¹ Mu kolangko ta an deinok aza hototku, shida aza so lei a hotok ana mure ona jire a hele bu. Eniy ta modik hototku sunshek man boensu. Wara zubak Ndeyi. ² Har ngu jugta ka! Suba ngu 'e belek ka 'ya woi bu? Ngoi iko 'ya woi kaba hodinik hototku. ³ Kika, lei tan be'i modik nguni tong zugo bu mem be'i modi tong kelui bu'uno, ne itkok sheryak a ina 'ei woi ye 'e, kit ne gemku. /v 4 Na ngu dahangko be'i modi tong sun Bomu abano Yeso, keluno ke a wondi ki gedok Bomu abano Yeso, nen itkok sheryak ngoi woi ye 'e. ⁵ Men iko woi ne don on ngoi woi ki singkau kika yabta zugo, bei keluni watik wangu hoti badis Bomu abano. ⁶ Hafta katkuns zina bu. Ngu manangko bu do ta yisti lashim a menentik woka sinakir ye? ⁷ Buda katkuk tong yistiy onzi naming deyitku so hoyo, ngu deya sinakir so wara yisti. Kika Kiristi, gyam sadkammu, ongkong zauni. ⁸ 'Yamu kuyu be'i geleshis 'e, ki yistiy onzi bu, yisti mure hangkali ki tili bolo. Ki ka woi, 'yamu geleshis ki sinakir so a dabta bu so jire ke zina. ⁹ Ne turengku tong lalaunanno ngu gomte katkuk ana aza bu. ¹⁰ Lei a tong miya ne anshek ana aza hawok dunya wonses 'e, do ana zima, dadaglu, ana goro, do ngu tikek nzuni kaba na ngu wusangko gomta ka ki nzuni. Kaba na mu wusangko dunya. ¹¹ Me kauson turengku ngu gomte ka ki lei ngoi yiya yo wunda kanni ta beinonti do ba'anonti tong Kiristi me a deinok hali aza, domana a zima, do a dafshe goro, do a shei ki huhuli, do a seshi, do a dalshi. Lei wo'oto suba ngu tok shida ngoi woi bu. ¹² Kika zofko ne'e miya ki ina sheryak maye a ban donshu bu? Ki bo woi, Suba nguni ngu 'e sheryak mayei tong ban donshui bu? ¹³ Ndeyi me a ishe sheryak mayei a hena. "Hodatik ngoi disak hototku."