¹ Nguni, yagenakunno, ne gita ishenku eni kit biyai an kelui bu'uno bu me kit biyai, tong luh zugo kit millai mimi'i tong kristi. ² Ne ka nguni k yeɗi me ki wo'otoi, geɗo bu ngu ndalanko bu me lei kauso ngu ndalanko bu. ³ Nguni har kauso ngu deinokzugok luh. Har kauso an dasa ki shana hototku, kana nguning ana zugo bu? ngu an ngu dsfshe bo yo biya bu? marshe ka ei ngo ndalo. ⁴ Na moɗik hawok ku angko ta nen ɗafshe Bulus? Ma'atongku ta ɗafshe Afolos nguning ɗeino kit biya bu ɗo? ⁵ Ngoi yiya si Afoloy? Ngoi yiya si Bulus ye? ngarakui yongwankok gansu lei ngoi yiya ke Ndeyi ruta. ⁶ Nen kafko, Afolos ongko ham, me Ndeyi hafta si. ⁷ Kika ka'a lei si yo kafkoi 'e lei si onko ham shafsu bo 'yabu. Me Ndeyi a hafta 'ya ni. ⁸ A kafshe ki a ona ham ye shaf moɗi, lei yiya a biska ei si ruta. ⁹ Garo nguni ana ruta Ndeyi. Ngu kori Ndeyi, sali Ndeyi ke,e. ¹⁰ A ka tili moɗi Ndeyi onano ma'i sali, ne zah heke sali yo'oto me sali kanni. Me lei ngoi yiya ze hankalinni ka shida salis so ina ¹¹ An ngoi a zena sheke sali sheke sali so'oto bu kaba so zanko, wato Yeso Kiristi. ¹² Kauso lei ngoi yiya na zah salinni ka dinar, ki gosho so an talku, shoho, nama rusho ¹³ A tama ruta lei ngoi yiya hili badi wonsis a ho'oti si hili katik yesi, yesi wonsis metamtik zinak lei shida rutangoi ya. ¹⁴ Na me ngoi rutani ɗeyinni ko, si biska bohawonni; ¹⁵ Me na ruta yo'to bokinni, a yaklitik bohawonni. si guda kanni a wa tu walli ni me, kit shida ngoi hate titil yesi. ¹⁶ Ngu manangko bu ɗo nguni ngu ban Ndeyi jo kelui bu'uno ɗeino hawotku? ¹⁷ Lei ngoi yiya na yabta ban Ndeyi, Ndeyi ke yabtini kika ban Ndeyi bu'uno, nguni ke ka'a. ¹⁸ Kada ngo youte kanni bu. Me na lei ngoi yiya hawotku a moishe kanni kit ngoi an mantu, a sommoɗi woiye mate kanni yakna, ki ka si ɗeyi a mantu. ¹⁹ Ki ka'a mantui dunya wonse gyam Ndeyi yakna kika tureno, "A ngaf zuni tong mantunsu." ²⁰ Har kaiso, "Bomu abano manotik ndibnak su manotik asum su, asum su sarei ke'e." ²¹ A ka'ai kada lei ngoi yiya, gof bo gebani bu, ²² lei Bulus, ɗo Afolos ɗo Kefas, ɗo dunya, ɗo zau, ɗo mato,ɗo lei ei kauso, ɗo lei ei isno. Lei ei miya maku, ²³ nguni yo Kiristi, Kiristi me yo Ndeyi.