¹ Jajum yong dino ganku yagyenaku, ne dinno anku eni kika mantuno bu ka ei bunkeno jire tong Ndeyi. ² Ne suko nguni ki yedi biyak luh bu ki ka tadanko hada luh bu kaiso ma ngu dandankohada luh bu. ³ Ne me n andi nguni tong regeshi no ki zuba ki damto yam. ⁴ Me ding ɗonno ki enino iko nem ki eni golantu bu do ki dibna bu kika ka'a kaba ellu yo kelui bu'uno me ki geɗo ⁵ ona ki ka kada ona jiretku deyi tong so ngo bu me tong gedok Ndeyi. ⁶ Kaiso mu anshe ni tong biyai ayansu me mantu yo dunya bu, lei ki ana menek sani, yo gedensu. ⁷ Ki ka ka'a mu anshe eni mantu Ndeyi a tong bunkenok jire, bunkenok jire yo Ndeyi zofko, zofko tingki kalou ki ka nama kammu. ⁸ An ana menei tong sommodi woi managko tong jajim wom bu ki ka na manan koti ka, nzuni a longka boti a bano bu. ⁹ Kit yo tureno, "Ei ido gita moishe bu, an kumo so kolko bu, an dibna so dibko bu, ei Ndeyi ramtak biyai ndalanko si." ¹⁰ Woi ei mamaye Ndeyi tammu tong kelui bu'uno, kika kelui bu'uno a anshentik lei miya ko ei inni gera tong Ndeyi. ¹¹ Ngoi manotik dibnak ngo kaaaba kelui bu'uno yo zug ngo? Ka'a ke e, an ngoi man dibnak ei Ndeyi iko bu kaba kelui bu'uno yo Ndeyi. ¹² Me mu biskagko kelui bu'uno yo dunya bu, me Kelui bu'uno ki gyam Ndeyi kika ɗo mu mante lei miya a onshemu bo sarai ki gya Ndeyi. ¹³ Mu eni aka ei woi ye e kika mantu ngo a ina shutu bu, kaba yo Kelui bu'uno shute mu. Kelui bu'uno anshemu eni kelu mantu. ¹⁴ Ngoi na an Kelui Bu'uno bui a biska ya bu ki gya kelui bu, uno yo Ndeyi. Ki ka nzuni yaknagyemani si a manta nzuni bu. Ki ka kelu ne a tamshe nzuni. ¹⁵ Ngoi na an kelui bu'uno a sheryantautik lei miya, me si a gitik ɓata sherya ka ma'ato me siher sherya bu8 ¹⁶ "Si lo a mantitik dibna bomu a bano, yo si ani ta e bu?" Me anandi dibnak Kiristi.