¹ Na moɗi hototku iko shana ki zab'i, itinni ɗo si mok si a gya a sherya yo biska jire bu, nami wusti ka sherya wara moka gya ana onajire? ² Ngu manangko buɗo ta ana biska jire a sheryanta dunya? Name nguning a sheryanta dunya, ngu jowa duya sherya so kahuru buɗo? ³ Ngu managko buɗo ta mu sheryanta taktakaku? lei ka mono meke, mu joutik sheryanta shashanas hotommu? ⁴ Na ngu ina sherya ka eiyo damɓitko k ɗeinommu a ka kika miya ngu mokshenti shida eni mamaye a dom biyai ana mure jire ⁵ Nen anku woi'e 'yak kawa zugonku. andi ngo tintilku buɗo an mantu manatko dug shanhottku ana biska jire?. ⁶ Me kit ka,a ngoi onko jire moko zaf'i a ona jire, dom a sherya i biska jire bu. ⁷ Eni y ta andi shana a titil ana ɗaha Yeso ɗeyinni yak kawa zugonku. ki ka miya ngu habrik ei yambuye? kika miya ngu wusa wod nguni buye? ⁸ Me ngu 'yankozinabu, men wodangko ma'atonzuni me shaenku. ⁹ Ngu mananko buɗo ta ngoi na an jire a geda menek ban Ndeyi bu? ngu oni jire a rerei bu. Ana aza, ana ɗaha goro, ana barta sha'ensu goraji, ¹⁰ Ana shiri, ana ndala tili, ana seshi, ana huhuli ki ana yaklu tire- an moɗik hawosu yo wena mene ban Ndeyi bu. ¹¹ maatongku ke ka ka'a. me, buɗanku, matagko nguni biyai zignen ke jo waltaugku ki sun bomu abano Yeso kristi ki gya kelui Ndeyimmu. ¹² "lei eimiya an uheni gemano ." me lei ei miya bu an rutani lei eimiya an uheni gemano me deya ngaru lei miya bu. ¹³ "Wo'oto ki ka hawo, hawo ke ki wo'oto" Ndeyi a me a duginsu shafsu. zugo 'yankoke ka aza bu. kaba dei ki bomu abano a bano ki zenitik yo bi. ¹⁴ Ndeyi jugtak bomu abano si ke a jugtinmu tong geɗenni. ¹⁵ Ngu mananko buɗo ta zugonku yo kiristi? me jouti nama zug kiristi ne ontik kilaki ɗo? Hele ka,a bu ke'e1 16 Ngu managko buɗo ta lei ngoyiya na ogko zugonik kilaki ɗeyinni zugo moɗi ki te? kit shida eni Ndeyi agko, ta "Biya bolo a ɗeyisu zugo moɗi" ¹⁷ Me ngo na onkok zugoni k Bomu abano ɗeyinni kelu moɗi ki si. ¹⁸ Gunatku ki ya aza! lei shida zunhus siya na ngi iko damba zugo bu, me ngo a aza itko k zunhu zugoni. ¹⁹ Ngu managko buɗo ta zugogku bei ɗeinok kelu Ndeyi yon ɗeinok nguni, yon a wangkok gem Ndeyi? ngu managko buɗo ta nguniy yo katku bu? ²⁰ kajagko ngunik kahuru bu. kika ka,a nama ka Ndeyi ki zugonku.