¹ Kauso a ka ei ngu turano: "Iko zina ngo e babno bu." ² Me ki ka kabtu gyam sinkau ki ruta disa, lei ngoi yiya ɗeyik mandi, ka'a ke lei mandus siya ɗeyik mizino. ³ Mizi onik mandi bo yoto , ka'a ke mandus oni k mizinto. ⁴ Mandus ke on mene ka zugonto bu, kaba dei mizi. Ka'a ke e, emiziy an mene ka zugoni bu, me mandis andi. ⁵ Ngu kuɗi sunshe k zehe bu, kaba dei na ngu ngaragko enik zehe kika sommodi ɗonsha Ndeyi. 'ya ka'a ɗong zaf tiligku ka ɗonshu. Ki bei woi ngu gomte kat ku bei moɗi, ɗo kada sigkau kabte nguni ki bei yaklu ngaha ka. ⁶ Men anshen ku woi kit ne onsheng ku uhe bu kaba dei ne ansheng ku eni. ⁷ Ne zofko tili ta lei ngoi yiya ɗeyi kit ne. e Me leilo an onomni ki gyem Ndeyi. moɗi an shida onom wonse'e , moɗi jo wosi i. ⁸ Biyai 'yang ko babno bu ki dausheshi ku ne anshe ta nzu ndeyi wara babno, kit ne'e. ⁹ Me na a gita habri bu, nzuni ei babno. iko zina nzuni ei babno ɗo ɗeyi ki zoha tili k sunshe k mandu nama mizi. ¹⁰ Kauso ki ana babno ne onshe uhe woi'ye e, ne'e bu, me Bomu a bano: Mandus tike k mizitobu, ¹¹ (Me na te tikitok mizinto, te ɗeyi wara babno na ka'a bui te metu gyem mizinto) ke jo mizi kada wus manɗi bu. ¹² Me maatoi ankom -ne'e, bomu a bano bu- na yagena an mandus ogko jire bu, na te habritok ɗeinok si, si wus te bu. ¹³ Ka'a ke e na mandu an gorzoi onko jire bu,na si habrinnik ɗeinok te, te wus si bu. ¹⁴ Ki ka mizi onko jire bui a buuno gem mandi a ona jire, ke jo mandus an ona jire bui a buuno gem mizi to a jire. Na ka'a bui millangkuɗeya bu'uno bu, me k jire nzuni buuno. ¹⁵ Me na ngoi ongko jire bu nda a tikinni ki ngoi ongko jirei, 'e nzuni tike,ke si go 'yani. A shida woi an jeko bu, a ka lah gorzo ɗo lah mandu yo biskngok jire kasu. Kika Ndeyi wunda muni mu ɗeyi lahiya. ¹⁶ Kika shi manta lolo, mandu, ɗo shi wallitit mizin shi? Koke mizi ko manta lolo ta k waltitik manko? ¹⁷ 'Ya moɗi ɗo lei ngoi yiya ɗeyik yak tamya so bomu abano ndasi ɗeyi, lei ngoi yiya ɗeyi kit yak tamya yo Ndeyi wunda si. woi uhei nen ongku aka ana ona jire shafsu. ¹⁸ Me lei ngoi yiya na an ɓato ɗo wundang ? Si kada tamkanni kit ngoi andi ɓato bu. An ngoi ɓatno bu yo wundagko si kada ani ta ini ɓatno ¹⁹ Kika koke ko an ɓato lei ko an ɓato bu woi 'ya bu. ei yo Ndeyi ndalo ko 'e marshe a ka enini. ²⁰ Lei ngoi yiya a ɗeyi tong wundus so si hawonni kit shida yo Ndeyi wunda si on jire. ²¹ Ko baya ɗo? Ndeyi wunda koi ta ko damte kanni bu. Me na ko joutik hoɗa katko, i ruta ki si. ²² Lei ngoi yiya bomu abano wunda si kit baya, watkok wungu gya bomu abano. ka'a ke e ngoi wundanko si lah bayai kristi. ²³ Kajanko nguni k dom, kika ka'a ngu ɗeyi baya biya bu. ²⁴ Ana biska jire, mu ɗeyi ka'a. ²⁵ Aka moyai yanko babno bui, ne an uhe ki gem bomu abano bu. Me nen angkok sono ke ngoi na a jouti k ishe an barkak bomu abano ²⁶ Nen angko kika alobas a nditu, iko zina ngo ɗeyi kit shida yo si hawonni. ²⁷ Naan zorik babno gi yanko, to; ko gyaze hoɗa katko bu. Na mek an babno bu, to, ko barte babno bu. ²⁸ Na ko iko babno ko iko zunhu bu. Na mandu iko babno, te iko zuhu bu. Mamaye yo 'yanko babno a moitik bone tim a tong ɗeino ne me nda lon hodingkuk hawosu. ²⁹ Me woi ei neshenku, yagenakuno goraji ki monde: jajum shim. ki dom, eri biyai yo anan monde ɗeyi kit anandi bu. ³⁰ Maye yo a bele, ɗeyi kit a bele bu maye a kuyu ɗeyi kit a kuyu bu, biyai a keje shi ɗeyi kit n zuni andi bu. ³¹ Maye a marshe k dunya ɗeyi tami kit n zuni marshe k dunya bu, Kika dunya ki ei hawoto a ndito tekteke ³² Nen nda ngu ɗeyi k damto bu. Ngoi an babno bu damta si e ei bomu abano ndalo, ki bilei si ɗaha bomu abano ndalte si. ³³ Me ngoi an babno damto n ni karei yo dunya, ki billei mandi kola zeini, ³⁴ keluni tike no. Mandus iko babno bu lei gumyo damta a ka ei bomu abano ndalo, te ɗeya tong rutai zina ki kelui bu'uno. Mandus iko babno a damta aka karei so dunya, ki billei te a ɗaha mizinto kol zeito. ³⁵ Ne anshegku woi ne hafteku her ngaundotku, ɗo damte nguni bu. Ne angko 'ya woi kika zina, ngu on katku k bomu abano bongku deyimodi. ³⁶ Me na lah mandu wallitkok jajum babnoto, na boto moiko gomko bu na geɗo mokko,a ei gomko e itotik babno me 'yak zunhu bu. ³⁷ Me na si andi tong tili, na si tong damto bu na a gitik ngaha kanni, na si namko tong tilini,a ngaftik kanni mante mandu bu. ³⁸ Ngoi na onko babno k ba'i, iko zina, me na ngoi git ishento babno bu walleniti. ³⁹ Zori k babno a gi'ya mandus na mizinto an zau, na me miziy matinni deyito te e babno k lei ngoi yiya yo gomto ti me na a tong bomu abano. ⁴⁰ A tong sheryanno a ɗeya an kuyu na ɗeiko wara babno. Me nen iko ɗibna aka nen an kelui bu'uno yo Ndeyi.