kammu buɗo? Tureno ki kammui aka ngoina iko mara a zofshe tili ka ei a wena. Me ngoina iko bodishi iko tamak tina barkato. ¹¹ Namu kahagko ei bu'uno hototku, inni zina yam ɗo namu zugkagko 'yak kaɗi ki gemanku ye? ¹² Na ma'at wagko bille woi ki gyemanku, mu wallanku zuni bu do? Memu hattakok bille woiye bu. kata dei mu erno bo ei miya ke banda ngena wazu kristi. ¹³ Ngu manangko buɗo maye yo ruta bam Ndeyi a tina k zugonto ye? ngu manangko buɗo maye yoruta. zugonsu 'yei wagko woɗiye? ¹⁴ Ka'ake bomu abano anko ta biyai ana wa'zu a tina zug eni Ndeyi . ¹⁵ Ne biska ei suba ne biskebu, ken tureng ku kika ngu ino ei ma'ato bui. Gelkon ne matinno ki bo yo'oto a ge no hafta wonse'e. ¹⁶ Na ne iko wa'azu somos zei ne andi hafta ka bu kika ngahino. Ke titikunno nane iko wa,zuk somos zei bu ¹⁷ Nan iko ruta woi ki tilino ne andi onom naako , hak tilinobu ne andi ruta yo dadonni kanno. ¹⁸ Onom woi miya? nane iko wa,zu, ne ina onom ki somos zei wara tuheshi ken ina ruta somos zei wara ei te anko suba ne'e. ¹⁹ Aka ne an damto bu, ki gem loke, ne ɗeiko ngaru loke, kika nan wetu suwi biya shei. ²⁰ A gyem Yahudaku, kika ne nzetu nzuni. a gem ana uhe ne ɗeyinno kit ana uhe kika ne nzetu biya, ana uhe, ne iko ka,a nen bo her uhe bu. ²¹ A gya biya yo elelik uhe bu, ne ɗeyinno kit nzuni elelik uhe me nen bo her uhe Ndeyi men ɗaha uhe Ndeyi . ²² Gya ana mure geɗo kika ne nzetu ana mure geɗo. Ne mata kanno ei miya ke a gyem shafki biya. kika ki lei billei yiya ma'ato we wangu. ²³ Ne iko shafki ei maye kika somos zei kika nan we barkato. ²⁴ Ko man buɗo na biya 'yagko jijo a wushe ngo moɗi onom ye? kika ka,a mu jijo so we onom se'e. ²⁵ A jijoi yiyake ngarshe tilini a tong ei miyake. A ishe ka'a a biska 'yak namaka yome dabtanni, munime mu ishe k ka biska 'yak namaka yo yabta bu. ²⁶ Aka ka,a ne ishe jijo wara kasheke bu gofshinnos ei a gofshe hafta bu. ²⁷ Me ne gofashe zugono, ne matiti baya, kika ki bei wa,azu son ikok ma'ato. ne,e kanno yakte nee bu.